سؤال لمﻻك الاسترا كوزمو ضرورى عشلن نازل الاسبوع الجاى اشترى

[martinmystery]

السﻻم عليكم معلش انا تقلت كتير

هى الاسترا كوزمو فيها s اللى هو sport اللى بيكشر الار بى ام وﻻ ﻻ

عشان دا مهم بالنسبة لى عشان بحب اجرى وكده

ولو مش موجود في خاجة تعوضه زى الكيك دون فيها كويس يعنى يدى نقلة الخامس بعد ار بى ام 5 مثﻻ وﻻ مش جراية

وفى الاخر تنصحونى اجبها وﻻ اخلينى فى التويوتا اوريس ؟!؟

وشكرا

[martinmystery]

وفى فالفتيس حاجة ما بين الp وال R دى عبارة عن ايه معلش ؟؟

[eng wael]

لو بتحب الجرى ما تجيب التيربو

[martinmystery]

لو بتحب الجرى ما تجيب التيربو

كان على عينى بس معييش فلوس :d

اخرى يا الكوزمو يا الاوريس وياريت لو حضرتك تعرف الاجابات تقولى

[aahfly]

السﻻم عليكم معلش انا تقلت كتير

هى الاسترا كوزمو فيها s اللى هو sport اللى بيكشر الار بى ام وﻻ ﻻ

عشان دا مهم بالنسبة لى عشان بحب اجرى وكده

ولو مش موجود في خاجة تعوضه زى الكيك دون فيها كويس يعنى يدى نقلة الخامس بعد ار بى ام 5 مثﻻ وﻻ مش جراية

وفى الاخر تنصحونى اجبها وﻻ اخلينى فى التويوتا اوريس ؟!؟

وشكرا

لا ، استرا كوزمو مفيهاش sport
لكن بتعمل كيك داون كتير و لو دوست بنزين جامد ممكن تنقل على ٥ ار بي ام
و ممكن تتحكم انت فى النقله عشان الفتيس ستيبترونك

[aahfly]

وبالنسبه لسؤالك اوبل و لا تويوتا دي ترجعلك و حسب استخدامك
تويوتا سحبها احسن فى السرعات القليله و تكيفها احسن و انعم
اوبل ثابته جدا على السرعات العاليه و شكل و تقفيل احسن و منتشره اكتر
لو مكانك حشوف لو اغلب مشاويري جوه البلد حفضل التويوتا
لو اغلب مشاويري فى طرق سريعه حفضل الاوبل

[martinmystery]

لا ، استرا كوزمو مفيهاش sport
لكن بتعمل كيك داون كتير و لو دوست بنزين جامد ممكن تنقل على ٥ ار بي ام
و ممكن تتحكم انت فى النقله عشان الفتيس ستيبترونك

يعنى حضرتك تنصحنى اجبها مفيش فيها مشاكل وﻻ التويوتا اوريس هتكون خيار افضل ؟!؟

[Mohamed.Hany]

انت شكلك بتحب الجرى ، و لكن الجرى محتاج ثبات صح؟
اهو الاتنين دول موجوجين في الاوريس وزيادة عليهم كمان نقلات من الدركسيون و ستيبترونيك و زرار sport اللي انت عاوزه.
اما الثبات فالاوريس مع واحد صديقي ثابته جدا جدا و فيها esp و traction control غير طبعا الحاجات التانية abs ebd ba زى الاسترا بالضبط
و الشكل فاجر و اروش مالاسترا و ليدات امامية و توكيل احسن من منصور.
انا شايفك في الاوريس. و مبروك مقدما

[برنس الليالي]

المعروف عن الاسترا والاوكتافيا انها عربيات تقيلة مش جراية ومش بتسحب جامد ولو بتضغط بنزين جامد صوتها بيعلا ولازم بردو تاخد وقتها عشان تجري مهما دوست ومحركها 115 حصان

الحاجات اللي اعرفها تحت الـ200 الف وبتجري وبتسحب جامد هي النيو سيراتو والفيلوستر ومحركاتهم 130 حصان

العربيات دي كوري اي نعم بس فيها اوبشنز كتير وفيها اللي انت عايزو والميزة في النيو سيراتو انها بتنزل بوضعيات القيادة comfort - normal - sport

والميزة في الفيلوستر انها بتنزل بالـESP لزيادة الاتزان على السرعات العالية وبالنسلة للاسترا ميزتها طبعاً ان خامتها الصناعية اجود من النيو سيراتو والفيلوستر واثبت منهم على السرعات

شوف انت اولوياتك بس لو غاوي سرعة وسحب واستجابة اعلى هات يالنيو سيراتو يالفيلوستر والعربيتين في منتهى الجمال بس الفيلوستر اشيك

[m9501]

الطالعة بتاعت الاسترا مش حلوة اوي بس بعد الخمسين تقريبا لو كبست بنزين جامد بتسمع صوت الموتور (صوت حلو) و السحب بيكون حلو
و بتجري .
المشكلة الوحيدة بعد المطبات بتشتم تقريبا لاني بمشي علي الشمال و العربية بتكون لسه بتجمع سرعة بعد المطب.

[Gladiator2012]

هو ابة المفروض اللى بيجى مع الاسترا سواء كان استبن او غيره و المفروض الواحد يبص على اية لما يجى يستلم العربية؟

[martinmystery]

الطالعة بتاعت الاسترا مش حلوة اوي بس بعد الخمسين تقريبا لو كبست بنزين جامد بتسمع صوت الموتور (صوت حلو) و السحب بيكون حلو
و بتجري .
المشكلة الوحيدة بعد المطبات بتشتم تقريبا لاني بمشي علي الشمال و العربية بتكون لسه بتجمع سرعة بعد المطب.

للدرجة دى انا معايا افيو هتكون طلعتها اقل من الافيو ؟!؟

[martinmystery]

هو ابة المفروض اللى بيجى مع الاسترا سواء كان استبن او غيره و المفروض الواحد يبص على اية لما يجى يستلم العربية؟

هو حضرتك جبت استرا لو جبتها يا ريت تقولى طلعتها عاملة ايه مكتوب فى الكتالوج بتجمع من صغر لمية فى 11.9 ثانية

[Abdo Taha]

مع اني بحب الاسترا جدا بس انا شايف ان الاوريس احلى و شبابية أكثر و اتوقع تكون اقوى كمان بس مشكلتها عدم انتشارها و ده ممكن يعمل مشاكل فيما بعد من حيث قطع الغيار و ثقل اعادة بيعها عكس الاسترا اللي انتشرت جامد في الفترة الاخيرة بس و انت راكب الاوريس هتفضل شئ مميز في الشارع .

[برنس الليالي]

هو حضرتك جبت استرا لو جبتها يا ريت تقولى طلعتها عاملة ايه مكتوب فى الكتالوج بتجمع من صغر لمية فى 11.9 ثانية

الهاتشباك تسارع من 0 - 100 في 13.3 ثانية

مع اني بحب الاسترا جدا بس انا شايف ان الاوريس احلى و شبابية أكثر و اتوقع تكون اقوى كمان بس مشكلتها عدم انتشارها و ده ممكن يعمل مشاكل فيما بعد من حيث قطع الغيار و ثقل اعادة بيعها عكس الاسترا اللي انتشرت جامد في الفترة الاخيرة بس و انت راكب الاوريس هتفضل شئ مميز في الشارع .

هي فعلاً الاوريس اقوة في التسارع بفارق 3.3 ثواني من 0 - 100 وفرق المحركات 115 حصان للاسترا و131 للاوريس

غير ان الاوريس اوبشنز اعلى زي مثلاً فيها 9 ايرباجز في الهايلاين و6 في الفئات الاولى والاسترا فيها 4 بس

بالإضافة الى كراسي كهربائية امامية وسقف بانوراما وحساسات ركن ومرايات خارجية قابلة للطي

والاهم من دا كله ان العربية فيها اوبشن الـPark Assist اللي هو الركن التلقائي بس الحاجات دي موجودة في الهايلاين اللي سعرها تقريبا 212 الف

وانا عن نفسي افضلها عن الكورولا عشان المفروض تبص للعربية من ناحية امكانياتها مش سمعتها او اقتصاديتها

عموماً حضرتك لو بتفكر في التسارع بس في حاجة في حدود الـ200 يبقى نيو سيراتو او فيلوستر او اوريس او تنتظر السيات ليون الجديدة

لو عايز حاجة الماني هات الفورد فوكاس محرك 125 حصان تسارع للـ100 في 11.9 ثانية وفيها كل وسائل الامان

والاهم من دا انك حتبقى دخلت في موسوعة الهاندلينج والثبات العالي جداً والـDriving Pleasure

في امان الله ورعايته