مشكله فى لمبه الصالون

[فادى محمد]

مبرووووووووك يا باشا .. هو ده الشغل

بس بصراحه نور الليدات فارق أوى عن النور العادى .. ويا سلام لو الصالون جبت لمبه كبيره من ١٦ الى ٢٠ ليد .. بتبقى ضهر زى ما قلتلك
المهندس عمرو السيسى لم قال على فكره اللمبه الأصليه مع الليدات وعملتها فعلا رائعه ومابقتش تسرى
طريقه التركيب عندى كانت بنقطه أمير على طرف الليد ولزقته تحت اللمبه الأصليه ومثبته فى جسم الكشاف .. نور اللمبه القديمه مش باين خالص ونور الليد ممتاز
زى ما فى الصوره كده بالظبط



تحياتى

جربت يا باشا زي مانت عامل بس انا شيلت اصلا الفيشه اللي بييجي فيها الليد (بخاف يعمل قفله ويحرق الفيوز) بطول السلك بفرده سلك نت وبالحم في اللوامس ..ماعجنيش شكل الليد وهو لازق في الشاشه تحت . رجعته فوق خالص واللمبه الصفرا مش باينه بعد ماغيرتها بوات اقل..

عاوزك تدقق فى الشاشه عندى هتلاقى نصها نوره حلو والنص التانى ضعيف عنه شويه .. دى لمبه محروقه ولا ايه ؟؟

لمبه فعلا.. بس لما ربنا يوفقك وتفك الشاشه غير اللمبتين . خلي بالك هتفك حجات كتير علشان توصل للشاشه ..
ابقي غير الساعه 18 خليها 6 ..

امبارح سالت عليها عند بتوع الكماليات في المنطقة عندنا بس لاقيتها غالية ب 25 جنيه فقولت ابقى انزل اجبها من التوفيقية ارخص

sent from my htc

ال15 ليد ب15ج ..

[Hesham.H]

.



لمبه فعلا.. بس لما ربنا يوفقك وتفك الشاشه غير اللمبتين . خلي بالك هتفك حجات كتير علشان توصل للشاشه ..
ابقي غير الساعه 18 خليها 6 ..

انا دايما متعود على نظام الساعه يبقى ٢٤ مش ١٢ :)
ويا ريت تعرفنا ايه الحاجات الكتير اللى هاتتفك عشان نوصل للشاشه .. وطالما هانفك يبقى اغير لون بالمره عشان عاوز اعملها أحمر زى البى ام

..

[فادى محمد]

بص ياباشا ..الموضوع مش صعب خالص بس عاوز تركيز شديد علشان مافيش حاجه تنكسر انا فكيتها كتييييير دلوقتي تاخد مني 20 دقيقه بس اول مره كانت مرار ..
-اول حاجه هتفك مسامير علبه الدركسيون اللي فوق بعد ماتلف الطاره مره يمين ومره شمال علشان تشوفهم هما صغيرين قوي.
-هتفك مفتاح النور اللي فوق رجلك الشمال بالهوايه اللي فوقه (متهيالي فكيته قبل كده لما غيرته)
-بعد كده هنروح ع الهوايتين اللي في النص , ممكن تفكهم عن طريق انك تحشر كارتين (كروت شخصيه) يمين وشمال كل هوايه علشان تضغط كلبساتها وتشدها لبره بحرص علشان ماتنكسرش ..ممكن بقي تفك البرواز اللي شايلهم من غير ماتفكهم .. اضرب كشاف قوي جوه الهوايتين هتلاقي مسمارين جي ام واحد فوق شمال والتاني تحت يمين دخل مفك من بين الهوايات وفكهم لو تعرف ويكون طرف المفك ممغنط علشان يجيب المسمار..
-بعد كده هتفك مسامير لوحه العدادات . واحد خلف الهوايات اللي فكيناها والتاني شمال فوق مفتاح النور و2
من تحت . فوق فيبر الدركسيون اللي فكيتهم..
-لوحه العدادات ليها طريقه في تخريجها.. هتسحبها لليمين وانت مميلها لبره . وخلي بالك علشان تطلعها لازم اخيرا تفك فيشه شاشه البيانات. هتلاقيها صفراء كده وليها غفيرعباره عن مشبك عليها من النص , شده لبره بس وبعد كده شد الفيشه هتطلع معاك.
-كده مبروك عليك فكيت اللوحه . اللي بعد كده انا واثق انك هتقدر تعمله اول ماتبقي في ايدك ..فك الشاشه وفك
وش لوحه العدادات ...