حسس rbm بتع العمه

[batestota_62]

عايز اعرف الحسس ده عامل كام علشان عايز اجيب واحد جديد او استيراد

[Ahmad Allawy]

انا بصراحة مش عارف ايه ده اصلا..
يمكن سعاتك تقصد ال تي بي اس..
اللي هو تحت العمة كده علي الشمال..؟؟
اللي بيخلي الار بي ام يعلي شوية و العربية متمورة..؟؟

انا اخر مرة كنت شاريه من امريكان ستار.. كان ب 220 جنيه.. و مكانش بتاع العربية عندي.. و ماشتغلش
و رجعته.. و ركبت القديم اشتغل زي الفل.. عجيبه مش كده..؟؟ :) :)
انا عربيتيت كورسا.. ممكن يكون بتاع الفيكترا اغلي شوية.. الله اعلم..
ممكن تكلمهم و تسألهم..
هتلاقي ارقام تليفونات في موضوع قطع غيار اوبل جديدة..

[danash]

الله ينور يا مهندس أحمد
عندى من يومين العربية ما كانتش عايزة تدور كبست لها عدة مرات زى ال28
رفع الrpm وما رديش ينزل عن 3000 وطبعا صوت الموتور على المهم رحت لواحد ميانيكى عندتا فى إسكندريى غير لى شئ كدة تحت عمة الإنجكشن ناحية اليمين
ب150 جنية إستعمال وأهى شغالة على ال1000 بس بردة بتغلبنى فى الدوارة لسة ما غيرتش فلتر البنزين بعد 3 شهور ركنة كنت مسافر فيهم

[danash]

الله ينور يا مهندس أحمد عندى عربيتى الفيكترا 96 بعد ركنها 3 شهور كانت بتغلبنى فى الدوارة كبستلها زى ال28 عشان تدور أينعم دارت ولكن الموتور رفع الrpm إلى 3000 ومارديش ينزل روحت لواحد ميانيكى عندنا فى السيوف غير لى شئ تحت عمة الإنجكشن من اليمين قال لى حساس الrpm ب 150 جنية إستعمال ظبط الrpm على 1000 ولكن لسة بتغلبنى فى الدوارة لسة ما غيرتش الفلتر بعد ما جيبته وقلت لواحد حبيبى على قده لم يعرف مكانه ومستنى بعد العيد

[Ahmad Allawy]

انا بيتهيألي انه مالوش علاقة بالدوارة..
و السنسور ده مكانه فعلا تحت العمة ع اليمين.. و بيركب فيه فيشة كده بالامارة.. رفيعة..
بس برضه علي فكرة ال1000 لفة ده كتير..
الطبيعي بيبقي علي 750-800
شوف موضوع الفلتر.. و لو مكانش اطشف علي طلمبة البنزين ..
وشوف رأي الناس ايه تاني.. انا اصلي مش عارف كتير ف الموضوع ده..

[MohamedGM]

لازم تروح التوكيل علشان تكشف بالجهاز

ممكن موضوع تاخر الدوارة دة يكون سببة حساس المياة او Tps

[danash]

إمبارح الصبح قولت أجرب وبالمرة أبص على الزيت والحمد لله
لقيته طحينة الموضوع بإختصار إننى نسيت مرة غطاء القربة مفتوح رغم إنه مجراش حاجة ساعتها الحرارة عدت 95 وبطلت العربية وطبعا بعد ما بطلت عدت المية لغاية ما بردت وزودتها مياه ومشيت طبعا العيد مافيش ميكانيكية حاروح بيها وإنا لله وإنا إليه راجعون

[ASKAFRAWY]

انا الموضوع دة حصل معايا وطلع الكابل البين الموبينة والاسبراتير على العموم لو انت من اسكندرية فى واحد عند المطار انا عن نفسى بتعامل معاه من سنين وزى تافل



اخبار البوجيهات ايه ياباشا ممكن تكون مرطبة من الركنة