صوت من منطقة طلمبة المياة وسير الدينامو

[MaaM]

فيه صوت غريب سمعته من ناحية طلمبة المية أو سير الدينامو ، مش قادر أحدد بالظبط
اسمعوا معايا كدا !
strange

عارفين صوت مكنة الطعمية ؟ طق طق طق طق طق
الصوت هايظهر في الأول ويوطى شوية وبعد كدا هاتسمعوه بوضوح ، ده لأني كنت بحرك الموبايل عشان اقرب من الصوت أكتر

معلش مرضتش أحول صيغة الصوت المرة ديه عشان تسمعوه زي ماهو بالظبط ، لأن صوت النغمة بيتغير بتحويل الملف لإمتداد آخر

معلومة
طرمبة المية ، وبلية الكاتينة و سير الدينامو غيرتهم من شهر ونص بالكتير
طرمبة المية Geba الماني والريش بتاعتها حديد صلب
بقولكم على الطرمبة عشان الصراحة شاكك فيها أكتر مش عارف ليها

[hossamalsadik]

حلو تسجيل الصوت بالطريقه ديه انا سمعته
حضرتك حطيت مياه تبريد الموصى بها عشان فيها مواد تزيتية للطرمبه
لو كنت حطتها ممكن تكون هيا
اصل الأتنين طرمبة المية ، وبلية الكاتينة ممكن يطلعون نفس الصوت تقريبا فلابد من اختبارهم كلا على حده
غير طرمبة المايه وجرب لو الصوت مارحش يبقى الاحتمال التانى بلية الكاتينة ممكن تكون نوع مضروب وديه لازم تغيرها فورا

[MaaM]

حطيت مية تبريد موبيل من حوالي شهر ونص
ومستبعد بنسبة كبيرة ان الصوت ده بسبب بلية الكاتينة
ان شاء الله هاشتريلي سماعة الدكتور في اقرب فرصة واكشف بيها

Sent from my HTC

[Astra Lovers]

اعتقد من طرمبة الميه

[فادى محمد]

طرمبه الميه مستبعده .شهر ونص لسه جديده (جوبا ) نوع كويس جدا
-تاكد ان علبه الكاتينه بعيده عن سير الدينامو ومفيش احتكاك
-في ملاحظه يترتب عليها احتمال
سرعه صوت الخبطه اقل من سرعه دوران الموتور ع السلانسيه
يبقي الصوت مش من اي جزء متحرك له علاقه بالدوران الطبيعي
هنا بقي اشك في قاعده بليه سير الدينامو اللي بيحمل عليها السير
فيها سوسته كبيره لو ضعفت بتخبط كده
عاوز تتاكد..
دور العربيه وهي بارده وخلي حد يشغل التكييف (حمل )
وانت واقف قدام الموتور , لو الصوت زاد او علي اكتر
يبقي الكلام مضبوط

[Astra Lovers]

تقصد بليبة شداد الدينامو بالسوسته مش كده بس دي لو ضعفت بيبقي صوتها رخم مش صوت التسجيل والله اعلم انا شاكك فالطرمبه

[MaaM]

لأ تقريباً فادي يقصد بلية الدينامو نفسه مش الشداد ، مش كدا يافادي ؟
نزلت اسمع الصوت النهاردة ، مسعمتوش بوضوح زي امبارح ، ممكن عشان الدنيا نهار والناس كلها صاحية وكل شوية عربية معدية !!
هحاول اسمعه تاني في أقرب وقت ، وعلى فكرة شغلت التكييف بس باردوا مسعتموش بوضوح ، كان مختفي اوي اوي ، لازم اركز جامد

[فادى محمد]

باشا انا قصدي الشداد نفسه اللي راكبه عليه البليه لو بايظ بيخبط او يتكتك انما البليه نفسها لو باظت تعمل صوت نحره (ححححححححححح) كده

[EGYPTIANDR]

بلية شداد الدينامو عايزة تتغير...نفس الصوت عندى بالظبط وجرب تحط عليها نقطتين زيت هتلاقى الصوت يتحسن....

[MaaM]

عجورة بيقولي بلية الدينامو نفسها وقالي كمان مش هاتسمعها بوضوح الا والعربية باردة

Sent from my HTC

[amr elsisi]

باشا انا قصدي الشداد نفسه اللي راكبه عليه البليه لو بايظ بيخبط او يتكتك انما البليه نفسها لو باظت تعمل صوت نحره (ححححححححححح) كده

اوؤيد هذا الكلام
وعلشان تتاكد شيل السير من مكانة ودور المكنة

[Astra Lovers]

مظبوط يا فادي