تحذير من زيوت الباكم المغشوشه

[creative_art]

الموضوع باختصار انى كنت راكن العربيه فتره ده لأني بستعمل غيرها ومش بتحرك كتير عشان ظروف الكليه وكده ,..


المهم جيت ركبتها لقيت الفرامل ضعيفه وشبه مش موجوده اصلا ... والدواسه بتنزل معايا للأخر

قلت بس خلاص ده كده ماستر عمومي ..


رحت عند صنايعي فرامل محترم وشاطر فى شغله حكيتله الى حصل ...

راح حالل العجلتين الى ورا وغيرنا التيل وخرطنا الطنابير كا اجراء روتيني لانهم كانو عايزين يتظبطو


المهم فكينا خزنة الزيت لقينا حاجه غريبه جدا ...

لقينا الزيت عباره عن شمع ماسك فى بعض ... والزيت لونه اسود

الزيت ده كنت بجيبه من عند محل الزرانى جمال عبدالناصر ب15 جنيه علبه صغيره لونها ابيض :) ،، وانا متاكد من الى بقوله لأني لما غيرت بلية الدبرياج الزيت نزل وجبت منه برضه ومكنتش بجيب غيره


ده مش زيت باكم ... ده حاجه غريبه ،،،، شمع تقيل جدا جدا لدرجة مكنش راضي يطلع من ايدي

فكينا الماستر

وفتحناه من جوه لقينا كاوتشة الضغط والاجزاء الى جوه بالكامل فيها الماده الغريبه دي ....

جيبنا ميه سخنه بتغلي وبنزين وقعدنا نغسل الحاجات دي كلها لحد ما المواد دي طلعت منها ..


وغيرنا الكاوتشه والحاجات الى اتهرت جوه


وقعدنا ننضف توصيلات الفرامل من القرف الى الى كان جواها ،،، لدرجة 3 علب زيت فرامل بندكس مكفوش

لحد ماوصلنا ان الدوره اتنضفت بنسبة 85% واتسحلبها هوا والحياه تمام


طبعا الفرامل رجعت تشتغل الحمدلله تمام بس الدواسه واطيه شويه ولسه طريه برضه وعلي حسب كلامه ان احتمال ماستر عمومي بعيد عن الموضوع ،،،

ده طبعا غير ال abs زمانه اتبهدل من الموضوع ده

الخلاصه :: ياريت نحذر ياجماعه من الزيت الموجوده في السوق ونعرف الفرق بين dot3 و dot4 لأن اغلب الصنايعيه انا اسف في الكلمه " مبيفهموش الألف من كوز فى الدره فى الموضوع " والصنايعي الى كان بيعملي العربيه نصحني بزيت كويس اسمه بندكس فرنساوي وده dot3 ،، طبعا انا قلتله ازاي ده مينفعش للعربيه قالي لأ جربه على ضمانتى ..

[Amr_650]

تسلم يا بية .. انا بجيب العلبة المشهورة الصفيح دى اللى حمرا فى ابيض فى اسود :)

[MaaM]

شكرا ليك على التجربة ، بس من كلامك واضح انك غيرت الطنابير اللي ورار وخليتها سكاكين ؟
لو صح ممكن تقولنا ايه اللي اشتريته عشان تعدل ، والسعر لو أمكن
وهل النتيجة أحسن بكتير ولا فارقة بنسبة بسيطة ؟

[creative_art]

هوا انا كان فى نيتي اعدل الفرامل الى ورا طنابير وخلاص رحت اتفقت على كل حاجه ،،، بس لما فكينا الحله بتاعت الطنابير الي ورا لقيناها سليمه محتاجه خراطه بس فا استنيتها لحد ماتجيب اخرها وغيرتلها تيل

بس هو لحد اخر لحظه كل الى هتحتاجه جمبين كاملين شفتهم فى صلاح الدين عاملين 420 من غير فصال راكب فيهم تيل فرامل بتاع بلاده وحالتهم كويسة جدا ،،، كل الى هتعمله هتفك مسمارين وتركب ،، بس

[MaaM]

اصلك قولت انك غيرت التيل وخرطت الطنابير ، ودا اجراء متعارف عليه للسكاكين مش القباقيب ، مش كدا باردوا ؟

[creative_art]

ماهي منظومة فرامل القباقيب عباره عن تيل وسوسته وطنابير في الحله الي مغطياهم

[فادى محمد]

-زيت الفرامل الريكومندد لعربيتك هو دوت 4
-احسن نوع الماني علبته صفيح زرقاء
-مكتوب علي اي علبه بكم change yearly

[Astra Lovers]

كلام فادي صح ١٠٠/١٠٠

[Karim_Monir]

فادي العلبة الصفيح الالماني دي جبتها من عند الشيخ طارق بتاع البي ام وقعدت في العربية 8 شهور ونزلت زفت وطين
وروحت كشفت علي صلاحية الزيت عن وولف بعد 8 شهور بس وطلع اكسبيرد

نصيحة هات الزيت من المستورد مباشرة
مافيا ضرب الزيت في مصر بشعه جدا وبيعدو علينا في الحرفيين كتير

[فادى محمد]

فادي العلبة الصفيح الالماني دي جبتها من عند الشيخ طارق بتاع البي ام وقعدت في العربية 8 شهور ونزلت زفت وطين
وروحت كشفت علي صلاحية الزيت عن وولف بعد 8 شهور بس وطلع اكسبيرد

نصيحة هات الزيت من المستورد مباشرة
مافيا ضرب الزيت في مصر بشعه جدا وبيعدو علينا في الحرفيين كتير

كريم باشا . انا باستخدم النوع ده من 4 سنين وبجيبه من نفس التاجر , مش مستبعد انه يكون جزء منه مضروب وخصوصا في الحرفيين لان ده سوق ماشاء الله. ربنا يستر , دي صوره المنتج

[MaaM]

الموضوع مش انه مضروب يا فادي ، كريم بيتكلم على انه عمل الإختبار بتاع وولف ووجد ان الزيت بقى غير صالح بعد وضعه في العربية بـ 8 شهور تقريبا ، يعني باظ من الإستخدام
إن شاء الله هاغير زيت الفرامل عندهم وهاروح بعدها بفترة اختبر عندهم باردوا عشان اشوف نتيجة الزيت بتاعهم
وعلى فكرة اللي مخليني اصمم اني اغير عندهم وهو طريقة أخد الهواء من العربية
بيرفعوها على كوريك هيدروليك و وبيسحب الزيت عن طريق منفاخ صغير متوصل بـ علبة عشان الزيت يقع فيها والطرف الأخير في البذبوز :) بتاع الفرامل
لا مكاركة ولا يحزنون

[فادى محمد]

الموضوع مش انه مضروب يا فادي ، كريم بيتكلم على انه عمل الإختبار بتاع وولف ووجد ان الزيت بقى غير صالح بعد وضعه في العربية بـ 8 شهور تقريبا ، يعني باظ من الإستخدام
إن شاء الله هاغير زيت الفرامل عندهم وهاروح بعدها بفترة اختبر عندهم باردوا عشان اشوف نتيجة الزيت بتاعهم
وعلى فكرة اللي مخليني اصمم اني اغير عندهم وهو طريقة أخد الهواء من العربية
بيرفعوها على كوريك هيدروليك و وبيسحب الزيت عن طريق منفاخ صغير متوصل بـ علبة عشان الزيت يقع فيها والطرف الأخير في البذبوز :) بتاع الفرامل
لا مكاركة ولا يحزنون

تمام يا محمود ..يبقي الموضوع خاضع للاستخدام..
زيت الباكم ده شره جدا لامتصاص الرطوبه اللي بتاثر علي خواصه الكيميائيه , علي سبيل المثال.
درجه غليان زيت الباكم 260د انما لو امتص رطوبه بتنخفض درجه غليانه ل165د !!!!!

[amr elsisi]

انا بستخدم ابرو dot 4

[lanos2004]

كريم باشا . انا باستخدم النوع ده من 4 سنين وبجيبه من نفس التاجر , مش مستبعد انه يكون جزء منه مضروب وخصوصا في الحرفيين لان ده سوق ماشاء الله. ربنا يستر , دي صوره المنتج

الزيت دة اصبح مضروب ومقلد
كنت بستعمله وبطلت وبستعمل موبيل دوت 4