استفسار بخصوص الفيكترا

[mahmoud.69]

السلام عليكم ورحمه الله وبركاته
انا معلش طالب منكم شوية استفسارات عن الفيكترا لي ان ليه زميلي عايز يجبها وانا كان ليه معاها تجربة سيئة كانت اوبل 95 2000سي سي اتو ماتيك سخونية و افروميتور وفتيس فاهو سئلني وانا قولت ليه تجربتي معاها ومرشحتهاش ليه بصراحة
بس هو قالي انا بفكر من الشكل 97 لغايه 2004 فا هو بيفكر في الشكل الجديد فا انا محبتش افتي علية لي اني بصراحة مركبتهاش بس قولتلة عمومآ مشكلة الأوبل السخونية وانا اسمع انها العربية لو سليمة بتبقا درجة السخونية 95 فا مش عارف هل كلامي غلط ولا صح بس انا اعرف ان الاوبل مشكلتها السخونية ولا هل في موديل معين بي سي سي معين بعيد عن السخونية وايه عيوبها في هذا الموديل
منتظر رائيكم

[ah-elgendy]

اوبل فيكترا 1600 سى سى الموتور الاسود اسهل فى الصيانه و بسيط مش معقد 75 حصان ديه اللى معايا
انما 1600 ايكوتك اللى اعرفه عنه انه موتور قوى بس تكنولوجيا اعلى فا الميكانيكى لما ميعرفش يالف ويفتى فا يخرب الدنيا انما هى عربيه ممتازه هتلاقى فيها تكنولوجيا سابقه عصرها سواء فى الشكل او الامكانيات

[mahmoud.69]

اوبل فيكترا 1600 سى سى الموتور الاسود اسهل فى الصيانه و بسيط مش معقد 75 حصان ديه اللى معايا
انما 1600 ايكوتك اللى اعرفه عنه انه موتور قوى بس تكنولوجيا اعلى فا الميكانيكى لما ميعرفش يالف ويفتى فا يخرب الدنيا انما هى عربيه ممتازه هتلاقى فيها تكنولوجيا سابقه عصرها سواء فى الشكل او الامكانيات

طيب ايه اخبار السخونية واعتقد 75 حصان ضعيفة جدآ علي بودي العربية
بي النسبة لي المكنة ايكوتك كام حصان وهيا بتنزل استوك وفي موديل كام واخبار السخونية ايه فيها

[Abdo Taha]

مفيش حاجة اسمها الاوبل بيسخن او كده المشكلة دي بسبب الميكانكية عديمي الخبرة و الفتايين فيلعبلك في العربية و يشيل الثرموستات و تلاقي العربية بتسخن و كده كده الموتور بتاعها عشان حامي زي بقية الالماني فأكيد بيسخن اسرع بس عمره ما يعدي ال92 و دي حرارة التشغيل الطبيعية للموتور و دي اللي بتاحفظ عليه والدي معاه الفكترا سي و عمرها ما سخنت زيادة الا قليل اوي و ده كان بسبب قلة المية و اكتشفنا ان كان في تسريب من كذا ناحية كمان و و الله العربية لما سخنت نزلنا ملقناش فيها نقطة مية يعني الحرارة كانت ثابتة لحد آخر نقطة و كمان كنا مشغلين التكيف و ماشيين 170 و الترموستات طلع ضارب كمان يعني كل ده و الناس تقلك الالماني بيسخن سيبك من افتاءات الشعب المصري اللي غاوي افتكاسات ده ممكن يخليلك عربية جميلة يتخسف بيها الارض و عربية متسواش تبقى في السما

[mahmoud.69]

مفيش حاجة اسمها الاوبل بيسخن او كده المشكلة دي بسبب الميكانكية عديمي الخبرة و الفتايين فيلعبلك في العربية و يشيل الثرموستات و تلاقي العربية بتسخن و كده كده الموتور بتاعها عشان حامي زي بقية الالماني فأكيد بيسخن اسرع بس عمره ما يعدي ال92 و دي حرارة التشغيل الطبيعية للموتور و دي اللي بتاحفظ عليه والدي معاه الفكترا سي و عمرها ما سخنت زيادة الا قليل اوي و ده كان بسبب قلة المية و اكتشفنا ان كان في تسريب من كذا ناحية كمان و و الله العربية لما سخنت نزلنا ملقناش فيها نقطة مية يعني الحرارة كانت ثابتة لحد آخر نقطة و كمان كنا مشغلين التكيف و ماشيين 170 و الترموستات طلع ضارب كمان يعني كل ده و الناس تقلك الالماني بيسخن سيبك من افتاءات الشعب المصري اللي غاوي افتكاسات ده ممكن يخليلك عربية جميلة يتخسف بيها الارض و عربية متسواش تبقى في السما

تمام طيب انا عايز اعرف سعر الاوبل موديل مثﻵ 2001 او فيما فوق ماتور ايكوتك
والعربية الي ماتورها 1600 ايكوتك اعرفها ازاي وايه رائيك في 2000 سي سي