شوفتو الحادثة دى :(

[Amr_650]

السلام عليكم ..

شوفتو الحادثة دى . لسة حاصلة النهارده ....

دايو نوبيرا X اودى A3


بالفيديو.. مصرع سيدة وإصابة أخرى فى حادث مروع أعلى كوبرى الدقى

ربنا يرحمها و يعوض عليهم و يحمينا يا رب ..

اللى انا مستغربو اوى الاودى !!!! ازاى يحصل كدة .. اة الحمد لله البنت طلعت عايشة بس بردو ازاى اتصابت بقطع فى الركبة ..

انا دخلت على الريتنج NCAP لقيتها واخدة 4 نجوم بس .. يمكن عشان كدة ؟!!!





بس على اى حال يا جماعة ... لازمممممممممممممممممممم ناخد بالنا من
Safety procedures
بلا اى تنازلات خالص .. فعلا بتفرق و الله فى اى حادثة بعد قضاء الله و قدرة طبعا ..و خصوصا كل العربيات دلوقتى بقا ليها Rating .

ربنا يحفظنا جميعااا .

[mezo73]

ربنا يسترها علينا وعليك وربنا يرحمها

[amr011111]

ربنا يرحمها ياربويرزقها الفردوس الاعلى يارب

[kokowasfy]

الحوادث ملهاش كبيررررررررررررررررررررررر وبعد 100 اى حادثة دماااااااااار

[mahmoud_afifi]

لا حول ولا قوة الا بالله.
ربنا يرحم المتوفاه ويشفي المصابه.


كويس ان الأودي بعد الخبطه دي و يحصل اصابه في الركبه لأن واضح ان الدايو كانت ماشيه بسرعه عاليه عشان يحصل كده

[محمد بلال]

ربنا يرحمها ويعافى المصاب بس السؤال هى اى عربية دخلت على حارة التانية

[hugan]

لاحول ولا قوه الا بالله
علشان الحادثه دي تكون بالشكل ده مش اقل من 120
كوبري اكتوبر ينفع يتمشي عليه بالسرعه
اما وسائل الامان
القضاء والقدر واراده الله
وحدهم هم الامان
ياريت الكام عضو اللي في المنتدي اللي صدعونا ووجعو دماغنا وطهقونا
بعربياتهم الخرافيه وسرعاتهم وشدههم وثبات عربياتهم ووسائل امانها
يرحمونا شويه
ربنا يرحمهم

[J A G U A R]

ربنا يرحمها ويشفى الاخرى ... بس بعد ستر ربنا الايرباج فى الاودى خفف الصدمه

[J A G U A R]

ربنا يرحمها ويعافى المصاب بس السؤال هى اى عربية دخلت على حارة التانية

النوبيرا دخلت فى حاره الاودى

[adelghanem]

لاحول ولاقوه الا بالله
الله يرحم المتوفيين
ويدخلهم الجنه
ويشفى المصابين
الحوادث ملهاش كبير
لا اللى يقولك انا احسن سواق
ولا للى يقولك دى احسن عربيه
ربنا يحفظ الجميع

[hossamalsadik]

ان الله وان اليه راجعون
ولاحول ولاقوة الا بالله العلى العظيم
اللهم ارحم المتوفى واشفى المصاب

طبعا من الحادث ان شايف الأودى خدت خبطه دوبل مره بسرعتها واضافت عليها سرعة العربيه المقابله
يعنى هيا مخبطتش فى جسم ثابت زى الأختبار فالنتيجه ديى فى أعتقادى حتميه


وفى الأول والاخر إراده الله فوق كل شيىء
احنا بس ناخد بالاسباب نخلى بلنا من سرعتنا ونحترم اداب المرور حتى لو عربيتنا مليون سىسى
ونردد دعاء الركوب او مانركب العربيه
دعـــاء الركــوب ( الدابة ، الطائرة ، السيارة ....)


ـ عند ركوب الدابة أو الطائرة ونحوها:


ـ بسم الله، والحمد لله "سبحان الذي سخر لنا هذا وما كنا له مقرنين، وإنا إلي ربنا لمنقلبون".


ـ الحمد لله، الحمد لله، الحمد لله.


ـ الله اكبر، الله اكبر، الله اكبر.


ـ سبحانك إني ظلمت نفسي فاغفر لي، إنه لا يغفر الذنوب إلا أنت.


ودائما وأبداً لا تنس دعاء السفر

(( سبحان الذى سخر لنا هذا و ما كنا له مقرنين و إنا إلى ربنا لمنقلبون , اللهم إنا نسألك فى سفرنا هذا البر و التقوى و من العمل ما ترضى , اللهم هون علينا سفرنا هذا و اطوعنا بعده , اللهم أنت الصاحب فى السفر و الخليفه فى الأهل , اللهم إنا نعوذ بك من عثاء السفر و كأبة المنظر و سوء المنقلب فى المال و الأهل ))

وربنا يستر طرقنا جميعا

[احمد فهمى]

السرعه هى السبب فى كل الكوارث لو ماشي براحه وحصل اي حاجه مش هيحصل كوارث العمر بيد الله لكن لا ترمو بأنفسكم فى التهلكه والجري تهلكه

[Mostafa.Ismail]

الله يرحمها والله اعلم النوبيرا اية اللى حصلها .. ممكن يكون حصل عطل مفاجى فى الفرامل او الست حصل لها اى مشكلة صحية او اى مشكلة تانية!

ربنا يرحمنا جميعا.

[mohandelboshy]

اولا ربنا يرحمها يا رب ويشفي المصابه
ثانيا الموضوع لا ليه علاقة بوسائل امن وامان ولا ايرباج اتفتح ولا عربية صاجها متين ولا اي حاجة كلها ملهاش علاقة بقضاء وقدر ربنا كلها اسباب ولازم ناخد بالاسباب
بس مش معني كده تمشي 120 او اكتر وتقول اللي ليه نصيب في حاجة هتكون معاك حق بس ولا تلقوا بايديكم في التهلكة ده حتي لو لا قدر الله حصلك حادث ممكن تطلع انت سليم بس تتسبب في الضرر لغيرك
امانه عليكم مفيش داعي للسرعة هتستفاد ايه لما تجري اكتر من 100 هتوصل بسرعة مثلا ولا دي دليل علي انك سواق شاطر ( ملهاش علاقة السواقة مفيش فيها كبير ) ليك ميعاد خايف تتاخر عليه انزل بدري يا اخي قبل ميعادك بدل ما تبقي مستعجل وتجري
اتقي الله في نفسك وفي غيرك وفي مالك ( طبعا مش انت تعبان في تمن العربية ) يا اخي بالله عليك مفيش داعي تجري اكتر من 100 والله ما شطارة اشطر منك ( قصدي كانوا فاكرين انها شطارة ) عملوا حوادث منهم اللي عنده عجر ربنا يعافينا ومنهم اللي ودع الحياه ( ربنا يحسن خاتمتنا ويطلعنا منها علي الف خير )

ارجوك انت وهي ويا ريت نعمل حملة وان شاء الله تكون ايجابية
خلي سرعتك اقل من 100
اللهم بلغت اللهم فاشهد
ربنا يحفظنا جميعا من كل شر ومن كل سوء

[Astra Lovers]

الله يرحمهت ويحسن اليها ويسترها معانا ولا يرنا يأسا في عزيز لدينا