صوت فى العفشة!

[Mostafa.Ismail]

السلام عليكم ورحمة الله وبركاته ...

- بسمع صوت طقطقة من العفشة الامامية بس مش قادر احدد من الجهة اليمنى او اليسرى.
الصوت بيظهر "فقط" عند الحركة من وضع الثبات والدركسيون وضعة فى اقصى اليسار او اقصى اليمين ...
- يعنى وانا واقف تماما لو لفيت الدركسيون كلة شمال او يمين وبعدين طلعت بالعربية اسمع صوت "طق" مرة او مرتين من العفشة الامامية.

- لسة عامل شغل فى العفشة من كام شهر وغير مقصين امامى وتيش وبارات داخلى.

يا ترى الصوت دة بتاع اية؟

[MaaM]

لو الصوت "تاك" يبقى تيش دركسيون
لو "طق" مكتوم معرفش

[Astra Lovers]

روح لبتاع زوايا وانزل تحت العربيه معاه وخلي حد يحرك العربيه بذريقتك وشوفوا الصوت فين مصدره

[Mostafa.Ismail]

لو الصوت "تاك" يبقى تيش دركسيون
لو "طق" مكتوم معرفش

لا الصوت مش مكتوم .. هو "تاك" فعلا وصوتها حاد ومسموع ... بس انا لسة مغير التيش من كام شهر وجايبوا نوع تركى حلو من عند سرور .. هو فى اكتر من تيش؟!

[Mostafa.Ismail]

روح لبتاع زوايا وانزل تحت العربيه معاه وخلي حد يحرك العربيه بذريقتك وشوفوا الصوت فين مصدره

ماهو المشكلة طريقتى محتاجة ان العربية تمشى وتكون على الارض! بس هجرب برضوا فى بريدجستون كدة واشوف. انا قولت اسئل يمكن تطلع حاجة شائعة.

[فادى محمد]

الصوت ده من بلي العجل الامامي..
البليه بتتحرك جوه الظرف اللي في الصره
عاوز تتاكد من كلامي واحنا نتاكد معاك
وانت واقف اركن بظهرك مره يمين ومره شمال
لو ظهر الصوت يبقي بليه تمام .
الوضع ده بيبقي في لوود كبير علي البليه
من وزن العربيه والعجل مفتوح كمان.
شوف كده وبعدين نكمل الكلام

[Mostafa.Ismail]

الصوت ده من بلي العجل الامامي..
البليه بتتحرك جوه الظرف اللي في الصره
عاوز تتاكد من كلامي واحنا نتاكد معاك
وانت واقف اركن بظهرك مره يمين ومره شمال
لو ظهر الصوت يبقي بليه تمام .
الوضع ده بيبقي في لوود كبير علي البليه
من وزن العربيه والعجل مفتوح كمان.
شوف كده وبعدين نكمل الكلام

لسة راجع البيت وشايف ردك يا فادى ... بكرة الصبح هجرب وارجعلك تانى.

معلومة جانبية يمكن تفيد : اخر صيانة فى مقار من 10 الاف او اكتر كان فى ملاحظة على صرة العجل الامامى يمين وقالوا انها محتاجة تتغير لما قولتلهم بسمع صوت ونة او حاجة بتلف فى العجل الامامى على البطى.

[Astra Lovers]

لازم نحدد الصوت منين بس تجرب كل الاحتمالات قبل متغير اي حاجه عشان العكاكين اللي فمصر

[فادى محمد]

لسة راجع البيت وشايف ردك يا فادى ... بكرة الصبح هجرب وارجعلك تانى.

معلومة جانبية يمكن تفيد : اخر صيانة فى مقار من 10 الاف او اكتر كان فى ملاحظة على صرة العجل الامامى يمين وقالوا انها محتاجة تتغير لما قولتلهم بسمع صوت ونة او حاجة بتلف فى العجل الامامى على البطى.

تمام يا مصطفي اعتقد اننا كده ماشيين صح ..
خلي بالك برده انك مش هينفع تغير البليه عادي
زي عندنا! البليه عندك صعب تتغير وحساس
الايه بي اس راكب ع الصره ..
الحل انك تجيبهم استيراد اسهل وارفر..

[Astra Lovers]

الله ينور

[Mostafa.Ismail]

انا جربت اركن بضهر اكتر من مرة ... ومفيش صوت نهائى ومفتكرش انى سمعتة قبل كدة وانا بركن بضهرى!

معلومة تانى افتكرتها ... من فترة قريبة لمبة ال abs كانت بتنور وتطفى لما ابطل العربية.

سؤال بقى لو هغير صرة العجل اليمين ينفع اغيرها لوحدها ولا الاحسن اغير الجوز يمين وشمال؟

[Mostafa.Ismail]

لازم نحدد الصوت منين بس تجرب كل الاحتمالات قبل متغير اي حاجه عشان العكاكين اللي فمصر

ياريت :) انا معاك .. قولى اجرب اية تانى؟

[medo111]

الصوت دا كان بيظهر عندي نفس حالتك من البطاحات والكبايات لما كانو جابو اخرهم

[MaaM]

صوت الكبايات والبطاحات "طق" مش "تاك"
وكمان مابتعملهاش مرة واحدة ، ديه بتعملها عالطول طوال مانت عمال تلف الطارة يمين وشمال وبتبقى طقطقة

شاكك بنسبة كبيرة من تيش الدركسيون بس دا في حالة انك تسمعها مرة واحدة "تاك" وانت طالع من الثبات وكاسر الدركسيون اكتر من نصف لفة على الاقل

الخلاصة يا مصطفى عشان تحدد الصوت ده من ايه ، تروح لـ عفشجي وتركبه معاك وتسمعه الصوت

[Astra Lovers]

متابع