يا جماعة عايز اوبل كورسا 1200 سىسى

[Ahmad Allawy]

ربنا يكرمنا جميعا يا استاذ احمد و رمضان كريم و بعدين حصل خير و بالنسبة للمفتاح المشفر دة ملوش لزمة او ى لان الحرمية دلوقتى مش بيفتحوا بمفتاح هما بيشيلو العلبة الى تحت الدركسيون و و بيوصلوا سلكتين الدبرياش مع زق العربية العربية بتدور او فية حاجة كمان هو مجرد ما الحرامى بيفتح العربية يعنى زى ما حضرتك بتقول الشباك مفتوح ابسط حاجة ما يسرق الى هو عايزة و خلاص او يفتح الكبوت و يعمل وصلة بطرية اسأل عليها الميكانيكيه و دبرياج و زقة خفيفة و العربية بتدور بردوا و بعديت دة موضوع اسمة و نصيب و انا مش بعيب فى عربيتك او بقول متستهلش انا مشفتاش اصلا و كلام حضرتك بيأكد انها محترمة اوى و ربنا يكرمنا جميعا و يا ريت ميكنش حصل سوء تفاهم

لالالالالالا
انت فاهم موضوع المشفر ده غلط..
لوا لعربية مدارتش بالمفتاح الاصلي الموتور مش هيدور اصلا..
عشان الشفرة اللي ف المفتاح هي اللي بتخلي الكونترول يونيت تدور الموتور..
يعني لو مفتاحك باظ و مفيش مفتاح احتياطي.. لازم تقطر العربية و توديها التوكيل..
مستحيل تعرف تسرقها تدورها يعني..
و العلبة اللي تحت الدركسيون دي اللي تقصدها مفيهاش اليونيت اللي بتقارن الشفرات..
دي موجوده في حلقة كده حوالين الكونتاكت.. لونها اسود و تحت الفيبر.. مش باينة..
ودي واصل عليها ضفيرة سلك.. مش سلك واحد او 2.. لأ مش اقل من 20 سلك تقريبا..
و قصة كده.. يعني بتوع المفاتيح نفسهم لو حصل كده مش بيعرفوا يعملوا معاها حاجة..
حتي بتوعا لمفاتيح المشفرة.. لازم ف التوكيل بيوصلوا العربية بالسكانر و بيحلوها..
ولو لقيت عربيتك هتسيبها مفتوحة هتاخد الحاجات المهمة و انت طالع.. مش هتسيبها يعني..
لكن العربية مش هتتنقل من مكانها..مينفعش..الا لو حد شالها بقي..و برضه مش هيعرف يدورها..
ده مجرد توضيح لموضوع المفتاح المشفر..

[kaboo4]

شكرا للتوضيح انا جديد فى الموضوع الكورسا دة و اكيد حضرتك فاهم اكتر منى
و انا شاكر ليك جدا و انت على فكرة بتحببنى فى العربية اكتر كل ما اتكلم معاك و ان كان ادامى كذا عربية لقتة فى حلتها بس غير الكورسا و انا مع ذالك بدور على الكورسا بس انا شايف لو معرفتش بالمبلغ الى معايا اجيب كورسا نضيفة ممكن افكر انى اخد البونتو معروض عليا واحدة لوز فبريكة برة و جوة و مرفوعة اكتر من عشر سنين علشان صحبها مهاجر وعمله 45000 الف يعنى اكنى بجيب موديل 2006 بس على موديل 94

[Ahmad Allawy]

لأ بس خلي بالك انك برضه بالمبلغ اللي معاك ممكن يجيبلك ابيزا كويسة..
ولو زودت شوية ووصلت لل45 تجيب ابيزا 2001 جامدة..
ده لو انت عايز تركب هاتش باك.. الماني..
او لو عايز هاتش باك و مش مهم الماني.. عندك الجولييت.. بس دي برضه في 45..
لو تقدر تصبر شوية لحد ما تعدي ال40.. يبقي افضل..

[kaboo4]

طيب ايه رئيكم فى البنتو لو حلتها ممتازة من الاخر نادرة موديل 94 و عاملة 50000 و كل حاجة الفبيركة برة و جوة و كمان المتور ملمسهوش ميكانيكى

[Ahmad Allawy]

علي كلامك اكيد نضيفة جدا..
بس برضه اللي يفيدك اكتر فيها عمالقة قسم فيات..
شوف كريم (كريبتون اكس..) اكيد هيفيدك ان شاء الله..

[abouzahra]

اخى الكريم

انصحك لا تشتريها من الاساس

لان يها مشاكل

فيها حساس Maf بيبوز دائما وهو بيعمل تقريبا 1200 جنية

وكمان الايديال كمان بيبوز بسرعة وبيعمل حوالى 700 جنية

وكمان فى مشاكل فى الكنترول بتحدث


ابتعد عن الكورسا 1200
و

فيكترا 1600 اتوماتك

نصيحة لوجة الله

[Ahmad Allawy]

اخى الكريم

انصحك لا تشتريها من الاساس

لان يها مشاكل

فيها حساس Maf بيبوز دائما وهو بيعمل تقريبا 1200 جنية

وكمان الايديال كمان بيبوز بسرعة وبيعمل حوالى 700 جنية

وكمان فى مشاكل فى الكنترول بتحدث


ابتعد عن الكورسا 1200
و

فيكترا 1600 اتوماتك

نصيحة لوجة الله

الفيكترا ال1600 الاوتوماتيك و عارفينها..
لكن الكورسا ال1200..؟؟ انت متأكد..؟؟
انا اعتقد انك اتلخبطت.. وو بتتكلم عن الكورسا ال1000 بس..
مش ال1200..
عشان انت اول واحد اعرفه في حياتي يقول الكلام ده علي الكورسا ال1200..

[kaboo4]

اة يا ريت توضح موضوع ابتعد عن كورسا 1200 دة بجد قلقتنى اوى

[kaboo4]

ايه يا جماعة هو انا حطيت الاعلان فى حتة غلط انا عايز عربيه اوبل كورسا هو المنتدى كلوا مفهوش الا عربيه واحدة

[ramyfawzy]

انا كان قدامي واحدة كنت هشتريها بس مش عارف اتباعت ولا لسه
كانت 1200 سي سي - موديل 97
2 زجاج كهرباء + تكييف + سنتر + جنوط سبور
لونها بنفسجي غامق
وكان مطلوب فيها 35 الف جنيه
هسألك عليها ولو لسه موجودة هكلمك بإذن الله

رامي (ابو احمد و يوسف)

[Ahmad Allawy]

لو 35 الف بس يا رامي.. هتبقي بابين بس..
عشان هي سعرها ف السوق بيعمل اعلي من كده بشوية..
وموضوع الفتحة السقف و الزجاج الكهربا و الجنوط ده طبيعي و اوريجينال فيها.. مش متركب..
وفيها مرايات كهربا كمان.. و التكيف متركب هنا..
ولو 4 باب مش 2 بس يبقي يتكشف عليها كويس جدا..
علي فكرة هي كده ممكن تكون ف الشكل اخت عربيتي بالظبط..

[ramyfawzy]

احمد باشا
حبيب قلبي
هيا بالظبط تعتبر اخت عربيتك (بس طبعا عربيتك تكسب في الحالة العامة)
الجنوط اللى فيها مش الاوريجينال بتاعت اوبل بس اهو جنط ظريف
التكييف طبعا متركب هنا بس بقيت الكماليات بتاعت بلدها
هيا 4 باب يا صاحبي مش 2 باب
السعر اللى انا قلت عليه ده انا سمعته من صاحبها
وطبعا انت عارف انا بدور دايما على عربية يكون سعرها حلو عشان تطيييير بسرعة
وتحت امرك يا غالى في اي سؤال

رامي (ابو احمد و يوسف)

[kaboo4]

رامى باشا انا شاكر جدا ليك على مسعدتك و يا ريت تقولى اذا كانت لسه موجودة انا جاهز اخدها بس بعد الكشف طبعا و جزالك الله كل خير

[ramyfawzy]

ان شاء الله لو لسه موجودة هكلمك
هرد عليك في اقرب وقت

رامي (ابو احمد و يوسف)

[shalaby2001]

ربنا يوفقك وتشترى عربيه حلوه