مشكلة غريبة في دوارة العربية ظهرت فجأة واختفت فجأة

[egyption2012]

السلام عليكم ورحمة الله وبركاته
النهارده للاسف معرفتش افول العربية بسهولة لحد ما لمبة البنزين نورت فلاش (ثانية وثانية)
المهم طلعت على البنزينة وبطلت العربية وفولتها
جيت ادور .. المارش مش شغال ولكن كهرباء العربية شغالة زي الفل (الكاسيت والعدادات والفتيس)
حاولت اكتر من مرة ومفيش امل .. كاني جايب الفتيس على غيار وبحاول ادورها
خلعت كابل البطارية وركبته تاني
نفس المشكلة
دقيقتين ولقيتها دارت معايا والمارش اشتغل
ومش لاقي تفسير للموضوع

------- اوبل استرا 2005 اوتوماتيك ------

[alameer81]

حصل معايا الموضوع ده مرتين
مرة كان شربون المارش متاكل وتشتغل شوية وشوية لحد ما قطع خالص و غيرته
ومرة كانت البطارية بتودع
بس برده نستني نشوف رأى اهل الخبرة الي في المنتدي

[amr elsisi]

حصل معايا الموضوع ده مرتين
مرة كان شربون المارش متاكل وتشتغل شوية وشوية لحد ما قطع خالص و غيرته
ومرة كانت البطارية بتودع
بس برده نستني نشوف رأى اهل الخبرة الي في المنتدي

تمام روح اكشف الاول علي جودة لبطارية

[egyption2012]

بس الكاسيت وكل حاجة بتحتاج للكهرباء كانت شغالة عادي
المشكلة ان العربية مكنتش حاسة بالمفتاح تماما وكاني جايب غيار وبحاول ادور العربية

[ahmedkasem]

بس الكاسيت وكل حاجة بتحتاج للكهرباء كانت شغالة عادي
المشكلة ان العربية مكنتش حاسة بالمفتاح تماما وكاني جايب غيار وبحاول ادور العربية

برضو روح اكشف على البطارية لان المارش بيحتاج كهربا اعلى من كهربة الكاسيت والانوار
ولو البطارية تعبانة ممكن الانوار والكلاكس والكاسيت يشتغلوا عادي
بس مش هتقوم المارش
والكلام ده عن تجربة شخصية

[egyption2012]

برضو روح اكشف على البطارية لان المارش بيحتاج كهربا اعلى من كهربة الكاسيت والانوار
ولو البطارية تعبانة ممكن الانوار والكلاكس والكاسيت يشتغلوا عادي
بس مش هتقوم المارش
والكلام ده عن تجربة شخصية

ان شاء الله اروح اكشف على البطارية
بس ميقومش المارش لدرجة انه ميحاولش يدور ابدا
كاني مش بدور العربية

[ahmedkasem]

ان شاء الله اروح اكشف على البطارية
بس ميقومش المارش لدرجة انه ميحاولش يدور ابدا
كاني مش بدور العربية

حصلت معايا وكنت لما ادور العربية كأن مفيش كهربا خالص في العربية
مع ان كل حاجة كانت شغالة ولمبات الطابلوه كانت كلها منورة
وجيبت الكهربائي عند العربية وقالي دي بطارية
ومقتنعتش غير لما جربت البطارية بتاعة عربية اخويا وفعلا طلع عيب بطارية

بس انت عندك بتقول ان العربية دارت تاني لوحدها فممكن تكون تهيييسة وعدت
عموما لو عملتها معاك تاني ابقى اكشف على البطارية

[egyption2012]

حصلت معايا وكنت لما ادور العربية كأن مفيش كهربا خالص في العربية
مع ان كل حاجة كانت شغالة ولمبات الطابلوه كانت كلها منورة
وجيبت الكهربائي عند العربية وقالي دي بطارية
ومقتنعتش غير لما جربت البطارية بتاعة عربية اخويا وفعلا طلع عيب بطارية

بس انت عندك بتقول ان العربية دارت تاني لوحدها فممكن تكون تهيييسة وعدت
عموما لو عملتها معاك تاني ابقى اكشف على البطارية

الفترة اللي فاتت كان عندي مشكلة في العربية
تخليني اطول في المرش شوية لحد ما تدور العربية
البطارية فضيت مني وشحنتها
فممكن تكون البطارية مهيسة شوية .. علي الرغم من ان المؤشر بتاعت البطارية مبين انه اخضر

[samoreception]

نفس المشكلة بالظبط عندى ويارب نلاقى حل ليها وهروح اكشف على البطارية مع انها برده منوره اخضر عندى

[samoreception]

فى واحد شاف العربية وقالى البطارية سليمة والعيب فى الفبرة
انا مردتش اخليه يعمل حاجة لغاية ما اعرف هى ايه الفبرة ديه اصلا