لمبة check engine ما بظهرش خالص

[ayman_aboramy]

شباب انا لاحظت ان لمبة check engine ما بتظهرش خالص عندي لا قبل الدوارة ولا بعدها
مختفية تماما

انا عربيتي اوبل استرا اتش مانيوال 2007
انا قربت اسلم من العربية دي

حد عنده تفسير يا شباب
ومعلش سؤال تاني محتاج كابل الاوبل op-com
ممكن اي حد من الشباب يقوللي مكانه فين وسعره كام
ولا دهمن الاسرار العسكرية الغير مصرح بيها
لاني لاحظت كذا واحد بيسال علي الكابل ده ومفيش اي رد من اي حد
خصوصا اللي لسه جايبينه وبيستفسروا علي حاجات خاصة بيه

[ayam7]

إحتمال تكون اللمبة محروقة

[ayman_aboramy]

اللمبة محروقة
يعني كل اللمبات شغاله وهي اللي محروقه
طب اكشف عليها في التوكيل افضل ولا ممكن اي مركز خدمة
يحلها عادي

[hossamalsadik]

كان فيه اعلان قريته خارج المنتدى عن حد بيبيع كبلات ورقمهم 01008889088

[romiobasha]

بخصوص الكبل انتظر رد مجمود MaaM زميلنا هو لسه جايب الكابل طازه

[MaaM]

ولا دهمن الاسرار العسكرية الغير مصرح بيها
لاني لاحظت كذا واحد بيسال علي الكابل ده ومفيش اي رد من اي حد
خصوصا اللي لسه جايبينه وبيستفسروا علي حاجات خاصة بيه

زيي كدا ياشا ؟
ممكن تقولنا مين فينا خبى معلومة عن حد بخصوص الكابا ده

Sent from my HTC

[ashourashour]

العداد ده بتاع العربيه ؟؟

كل حاجه شغاله صح في العداد ؟

وانهي لمبه لمبه اعطال دوائر الحساسات ولا لمبه الانبعاثات

[hilal]

الكابل موجود بسعر 420 جنيه في صقر قريش عند شركة متخصصة في اجهزة كشف الاعطال
ومش عارف اقول اسمها وللا ده يعتبر إعلان وعموما اسمها وأرقامها موجودين ع النت
انا لسه شاريه يوم الاربعاء الماضي وممكن تطلبه ديلفري بسعر 450 او اكثر قليلا

[TheUnknown]

في option في ال tech-II انك تنور لمض العداد اسمه Actuator test شوف اللمبه بتنور ولا لا

[ayman_aboramy]

العداد ده بتاع العربيه ؟؟

كل حاجه شغاله صح في العداد ؟

وانهي لمبه لمبه اعطال دوائر الحساسات ولا لمبه الانبعاثات

العربية انا لسه شاريها من 4 شهور وما لاحظتش خالص ان اللمبةمش بتنور اواصلا مكانها فين
انا اكتشفت الحوار ده وانا بتفرج علي حاجه علي النت ان اللمبة موجوده وبتنور مع الكونتاكت وبتطفي بعدالدوارة
فقولت استشيركم
هل ممكن يكون العربيةفيها حاجه انا ماخودش بالي منها
وشكرا علي ردك

[ayman_aboramy]

الكابل موجود بسعر 420 جنيه في صقر قريش عند شركة متخصصة في اجهزة كشف الاعطال
ومش عارف اقول اسمها وللا ده يعتبر إعلان وعموما اسمها وأرقامها موجودين ع النت
انا لسه شاريه يوم الاربعاء الماضي وممكن تطلبه ديلفري بسعر 450 او اكثر قليلا

شكرا ليك ولردك وان شاء الله اقرب زيارة اسال عليه واجيبهمنمصر ان شاء الله

في option في ال tech-II انك تنور لمض العداد اسمه Actuator test شوف اللمبه بتنور ولا لا

يعني اشوف اي مركزخدمة عنده الكابل ده
رغم ان معظم المراكز عندها op-com
انا كل حاجه شغالة عندي في العداد وكل اللمبات اللي ظهرت وشوفتها علي الفيديو في اليوتيوب
فبل تدوير العربية كلها بتظهر عندي ما عدا اللمبة بتاعت check engine
وكل الحساسات شغالة
يا جماعة سامحوني انا جديد علي الاوبل واللمبات والحساسات دي موضوع جديد علي
فمعلش استحملو اسئلتي