ورق الموتور

[ah-elgendy]

انا كنت غيرت نصف موتور من حوالى سنتين واخدت ورقه الافراج الجمركى
فا والدى راح المرور يسئل ع الموتور قاله لازم فاتوره كلمت الميكانيكى يجبلى الفاتوره فسئل الراجل اللى جاب منه النصف ( محمد سوسو ) فاقله عاوز فاتوره عاديه من المحل وعليها الختم ب 150 ولا عاوز فاتوره للمرور ب 250
ياريت اللى عنده فكره ع الموضوع يقولى اطلب ايه ؟ والسعر بتاعهم ده كويس ولا غالى

[Astra Lovers]

مفيش الهبل دا محمد سوسو بيستهبل هما ١٠٠ جنيه مفيش غيرهم وكتير كمان يجيبلك الفاتوره والافراج الجمركي مالتاجر اللي بيتعامل معاه محمد سوسو وتتاكد من رقم الصادر بتاع الموتور دا انه اتبعت من بورسعيد عالاداره العامه مالمرور
وعشان استهبال محمد سوسو تقولوا بالخرف الواحد عاوز فاتوره التاجر والافراج بديوس واحد وتبعت رقم الصادر عالعباسيه

[ah-elgendy]

انا معايا الافراج بتاع الموتور كنت اخدتها منه هى صوره مش اصل , اقوله انا عاوز فاتوره التاجر اللى هو بيتعامل معاه و اقوله يبعت رقم الصادر ع العباسيه بس واستنى كام يوم واسئل فى المرور

[tananybasha]

الفاتورة انا فاكر كانت ب 100 جنيه

[lanos2004]

اعذروني الكلام ده سرقه
انا اشتريت ماتور من تاجر او نص تحتاني
تاخد صوره افراج جمركي وفاتوره للمرور تخاطب بيها المرور
وتصور رخصه العربيه وتصور بطاقتك وتروح علر المرور الي فيه الافراج الجمركي وتاخد رقم اصدار للمرور الي العربيه تابعه اليه وتاخد الفاتوره مختومه كمان من المرور
وتروح ترخص بيهم
انما هات ١٠٠ و٢٠٠ دي اشتغاله ونصب

[Astra Lovers]

لا يا ياشا ماهو ال١٠٠ جنيه دول بياخدوها التجار بدل ميوديك بورسعيد لانك لو حسبتها بنزين وتضييع وقت هتلاقيها اوفر

[ah-elgendy]

اعذروني الكلام ده سرقه
انا اشتريت ماتور من تاجر او نص تحتاني
تاخد صوره افراج جمركي وفاتوره للمرور تخاطب بيها المرور
وتصور رخصه العربيه وتصور بطاقتك وتروح علر المرور الي فيه الافراج الجمركي وتاخد رقم اصدار للمرور الي العربيه تابعه اليه وتاخد الفاتوره مختومه كمان من المرور
وتروح ترخص بيهم
انما هات ١٠٠ و٢٠٠ دي اشتغاله ونصب

العربيه تبع مرور عبود الافراج ده تبع بورسعيد يعنى لازم اروح بورسعيد ولا اروح الدراسه ؟ وايه الفرق بين الفاتورتين دول ولا هى فاتوره وحده وبيعمل شغل عليا

[Astra Lovers]

يا باشا حضرتك هتمل الاتي تجيب الفاتوره والافراج وطبعا مختومين مت تاجر الاستيراد وبالتليفون وانت عند محمد سوسو يكلم الراجل بتاع المرور هناك فبورسعيد ودا بيبقا تبع التاجر اللي هناك تتاكد منه برقم الموتور الجديد بتاعك انه بعت رقم الصادر وبعدين تنزل عالدراسه فالاداره العامه وتسأل عالرقم لو وصل هيمضيلك عالافراج وبعدها هتروح مبني تاني جوه الاداره عشان تحول الرقم لوحده التراخيص بتاعتك وبعد اسبوع تروح وحدتك تسأل عليه هتلاقيه هناك وبالرخصه تكمل بياناتك وشكرا وهما ١٠٠ جنيه لسوسو بدل متروخ بورسعيد وترزل عليه ولو قفل معاك قولي وانا اخليه غصب عنه يخلصلك الموضوع

[ah-elgendy]

يا باشا حضرتك هتمل الاتي تجيب الفاتوره والافراج وطبعا مختومين مت تاجر الاستيراد وبالتليفون وانت عند محمد سوسو يكلم الراجل بتاع المرور هناك فبورسعيد ودا بيبقا تبع التاجر اللي هناك تتاكد منه برقم الموتور الجديد بتاعك انه بعت رقم الصادر وبعدين تنزل عالدراسه فالاداره العامه وتسأل عالرقم لو وصل هيمضيلك عالافراج وبعدها هتروح مبني تاني جوه الاداره عشان تحول الرقم لوحده التراخيص بتاعتك وبعد اسبوع تروح وحدتك تسأل عليه هتلاقيه هناك وبالرخصه تكمل بياناتك وشكرا وهما ١٠٠ جنيه لسوسو بدل متروخ بورسعيد وترزل عليه ولو قفل معاك قولي وانا اخليه غصب عنه يخلصلك الموضوع

ااااااااااااااالف شكر يا كبير كده المعلومه وصلت صح

[Astra Lovers]

اوامرك يا باشا