يا جماعة عايز اوبل كورسا 1200 سىسى

[kaboo4]

يا جماعة ايه رئيكم فى الكورسا 1200 سىسى انا عجبانى و عايز اشتريها فى حد عندة واحدة عايز يبعها يفضل تكون موديل 97 ها تساوى كام فى رئيكم يا رجالة ارجوا المساعدة تلفونى 0167966766

[Ahmad Allawy]

والله يا باشا سبحان الله..
انا الايام دي احتمال ابيع عربيتي..
و هي موديل 97 فعلا..
بس باشوف عربيته تانية دلوقتي.. ولو في نصيب و الموضوع ده مشي..
يبقي ممكن اتوكل علي الله و ابيع..
خليك متابع معايا بس و انا ان شاء الله هاعرف سعاتك اخر الاخبار اول باول..
لو هاخد العربية اللي شوفتها هاقولك و نشوف هنعمل ايه..
ولو محصلش نصيب.. ممكن اساعد سعاتك انك تلاقي واحدة نضيفة..

بيتهيألي انا اخر سعر كنت شوفته ليها كان اواخر التلاتينات و اوائل الاربعينات..
جسب الموديل و الحالة بقي..
بس خليك متابع معايا.. و ربنا يكرم ان شاء الله و كل شيء نصيب..

[kaboo4]

ولاهى انا فى السوق و بسال عليها ديما هى عربيت حضرتك الى فيها فتحت سقف و نزلة بجنوط 13 الاصلى بتعها ولا العاديه و فيها تكيف الاصلى و شغال ولا لا و هل هى فبريكة برة و جوة ولا لا و كمان لو فبريكة جوة بالكاسيت الاصلى بتعها ولا مغيرة كل دى حجات تفرق فى السعر بس بأمانة على حسب الى شوفتة فى السوق كورسا نضيفة بتبداء من 34 و انت طالع لحد 38 اما موضوع ال 40 فعلا فيه ناس عايزة تبيع بالاسعار دى بس مش بتبيع خالص خدها كلمة صدق و فى الاغلب معارض سيارات و طبعا اكيد حضرتك عارف ان معاض السيرات على الاقل اعلى ب2 جنيه و الله الموفق انا اهم حاجة عندى الحالة و بعد كدة السعر مش مهم

[kaboo4]

2 جنية اصدى الفين جنيه

[Ahmad Allawy]

فاهمك طبعا..
شوف بقي بالتفصيل..
العربية فيها جنوط سبور جي ام اصلي مش الحديد العاديين..
هي نازلة بيهم كده..
العربية فيها فتحة سقف..
العربية مش بتنزل مكيفة اصلا..
كل ال1200 اللي هنا في مصر مش نازلة مكيفة..
الناس اللي مركبة التكييف هنا..
و انا عربيتي مش مكيفة..و الضفيرة بتاعتها تشهد.
الضفيرة بتاعتها اول فتحة تتعمل فيها انا اللي عملتها لما ركبت كتاوت نور..
كفاءة الموتور بتاعها 85% و ده من الفحص اللي اتعمل ف التوكيل.. قبل ما اشتري..
و ليها ملف صيانات ف التوكيل باسم المالك القديم.. و حاليا في كل الحاجات اللي عملتها مكتوبة بالتواريخ عندي..
العربية فبريكة جوة بس.. لكن رشة برة..و حاليا فيها خبطة في حجم العملة المعدنية في حرف الرفرف اللي قدام شمال..
الكاسيت الاصلي بتاعها و صوته نقي جدا لكن للأسف انا شاريها كده بالكاسيت نفسه بايظ.. بس شغال راديو تمام.. و السماعات صوتها نضيف و نقي جدا..
و مش هتفرق قوي يعني عشان تمن الكاسيت الاصلي الياباني الباناسونيك بتاعها استيراد 300 جنيه.. مش قصة قوي يعني.. و اي كاسيت غير ده مش هيشتغل علي شاشة المعلومات اللي ف التابلوه.. انا موضوع السعر.. انا هاقولك ليه انا طالب كده فيها..
انا شاريها في شهر يناير اللي فات ب 38.5 بالظبط..
اللي اتعمل فيها باسعاره..:
اسطوانة و ديسك لوك الماني اصلي و قواعد موتور.. 1500 جنيه..
العفشة كلها مشدودة بالكامل من اقل من 3 شهور.. بالتفصيل..
4 مساعدين بلشتاين الماني و بيض مقصات و بيض بارات فيبي الماني و بطاحات 1800 جنيه..
و في شهر 7 اللي فات ده في طقم كاوتش بريدجستون ياباني 13 175/70 ب 1350 جنيه..
و علي فكرة.. الواحد كان ممكن يسترخص و يعمل شغل اي كلام..
يعني فردة كاوتش باظت.. غيرت ال4.. مروحتش جيبت واحدة بس.. و جيبت 4 ياباني..
لما مساعد باظ و ضرب زيت مغيرتش واحد بس.. ولا حتي 2.. و مجيبتش استيراد.. لأ جيبت الاصلي و 4.. و هكذا.. يعني مصروف عليها اكتر من 4 الاف جنيه..
يعني العربية مصروف عليها.. و اللي هياخدها بالامانة.. كل اللي هيعمله فيها انه هيغير الكبالن..
و تمنها جديد حوالي 350 جنيه الجوز.. تقريبا.. و بالاتفاق ممكن اعملهم انا كمان..
و كمان 15 الف كم.. المفروض تتغير طلمبة المية و سير الكاتينة و ده ف الصيانة الدورية بتاعتها كل 40 الف كم.. و تمنهم 350 جنيه.. يعني مفيش اي مشاكل..
بس .. دي حالة العربية.. و علي فكرة.. في حاجات من اللي غيرتها لسة سليمة و موجوده عندي ف البيت.. و اللي هياخد العربية هياخدها..
زي ديسك الدبرياج.. و المساعدين الخلفي و بلية مقص....
و ببساطة ممكن ابيع بسهر اقل من كده بس هاشيال الجنوط و الكاوتش ابيعهم.. و اجيب كاوتش تعبان و جنوط حديد.. صح..؟؟ بس انا افضل اني ابيع العربية اغلي شوية بس متعملش فيها اي حاجة.. و كمان في حاجة.. انا عشان كده مش هابيعها ف السوق.. عشان انا عايز اللي هياخدها اكون عارفه.. عشان اتابعها معاه..ولو فيه اي حاجة اقوله يشتري منين.. و يعملها فين..
و يبقي عارف الهيستوري بتاع العربية بالكامل.. و يكون مقدر الشغل و التوضيب اللي معمول فيها..
دي ببساطة اسباب طلبي فيها سعر اعلي من السوق شوية..

[kaboo4]

شكرا على الرد و الاهتمام طبعا الكلام الى بتقولة جميل و اكيد عربيتك تستاهل بس احب اوضح شويت حجات انى بالفعل لقيت عربيات موديل 94 و 95 مكيفة تكيف اصلى هى نزلة بتكيف و تكيف تلاجة على فكرة و الحاجة المشتركة بين العربيات دى انها فيها فتحت سقف و كمان فيها فيها الجونوط الاسبور الاورجينال الى حضرتك بتقول عليها دى بتكون نزلة مع العربية و خصوصا الى فيها فتحت سقف يعنى حضرتك مش مزود حاجة و بالنسبة للكاسيت انا عارف سعرة و شفت بعض السيارات فيها راكب و شغال و فيها الى مركب سى دى بلير و طقم صوت جميل وو الحاللات طبعا متفوتة و مش عايز احلف بس عايز اقولك ان العربية دى بتبداء من 29 لحد 38 انا عارف ان فية فرق كبير فى السعر مهما انت بئى زودت و نضفت مش بتجيب بظبط ممكن تقول ان توبها مش بيزيد عن 38 بظبط ممكن اوضحلك زى ال 127 بصرف النظر عن الامكنيات عربية توبها 15 لو نضيفة اوى لو حد قالك بتعتى ممتازة ب22 حتقولوا ايه متهيئلى اقل واجب تسيبوا و تمشى و انت الكسبان انشلة يكون مركب عربية تانية فيها مشكلتى بئى انى عايز عربية اركبها مش اظبطها بعد كدة اركبها انا مش فاضى انى ااعمل سمكرة او دوكو اخرى خغير سير الكتينة و السيور المهمة و اغير زيت اكتر من كدة مش حعمل كل الى شوفتى الى زى حضرتك محتاج يتغير كبالن و الى مخبوط خبة خفيفة فى الرفرف و الى العربية متجرحة من برة جامد و محتاجة تاخد وش نضافة و الى مستريحتش ليها حسيت ان صحبها اصلا مش مهتم بيها يعنى ممكن تقول انى ممكن اجمع عربية واحدة كاملة من 3 عربيات معلش انا اسف طولت عليك بس دى حكايتى بأمانة مع الكورسا الى بحترمها

[Ahmad Allawy]

كلامك واقعي..
بس هو شوية مايل لكلام سوق السيارات.. اللي هو كلام التجار..
عشان اللي بيتكلم في سعر.. لازم يكون شاف الاول..
انا ساعة ما عرفت بموضوع العربية اللي معايا دي قبل ما اشتري كان الطبيعي ف السوق اصلا 40 و انت طالع.. و انا سمعت 38.5 و مش مكيفة قولت كتير.. عشان التكييف لوحده 3 الاف و شوية..
لكن لما روحت و شوفتها.. غيرت رأيي و ابسط حاجة اني لو مكانش عجبني السعر كنت امشي.. لكن حالة العربية خلتني اخدها.. حتي لو كانت اغلي من توبها الف مثلا..
و اللي قالك ان العربية تكييفها اصلي يبقي مكانش جايبها من التوكيل..
و مكانش بيتعمل لها صيانة ابدا في التوكيل.. لأنها مكانتش نازلة تبع منصور..
ده لو كان كلامه حقيقي اصلا انها نازلة كده..
ممكن يكون تكيف اصلي بس هو شاريه استيراد و مركبه.. يعني مستعمل من الاخر..
عشان مفيش منه جديد علي فكرة..ولا ف التوكيل.. الا لو جابه هيبقي جايبه من المانيا باكتر من 7 الاف جنيه.. و ده مستحيل.. :)
العربية بالفرش الاصلي بتاعها.. و زي الفل و التنجيد معقول جدا .. و الموكيت الاصلي
و كل حاجة ف الصالون بحالتها تقريبا..
و نسيت اقولك ان العربية فيها ايموبلايزر.. (مفتاح مشفر) وده مش موجود غير في موديل 97 بس..ولو علي الكبالن بالاتفاق ممكن اصلحها.
وموضوع الجنوط ابسط حاجة ممكن ابيعهم انا بالكاوتش الجديد.. هيجيبوا فلوس.. و احط مكانهم جنوط حديد و كاوتش تعبان.. و محدش بيبص علي الحاجات دي وهو بيشتري.. و خاصة الكاوتش.. يعني مش هتنزل من تمن عربية عشان الكاوتش تعبان..
وبعدين ابسط حاجة اللي بيشتري عربية بيتي بيبقي مهتم بالهيستوري بتاع العربية..
و الهيستوري بتاع العربية ف التوكيل زي ما قولت لسعاتك.. لحد ما اخدتها انا..
و بعدها كل حاجة عملتها مكتوبة عندي.. بالتواريخ و الكيلومتر ف العداد..
و كمان مواعيد تغيير الزيوت و السيور و التيل و كل حاجة..
يعني العربية حتي مش محتاجة تغير سيور ولا تيل ولا حتي زيت..
وموضوع الكبالن ممكن تستني شوية.. عشان لو كانت حاجة ملحة كنت غيرتها انا..
بس.. لو السعر مش مناسب ليك.. خلاص براحتك طبعا و البيع و الشرا نصيب..
و انامش هابيعها ف السوق ابدا..مستحيل..عشان كده كنت عايز ابيعها لحد اعرفه عشان زي ما قولتلك قبل كده يقدر الكلام ده..
وبعدين هاقولك حاجة.. ان العربية دي لحد شهرين فاتوا كانت بتوصل ل 42 الف جنيه..
انا مش عارف ازاي دلوقتي اخرها 38.. انا مش مقتنع..مش هتنزل 4 الاف جنيه في شهرين..
و انت واضح انك جيبت السعر ده من السعر اللي سمعته من الناس ف السوق.. مش كده..؟؟
خلي بالك برضه ان السوق اللي بيتفرج فيه نسبة كبيرة جدا منهم تجار.. و بيخسفوا بسعر العربية الارض.. يعني الفين بالميت.. لو مكانش اكتر كمان.. عشان يطلع مكسبه هو..
و عشان كده انا قولتلك اني مش هابيع العربية ف السوق..يا اما لو بيعت ابيع بسعر اعلي من اللي هيجيلي ف السوق بالفين علي الاقل..

[fanckoosh]

والله يا احمد بيه لو معاياه المبلغ ده كنت اخدتها على طول يكفى انك شخص محترم بس زى ماكنت قايلك انى عايز فى سعر 35000 بس ده قبل ماعمل حادثة بالعربية بتاعتى وتترمى للكسر والحمد لله بس عموما ربنا ييسرلك الحال ويكرمك وتبيعها ومبروووك مقدما على العربية الجديدة وربنا يباركلك فيها ويكفيك شرها

[Ahmad Allawy]

الف حمد لله عللي سلامتك ودي اهم حاجة..
و فداك العربية.. و الحمد لله انك انت سليم..
و ربنا يكرمك علي دعائك ليا..

[ramyfawzy]

معلش يا بو حميد
هتسمع نفس الكلام ده لو فعلا حبيت تبيع عربيتك
مش مهم انت صرفت قد ايه على عربيتك
المهم فعلا هيه بتعمل كام في السوق
وطبعا منهم لله الجماعة اياهم اللى بوظو السوق وخربوه
تصدق العربية الابيزا اللى كانت معايا (1300 ومكيفة وجنوط بس كوبيه) بيقولولي تستاهل كام؟؟؟؟
25 الف جنيه ؟؟؟؟؟؟؟؟؟؟؟؟؟؟؟؟
بذمتك وانا راضي زمتك واحنا في رمضان
فييييييييييييه ابيزا ب 25 الف ؟؟؟؟؟؟؟؟؟؟
نصيحة ليك يا صديقي ---- ماتبعش العربية وخليك راكبها لحد ما تزهق منها وبعدين ابقى بيعها براحتك
وكمان برضه نصيحة تانية ---- ماتقعدش تقول انا عملت فيها كذا وكذا وصرفت قد كده
عشان للاسف الشديد ماحدش بيقدر الكلام ده
وكل سنة وانت طيب

رامي (ابو احمد و يوسف)

[Ahmad Allawy]

والله يا رامي بك..
ماهو انا مش بابيعها ف السوق.. و بابيع هنا ف المنتدي.. (ولو اني لسة مقررتش هابيع ولا لسة.. عشان مخلصتش ف العربية التانية لسة..)
عشان الناس هنا عارفاني.. و عارفين عربيتي.. و عارفين كل اللي اتعمل فيها.. و عارفين انا باتعامل ف الصيانات مع مين.. و ناس كتير منهم جربوه و عارفين انه مكان كويس جدا..
و في هنا في اوبل مواضيع فيها اسعار كل حاجة غيرتها و شاريها منين..
(قطع الغيار مش باجيبها غير اصلي و من مكان مشهور و معروف..)
و اللي هيشتري و يكون عارفني.. هياخد العربية وهو مطمن.. و ابسط حاجة..انا هاكون هنا معاه..
ولو فيها اي حاجة هاقوله عليها.. مش هاضحك عليه و لبستهاله و جريت.. غير انه لو مالوش في الاوبل قوي كمان.. هاكون معاه في اماكن شرا قطعا لغيار و اسعارها و الاماكن اللي ممكن يصلح فيها كمان.. اكيد فاهمني..!!
وغير كده انا عمري ما هابيع ف السوق..مستحيل..
و زيما قولتلك ابسط حاجة ممكن اشيل الجنوط و الكاوتش الجديد.. و اجيب كاوتش تعبان و جنوط حديد معوجة ببلاش.. و ابيعها بيهم.. ب 39.. هو كده خلاص؟؟ بقت في توبها..؟؟
خلاص قشطة.. هاوفر لنفسي 2000 جنيه و ابيعها ب 38 بس اللي هيشتري هيجنط و يجيب كاوتش.. هيدفع اكتر من ال2000 دول لو هيجيب حاجة نضيفة..

وفي حاجة بقي اهم من الكلام اللي اتقال ده كله.. و اللي يشهد بيها الناس اللي معانا في اوبل هنا علي طول.. و هيكونوا سمعوا الكلام ده من اكتر من واحد ودي نصايحنا للناس اللي عايزين يشتروا اوبل..
انك هتشتري عربية اوبل و عايزها نضيفة.. ميكونش حد غير متخصص لعب فيها..
و المشاكل معروفة و اسأل اي حد شوف هيقولك ايه.. سخونة ايه.. و تبريد ايه.. و عفشة ايه.. و الكلام ده.. و ده سببه الرئيسي قطع غيار مضروبة.. و صنايعيه اي كلام بتفتي و بتعك ف العربية..

عموما.. البيع و الشرا نصيب.. و زي ما قولتلك مش هابيع ف السوق.. عشان مش عايز اضحك علي حد لو شيلت حاجة م العربية.. ولا عايز حد يضحك عليا و ابيع باقل من القيمة المناسبة ليها..
(لأني و زيم ا قولت دافع فيها فوق ال4500 جنيه بجد في 8 شهور.. يعني العربية واقفة عليا ب 44 الف و شوية.. و لو بيعت ب 40 حتي انا كده كده خسران بس ده تمن ركوبي للعربية..)

[kaboo4]

اولا انا شاكر لكل الناس الى دخلت و بصت فى الموضوع و بالاخص لللاستاذ احمد
انا عارف ان عربيتك نضيفة باين من كلامك بس انا اولا محتاج تكيف و فى عربيات فعلا انا شفتا نزلة بتكيف جى ام و خصوصا موديل 95 و فية عربيات اوروبى جية استيراد المهم انا شفت فعلا و تكيفها على فكرة تلاجة مع ان متورها يعتبر صغير مش حطول عليك انا فعلا شفت حجات نضيفة اوى فى حدود 38000 الى 39000 بس المشكلة انى بجد مش معايا المبلغ دة انا كل الى كان معايا 30000 و بالعفية اتصرفت فى 5 تلاف عليهم بالعفية بئى كل الى معايا 35000 و على حسب كلام التاس الى اعرفهم وواحد قريبى لسة مشترى العربية دى و عجباة جدا و خلانى اعجب بيها اكتر بس هو جيبها لقتة ب34000 انا عارف انها لقطة و خصوصا انها موصفات خاصة و فيها التكيف الفبريكا ولو مش مصدقنى انى فية عربيات كورسا فيها تكيفات الفبرية انزل بص بنفسك و صحبها مكنش هينها خالص و صارف عليها دة حتى كان فيها طقم صوت انا مش عارف صحبها فرت فيها ازاى على العموم انا عارف انة نصيب و مش بدور على حاجة بنفس الموصفات الى مع ابن خالى علشان عارف انها صعب بس انا على الاقل معايا اكتر من الى هو دفعة ولو جت حتى زيادة 500 ممكن اتصرف تانى بس انا بجد دة اخرى ربنا يكرمك و تعرف تبعها و تلاقى حد يقدرها بس هى بجد غليا عليا و اكيد تساوى

[Ahmad Allawy]

اولا انا شاكر لكل الناس الى دخلت و بصت فى الموضوع و بالاخص لللاستاذ احمد
انا عارف ان عربيتك نضيفة باين من كلامك بس انا اولا محتاج تكيف و فى عربيات فعلا انا شفتا نزلة بتكيف جى ام و خصوصا موديل 95 و فية عربيات اوروبى جية استيراد المهم انا شفت فعلا و تكيفها على فكرة تلاجة مع ان متورها يعتبر صغير مش حطول عليك انا فعلا شفت حجات نضيفة اوى فى حدود 38000 الى 39000 بس المشكلة انى بجد مش معايا المبلغ دة انا كل الى كان معايا 30000 و بالعفية اتصرفت فى 5 تلاف عليهم بالعفية بئى كل الى معايا 35000 و على حسب كلام التاس الى اعرفهم وواحد قريبى لسة مشترى العربية دى و عجباة جدا و خلانى اعجب بيها اكتر بس هو جيبها لقتة ب34000 انا عارف انها لقطة و خصوصا انها موصفات خاصة و فيها التكيف الفبريكا ولو مش مصدقنى انى فية عربيات كورسا فيها تكيفات الفبرية انزل بص بنفسك و صحبها مكنش هينها خالص و صارف عليها دة حتى كان فيها طقم صوت انا مش عارف صحبها فرت فيها ازاى على العموم انا عارف انة نصيب و مش بدور على حاجة بنفس الموصفات الى مع ابن خالى علشان عارف انها صعب بس انا على الاقل معايا اكتر من الى هو دفعة ولو جت حتى زيادة 500 ممكن اتصرف تانى بس انا بجد دة اخرى ربنا يكرمك و تعرف تبعها و تلاقى حد يقدرها بس هى بجد غليا عليا و اكيد تساوى

المعلومة اللي انا قولتها و كنت متأكد منها انها منزلتش تبع منصور فيها تكييف خالص..
وانا قولتلك قبل كده ان هتلاقي عربيات كتير فيها تكييف و جي ام كمان.. بس بيبقي متركب هنا..
مش نازلة بيه فبريكة.. لو كانت نازلة توكيل..
انت مقولتش من الاول انك اخرك ف الفلوس 35 الف.. لو كنت قولت كده كنت هاقولك يا سيدي براحتك,., و ربنا يكرمك و تلاقي حاجة نضيفة في الحدود دي.. لكن انت دخلت تقول انها متساويش الرقم ده.. و انا دافعت و قولت انها تساوي..
و خد بالك ان العربيات اللي انت بتقول عليها موديل 95 يعني اقدم سنتين.. و شكلها مختلف.. اكصدامات و شبكة امامية..
و مفيهاش مفتاح مشفر.. يعني ابسط حاجة انك لا قدر الله ماكينة الزجاج الكهربا باظت.. مينفعش تسيب العربية كده..
لكن اللي فيها مفتاح مشفر.. ولا حد هيعرف يدورها نهائي من غير مفتاحها الاصلي.. و المفتاح المشفر الواحد بيعمل 150 جنيه علي فكرة..
يعني في اختلافات.. و عايز تعرف التكييف ده فبريكة ولا لأ في العربية.. بص علي الضفيرة..
لو الضفيرة لسة ف الماسورة الدكت البلاستيك السودا بتاعتها اللي عاملة زي الخرطوم دي.. و مفيهش ولا فتحة.. ولا لفة شيكارتون غير عند الحروف بس.. لكن تكون سليمة و مش مقطعه و طالع منها سلوك.. و دي انا اتحداك فعلا انك تلاقيها..هتكون قليلة جدا..
ولو لقيت عربية حالتها كده تبقي متأكد ان الضفيرة بتاعتها و الكهربا فبريكة مش ملعوب فيها..

ربنا يوفقك و تلاقي حادة نضيفة ان شاء الله. بس خليك عارف انا لرقم ده اللي هو 35 ميجبش موديل 97..

[kaboo4]

ربنا يكرمنا جميعا يا استاذ احمد و رمضان كريم و بعدين حصل خير و بالنسبة للمفتاح المشفر دة ملوش لزمة او ى لان الحرمية دلوقتى مش بيفتحوا بمفتاح هما بيشيلو العلبة الى تحت الدركسيون و و بيوصلوا سلكتين الدبرياش مع زق العربية العربية بتدور او فية حاجة كمان هو مجرد ما الحرامى بيفتح العربية يعنى زى ما حضرتك بتقول الشباك مفتوح ابسط حاجة ما يسرق الى هو عايزة و خلاص او يفتح الكبوت و يعمل وصلة بطرية اسأل عليها الميكانيكيه و دبرياج و زقة خفيفة و العربية بتدور بردوا و بعديت دة موضوع اسمة و نصيب و انا مش بعيب فى عربيتك او بقول متستهلش انا مشفتاش اصلا و كلام حضرتك بيأكد انها محترمة اوى و ربنا يكرمنا جميعا و يا ريت ميكنش حصل سوء تفاهم

[kaboo4]

ايه يا جماعة منتدى الاوبل كلة مش فيه الا عربية واحدة