لملاك الفيكترا بي ، العفشة أحلى مع النيتروجين

[MaaM]

جربت النيتروجين قبل كدا في الأسترا ، بس محستش بفرق يذكر نظرا لأن عفشتها ناعمة وطرية وكلها حنية

من أسبوع عديت على Fit & Fix ، عشان اعمل إكس للعجل ، أصله فتح فرع جنبنا في ميدان لبنان :)
وقولت اما اجيب فردة جديدة اركبها قدام واخلي القديم مكان الإستبن عشان هو بتاع الفابريكة انتاج 2002
اشتريت واحدة اخت اللي راكبين في العربية تورانز GR90 بـ 698 جنيه بالإضافة لخدمات الترصيص والتركيب والنيتروجين يبقى 708 جنيه
بس الفني قالي خلي الفردة الجديدة مكان الإستبن عشان العجل القديم ماشي مع بعضه والإكس يبقى مظبوط
المهم قولتله فضي العجل كله واملاه نيتروجين ، وملا على 32

ولسا بطلع وبعدي على خط بارز كدا وحسيت بنعومة العفشة بنسبة كبيرة عن الأول
وجربتها على الدائري والعربية اختلفت بنسبة 30% في نعومية العفشة عن الأول
طبعا 30% ديه ممكن تكون نسبة بسيطة ولكنها نسبة محسوسة جدا لملاك الفيكترا بي ام عفشة ناشفة

الميزة والمصلحة اني اعدي عليهم في أي وقت وازود نيتروجين ببلاش :)

[ayman hamdy]

مبروك يا محمود الفردة الجديدة الاستبن ودة مهم جدا بس الاهم من وجهة نظرى فعلا هو احساسك بنعومة العفشة
فعلا فكرة ملأ الاطارات نيتروجين دى فكرة ممتازة وان شاء الله الكل يعملها لانها اولا مش مكلفة ثانيا بتظبط اداء العربية فى كل شيئ زى تقليل استهلاك البنزين ولو بنسبة بسيطة ونعومة العفشة وزيادة سرعة العربية من الثبات وعلى الطريق لان العربية بتكون اخف من ملأها بالهواء العادى
شكرا جزيلا على نقل التجربة وجارى تنفيذها ان شاء الله
تقبل تحياتى

[amr elsisi]

تسلم علي نقل التجربة
انا كنت حاطط نيتروجين وكان ممتاز بصراحة
بس مشكلة لما تتزنق وعاوز تزود عجلة وماتلاقيش حد
بس قولي انت جبت عجلة جديدة وحتطها استبن

[MaaM]

الله يبارك فيك يا أيمن

اه للأسف حطتها استبن ، كنت أصلا عايز احطها شمال وارجع الشمال القديمة مكان الإستبن
بس الصنايعي هناك قالي بلاش عشان العجل ماشي مع بعضه ونعمل اكس مظبوط
دا كان من ضمن الأسباب المهمة اني لما اكون محتاج ازود ، مش هالاقي غير الهواء
لكن لما توكيل بريدجستون فتح جنب شغلي ، دا اللي شجعني اني املا نيتروجين عشان هاقدر ازود منهم في أي وقت
بالاضافة انه مجاني !

بس فعلاً يا جماعة النيتروجين احساس تاني مختلف بالذات مع الفيكترا

[Hesham.H]

الله يبارك فيك يا أيمن

اه للأسف حطتها استبن ، كنت أصلا عايز احطها شمال وارجع الشمال القديمة مكان الإستبن
بس الصنايعي هناك قالي بلاش عشان العجل ماشي مع بعضه ونعمل اكس مظبوط
دا كان من ضمن الأسباب المهمة اني لما اكون محتاج ازود ، مش هالاقي غير الهواء
لكن لما توكيل بريدجستون فتح جنب شغلي ، دا اللي شجعني اني املا نيتروجين عشان هاقدر ازود منهم في أي وقت
بالاضافة انه مجاني !

بس فعلاً يا جماعة النيتروجين احساس تاني مختلف بالذات مع الفيكترا

قلتلك هاجيبلك فرده من اللى طالعين من عندى ماسمعتش الكلام

انا اخدت بكلامك ساعه ما ركبت الميشلان وروحت عملته نيتروجين وفعلا فارق فى المشى والمقاس مظبوط دايما سواء راكن العربيه او جاى من مشوار سخن .. بالنسبه للعفشه فهى اختلفت جدااا بعد الميشلان لان البريلى فرده ناشفه جدا وفرق السما والارض بين الميشلان وبينها
بصراحه الحمد لله الميشلان انرجى سيفر فرده طريه ومحترمه بالذات مع النيتروجين

[MaaM]

يا ريس تقريبا النوع ده اللي ناشف لأن نقشته رياضية ، فممكن يكون فيه انواع تانية من بريللي طري.
يعني مثلا عند بريدجستون بوتنزا ، فردة ناشفة عشان نقشتها رياضية ، أما التورانزا فنقشته ضيقة في الفواصل والفتحات عشان كدا ناعمة

انت اللي نفضت ، وقولت هاتيجي التوفيقية ومجتش ولا اتصلت حتى

[Hesham.H]

يا ريس تقريبا النوع ده اللي ناشف لأن نقشته رياضية ، فممكن يكون فيه انواع تانية من بريللي طري.
يعني مثلا عند بريدجستون بوتنزا ، فردة ناشفة عشان نقشتها رياضية ، أما التورانزا فنقشته ضيقة في الفواصل والفتحات عشان كدا ناعمة

انت اللي نفضت ، وقولت هاتيجي التوفيقية ومجتش ولا اتصلت حتى

طيب انا نازل القاهره بكره بأمر الله .. هاكلمك ونشوف هانعمل ايه ... اجيب الفرده معايا ولا إيه ؟؟

[bmya]

عملت النتيروجين بكام

[فادى محمد]

عملت النتيروجين بكام

العجله الواحده بتتملي من 5-7,5 ج والتظبيط بعد كده العجل كله ب5ج

[MaaM]

العجله الواحده بتتملي من 5-7,5 ج والتظبيط بعد كده العجل كله ب5ج

فعلاً ، العجلة بتتملي بـ 7.5 جنيه من توكيل بريدجستون وكانت الاول بـ 5 جنيه
أما ظبط العجل كله فمجاناً ، وبتدي الراجل 2 جنيه اكرامية

لكن لو ظبط من أي محل برا ، يبقى زي ما قال فادي بالظبط

[MaaM]

طيب انا نازل القاهره بكره بأمر الله .. هاكلمك ونشوف هانعمل ايه ... اجيب الفرده معايا ولا إيه ؟؟

شوفت ! اهي ديه تاني مرة اهوه ، قولت هاكلمك ولا كلمت ولا بصيت حتى ، براحتك ياعم