بحث عن السيارة الاولي في حياتي

[م.أحمد الدسوقي]

السلام عليكم

انا اخوكم احمد لسه جديد في المنتدي وجديد في السواقة وجديد في العربيات

ومحتاج مساعدتكم في اختيار سيارتي الاولي

انا بحكم عدم تمرسي فكرت اجيب عربيه زيرو علي قد فلوسي فملاقتش غير اللادا كاش بحوالي 58 الف

وبعدين لاقيت نفسي بتهم بالجنون والعنصرية وكان فاضل شويه و اقف في قفص الاتهام كاحد مجرمي حرب فيتنام

وطبعا انا تراجعت نسبيا عن موضوع اللادا ده وفكرت اجيب تقسيط حاجه اعلي ولاقيت مثلا الاوبترا خيار كويس.

بس واجهتني مشكله الكل بيقولي هات حاجه اتعلم فيها الاول وبعدين بيعها وهات حاجه زيرو نضيفة

وطبعا كثرت الاقتراحات هات 504 اتعلم فيها ولا هات مازدا تمانينات ولا هات لادا تسعينات ولا ولا ولا

لكني فكرت ولاقيت ان خيار التويوتا افضل بكتير...


انا ممكن اجيب تويوتا بـ50 او 60 الف واتمرن فيها واستعملها فتره كويسة جدا وطويلة ومش حمرمطها وحخاف عليها

وبعد كدا اقرر اجيب زيرو محترم لو ربنا سهل في المستقبل

انا دلوقتي عاوز نصيحتكم في تويوتا كرولا اواخر تسعينات (مسطرة او عيون) ولا يارس الفينات ولا ايه رايكم لادا زيرو وربنا يسامحنا علي الجريمه اللي بنعملها في البشرية دي

اسف علي الاطاله وتحياتي لكم جميعا

كل اللي فات ده كتبته من يومين في منتدي تويوتا بس لما واحد قالي شوف الفيكترا جيت هنا وقريت كلامكم الجميل عنها وكمان ناس كتير بتفهم نصحتني بيها

تحبوا تختارولي ايه بالظبط انا مهندس وحتنقل بالعربيه في كل انحاء الجمهوريه وحمشي بيها في مدقات وطرق ريفيه وعاوزها تسد معايا

محتاج النصيحه ولو حد عاوز يبيع يقولي

شكرا لكم جميعا

[elbasha2020]

نصيحة لوجه الله لو مش بتفهم في العربيات و متعرفش حد ثقه في مسالة شراء المستعمل اشتري جديد احسن لان العربيات القديمة عموما مقرفة عشان في مثل بيقول لو كان فيه الخير مكانش رماه الطير من الاخر دور علي حاجة جديدة تريحك بدل متقعد كل يوم عند الميكانيكي زي حالتي

[madman2002]

لو جديد سواقه .. يبقى تجيب معشوقه الشعب ال 128 وهات اى حاله تقابلك بأرخص سعر اتعلم فيها كام شهر وبعد كده بيعها اقصى ما هتخسر هتخسر الف جنيه ... وتجيب عربيتك بقى الدايمه

اعرف واحد صاحبى زى حالاتك وقع قدامه عربيه لقطه بتاعه واحد قريبه بسعر لقطه خاف عليها وهو مبيسقش اجرلها جراج حطها فيه وجاب 128 هراها وخبطها مرتين ولما حس انه ادوتك وتقل فى السواقه باعها وركب العربيه النضيفه

[abohend]

عايز رأيي

السلام عليكم

انا اخوكم احمد لسه جديد في المنتدي وجديد في السواقة وجديد في العربيات

ومحتاج مساعدتكم في اختيار سيارتي الاولي

انا بحكم عدم تمرسي فكرت اجيب عربيه زيرو علي قد فلوسي فملاقتش غير اللادا كاش بحوالي 58 الف

وبعدين لاقيت نفسي بتهم بالجنون والعنصرية وكان فاضل شويه و اقف في قفص الاتهام كاحد مجرمي حرب فيتنام

وطبعا انا تراجعت نسبيا عن موضوع اللادا ده وفكرت اجيب تقسيط حاجه اعلي ولاقيت مثلا الاوبترا خيار كويس.

بس واجهتني مشكله الكل بيقولي هات حاجه اتعلم فيها الاول وبعدين بيعها وهات حاجه زيرو نضيفة

وطبعا كثرت الاقتراحات هات 504 اتعلم فيها ولا هات مازدا تمانينات ولا هات لادا تسعينات ولا ولا ولا

لكني فكرت ولاقيت ان خيار التويوتا افضل بكتير...


انا ممكن اجيب تويوتا بـ50 او 60 الف واتمرن فيها واستعملها فتره كويسة جدا وطويلة ومش حمرمطها وحخاف عليها

وبعد كدا اقرر اجيب زيرو محترم لو ربنا سهل في المستقبل

أولا:
بلاش زيرو لسببين
أنت لسه جديد و هتبهدلها
58 ألف مش هيجيبولك حاجة كويسة و لو جبت اللادا هتكره السواقة و المواصلات و الدنيا

ثانيا:
أنت بين خيارين
خيار طويل الأجل: هتجيب عربية بال60 اللي معاك و تقعد بيها 4-5 سنين
خيار قصير الأجل: هتجيب عربية سنة تتعلم فيها و تبيعها

لو إخترت الخيار الأول يبقى دور على حاجة بعد 2005 عشان و حالتها كويسة و عدادها مجابش ال75000 كم عشان متتعرضش لأعطال كتيرة و خصوصا إن خبرتك لسه بسيطة (قبل 2006 حتى لو العربية حالتها كويسة لكن معظم قطع الغيار الإستهلاكية هتكون محتاجة تغيير)

لو إخترت الخيار التاني يبقى مش فارقة هات أي حاجة حتى لو تسعينات (128 مثلا) إتعلم فيها و بيعها بعد كده

و بالنسبة لسؤالك

انا دلوقتي عاوز نصيحتكم في تويوتا كرولا اواخر تسعينات (مسطرة او عيون) ولا يارس الفينات ولا ايه رايكم لادا زيرو وربنا يسامحنا علي الجريمه اللي بنعملها في البشرية دي

أظن أنا رديت
بلاش زيرو
بلاش مستعمل قديم لو ناوي تكمل بيه إلا لو هتاخدها من واحد معرفة و متأكد تمام من حالتها و العربية تعتبر فرصة

أنا معايا بيجو 206 و عايز أبيعها بس حالتك دي مش هتبقى مناسبة لأنها رغم إن عدادها 81 ألف كيلو بس لكن هي موديل 2001 و مش عائلية و صعبة شوية فقطع الغيار

و ربنا يوفقك لحاجة كويسة إن شاء الله و متنساش الإستخارة

[hilal]

ارشح لك تويوتا عن تجربة بشرط الحالة تكون جيدة
التويوتا سيارة بدون اعطال تقريبا
وعندما تفكر في التغيير لن تخسر عند البيع

[abohend]

أختلف معاك

نصيحة لوجه الله لو مش بتفهم في العربيات و متعرفش حد ثقه في مسالة شراء المستعمل اشتري جديد احسن لان العربيات القديمة عموما مقرفة عشان في مثل بيقول لو كان فيه الخير مكانش رماه الطير من الاخر دور علي حاجة جديدة تريحك بدل متقعد كل يوم عند الميكانيكي زي حالتي

أنا أختلف معاك فموضوع المثل (لو كان فيه الخير مكانش رماه الطير)
أنا مثلا عايز أغير العربية (بيجو 206 2001) رغم إنها جميلة جدا و مريحاني لكن إحتياجاتي إتغيرت بعد الزواج و الإنجاب و بقيت عايز حاجة سيدان بشنطة واسعة
و عن تجربة ممكن تشتري مستعمل كويس راجع مواضيعي

http://www.nilemotors.net/Nile/389178-a.html

http://www.nilemotors.net/Nile/390203-2.html

[abogoda]

يابطل بكل بساطة اقولك اشتري تويوتا موديل 1996 ناعمة قطع غيار معمرة سريعة اقتصادية هتحب السواقة لو اشتريتها حالتها نظيفة ما أظنش انك هاتفكر تبيع قبل 3 أو اربع سنين تكون اتعلمت سواقة كويس ومش هاتقتنع انك تركب أي نوع تاني في السوق غير التويوتا ...................... بالتوفيق

[mazda3231984]

اهم شيء اشتري منوال في البداية واياك والاتوماتيك

[م.أحمد الدسوقي]

ممتن ليكم جميعا

طبعا لاسباب لم اكتشفها بعد المنتدي الاوبيلاوي اكثر تجاوبا معي من اي منتدي سيارة اخري

مع كامل شكري وتقديري لكل اعضاء المنتديات جميعا

وكعاده بني البشر يختلفون ويتراحموا في الخلاف ان كانوا علي حسن نيه ويتعادون ان كانوا علي سوء نيه

ححاول ابسط سؤالي شويه.

اولا انا تحت ايدي عربيات اتمرن فيها تبع الشركه تويوتا ونيسان دبل كابين بس في الصحراء والفضاء

ثانيا انا معايا لادا 1500 ايجار كده خفيف بتعلم فيها

ثالثا اني بقيت الحمد لله بسوق احسن كتير من الاول

رابعا والاهم

ممكن مقارنه بين تويوتا مسطره او عيون من 1998 الي 2002 وبين اوبل فيكترا بي من 1998 الي 2003

اتمني ان تحتوي المقارنه علي الاسعار والتوافر وسعر اعاده البيع وطبعا الامكانيات وكدا

وانا سعيد اني واحد في وسط هذا المنتدي الراقي نايل موتورز وكل الشكر للقائمين عليه