عمل مفتاح مطابق لمفتاح الفيكترا الاصلى

[ahmedamin84]

السلام عليكم و رحمه الله و بركاته
انا اشتريت عربيه اوبل فيكترا 2001 من حوالى شهرين لكن العربيه كانت جايه بمفتاح واحد بس بيفتح بالريموت و معاه الفحمه بتاعته
دلوقتى انا عايز اعمل مفتاح تانى يكون احتياطى يشتغل ريموت و له فحمه
حد عنده فكره ممكن اعمله ازاى و فين و ممكن يتكلف كام مع العلم انى من المنصوره؟؟
و لكم جزيل الشكر و التحيه

[Mostafa.Ismail]

فى موضوع هنا فى المنتدى حاول تبحث عنة ... اعتقد كان اسمة "دليلك الموقر فى عمل المفتاح المشفر" .. يمكن يساعدك.

[Mostafa.Ismail]

http://www.nilemotors.net/Nile/22724-a-6.html

[ahmedamin84]

شكرا جزيلا يا باشا انا اتصلت برقم التليفون الموجود في الموضوع ده بتاع مركز عزب لخدمه المفاتيح و قالى انه هيتعمل عنده بس الشهر الجاى ﻻن ما فيش عنده مفتاح اوبل دلوقتي بس هيتكلف 550 جنيه و انا في رايى كده كتير اوى

[kar!m]

كتير جدا .. بص أنا كان عندي نفس المشكلة في الفيكترا .. كان أحد المفاتيح ضاع مني .. رحت جبت مفتاح أصلي من الحرفيين ب 80 جنية .. و ساعتها بعت العربية فاديته للي اشتراها و هو برمجه عند واحد في الأوتوستراد جنب توم أند بصل ب 200 جنية تقريبا .. و اشتغل زي الفل و كفاية انه أصلي.

حتى بعدها بكام شهر لقيت المفتاح اللي كان ضايع مني و كلمت اللي اشترى مني العربية و اديتهوله.

[ahmedamin84]

كتير جدا .. بص أنا كان عندي نفس المشكلة في الفيكترا .. كان أحد المفاتيح ضاع مني .. رحت جبت مفتاح أصلي من الحرفيين ب 80 جنية .. و ساعتها بعت العربية فاديته للي اشتراها و هو برمجه عند واحد في الأوتوستراد جنب توم أند بصل ب 200 جنية تقريبا .. و اشتغل زي الفل و كفاية انه أصلي.

حتى بعدها بكام شهر لقيت المفتاح اللي كان ضايع مني و كلمت اللي اشترى مني العربية و اديتهوله.

و الله ده سعر كويس اوى بس اسمه ايه المكان اللى عمل فيه المفتاح ده