كورسا 1600 موديل 2003

[beacky]

السلام عليكم و رحمة اللة و بركاتو



السيارة اوبل كورسا 1600 موديل 2003



عايز حد يسعدني في اسعار قطع الغيار دي عشان التجار في اسكندرية دلوقتي بقو يحطو اسعار علي مزاجهم ولو حد يعرف مكانيكي محترم و امين وميلبسنيش في حيطة زي اللي بتعامل معاهم

1- اسطوانة و ديسك
2- بلية و ماستر
3- جوان تكيهات
4- طقم مساعد امامي
5- طقم مساعد خلفي
6- جلب المقصات الامامية
7- حساس السلانسية
8- سير تقسيمة
9- دويل اشارة امامي (شمال)


برجاء المساعدة للاهمية

ولكم جزيل الشكر و فائق الاحترام

[mazda3231984]

متابع

[mohamed-ali]

روح عن بتوع الاستعمال خارج ودور على اللى انت عايزه

[EGYPTIANDR]

انا هقول لحضرتك على الحاجات اللى اشتريتها..
جلب مقصات امامى اشتريت بتوع الافيو العفشجى قالى افضل لانهم نفس المقاس والصامولة اللى بداخلها حديد وكان سعرهم 120 جنية...
اشتريت غطا تاكيهات كامل برازيلى بالجوان بتاعة ب 200 جنيه وكان فى الجى ام الاصلى ب 275 جنيه
بلاش تغير الجوان بس لانه مش هيمنع التسريب وهتفضل تغيرة كل شويه لان الغطا نفسة بيقفع مع الحرارة وبيبقى العيب فية.....تحياتى

[beacky]

انا هقول لحضرتك على الحاجات اللى اشتريتها..
جلب مقصات امامى اشتريت بتوع الافيو العفشجى قالى افضل لانهم نفس المقاس والصامولة اللى بداخلها حديد وكان سعرهم 120 جنية...
اشتريت غطا تاكيهات كامل برازيلى بالجوان بتاعة ب 200 جنيه وكان فى الجى ام الاصلى ب 275 جنيه
بلاش تغير الجوان بس لانه مش هيمنع التسريب وهتفضل تغيرة كل شويه لان الغطا نفسة بيقفع مع الحرارة وبيبقى العيب فية.....تحياتى

شكرا جزيلا

[hammad2010]

اللى انا اعرفه ديسك واسطوانة من 800 الى 1100 وده فى المحلات مش التوكيل وصدقنى من واقع التجربة ان الديك والاسطونة فى التوكيل مبيفرقوش عن بره ، طقم مساعد خلفى فى التوكيل 1200 وفى المحلات حوالى 800 ، والطقم الامامى بيزيد شوية يعنى ممكن تلاقيه فى التوكيل بحوالى 1400 ، سير الكاتينة لازم تجيبه من التوكيل وده انا لسه جايبه 170 وبيتباع بره ب 145 يعنى مفيش فرق فى السعر انما فى الجودة بتاع التوكيل افضل وسير المجموعة ( الباور والتكييف والدينامو) فى التوكيل ب 160 وانا لسه شاريه برضه ولازم طبعا تجيبه من التوكيل ، حساس السلانسيه فى التوكيل ب 690 واستيراد ممكن تجيبه ب 300 تقريبا انت وشطارتك بقي ، والباقى حسألك عليه ان شاء الله