محدش يشتري ساكس و مايلي

[MaaM]

باسوس بتاعة الحفـّضات بتصنع كمان قطع غيار ؟
طيب حلو اوي اننا بنصنع قطع غيار ، بس الغش هو تغيير كتابة بلد المنشأ عشان يعلوا السعر ، مش عارف ايه المشكلة لما يكتبوا صنع في مصر ، دا حتى الواحد بيفرح لما يعرف ان بلده بتصنع حاجة

[abou-yahia]

واحب اضيف ان المساعد البلشتين بيتصنع في مصر برضه

في تقريبا العاشر من رمضان مش متاكد

وبرضه بيتقال عليه الماني

احسن حاجه دلوقتي المونرو وكيله غبور

[mido51eg]

باسوس بتاعة الحفـّضات بتصنع كمان قطع غيار ؟
طيب حلو اوي اننا بنصنع قطع غيار ، بس الغش هو تغيير كتابة بلد المنشأ عشان يعلوا السعر ، مش عارف ايه المشكلة لما يكتبوا صنع في مصر ، دا حتى الواحد بيفرح لما يعرف ان بلده بتصنع حاجة

ده مش تصنيع ، ده غش تجاري وسلع غير مطابقة للمواصفات القياسية ومواد معاد تدويرها زي الزيوت ومنتجات الكاوتشوك ، الحاجات دي بتسبب خطورة على العربية وعلى حياة الركاب

[hanyzezo]

تجربتى مع المايلى

فعلا يا جماعه ، انا اشتريت مساعدين امامى مايلى لاسترا 2006 من عند سرور فى وسط البلد ، وللاسف مكانوش كويسين وبعد دوخه مع الصنايعيه بسبب الرجرجه اللى كنت بسمعها غيرتهم بمساعدين استيراد على سبيل التجربه وكانت المفاجأة ان الرجرجه راحت ، المايلى عند سرور امامى كانوا بـ 800ج ومطبوع عليهم made in Germany وشكلهم تمام ، النتيجه ان سرور بيبيع المضروب