الهواء الساخن _ضروري جدا

[vectra-c]

السﻻم عليكم اخواني ..
معاية فيكترا سي 2004 .. عاوز اشغل السخان "الدفاية"
رفعت درجة الحرارة لحتى بقت hi وبرضو الهوى بارد .. جربت مع تشغيل a/c ومن غيرو برضو مافيش فايدة
انجدوني

[MaaM]

لو انت شاري العربية مستعملة فممكن يكون صاحبها الاولاني لاغى خرطوم المية السخنة
هي مالهاش علاقة بالتكييف خالص هي عبارة عن شبه سربنتينة بتعدي فيها المية السخنة اللي عند السلندر ومع تشغيل المروحة الداخلية فالهواء بيكتسب سخونة المية والمية تكتسب برودة الهواء

[vectra-c]

ايوا انا شاريها مستعملة ..
افهم ان اللي انا بعملو صح ؟

[MaaM]

انت عملت ايه ؟

[hilal]

لا تضغط زر (A/c) ده مخصص للفريون فقط في حالة التبريد وليس التسخين
ممكن تكون خراطيم المياه الخاصة بتكييف السخن مسدودة وتحتاج لتنظيف
كانت عندي نفس المشكلة ، حطيت شوية زيت فرامل مع مياه التبريد مع تشغيل التكييف الساخن لحد ما اشتغلت
ثم قمت بتغيير المياه بأخرى نظيفة
هذا بفرض ان ان خرطومي التكييف الساخن موجودين ، وزرار التكييف سليم

[FAR!D]

لا تضغط زر (a/c) ده مخصص للفريون فقط في حالة التبريد وليس التسخين
ممكن تكون خراطيم المياه الخاصة بتكييف السخن مسدودة وتحتاج لتنظيف
كانت عندي نفس المشكلة ، حطيت شوية زيت فرامل مع مياه التبريد مع تشغيل التكييف الساخن لحد ما اشتغلت
ثم قمت بتغيير المياه بأخرى نظيفة
هذا بفرض ان ان خرطومي التكييف الساخن موجودين ، وزرار التكييف سليم

انا شايف ان ده حل حلو يا تروح تكشف عن فني تكييف و تاخدها من قاصرها

[vectra-c]

لا تضغط زر (a/c) ده مخصص للفريون فقط في حالة التبريد وليس التسخين
ممكن تكون خراطيم المياه الخاصة بتكييف السخن مسدودة وتحتاج لتنظيف
كانت عندي نفس المشكلة ، حطيت شوية زيت فرامل مع مياه التبريد مع تشغيل التكييف الساخن لحد ما اشتغلت
ثم قمت بتغيير المياه بأخرى نظيفة
هذا بفرض ان ان خرطومي التكييف الساخن موجودين ، وزرار التكييف سليم

بتقصد مية الراديتير اللي حطيت معاها زيت فرامل ؟؟؟

[hilal]

بتقصد مية الراديتير اللي حطيت معاها زيت فرامل ؟؟؟

ايوة لان زيت الفرامل بيشيل بعض الرواسب اللي ممكن تكون السبب في انسداد الدورة

[vectra-c]

احط اد ايه ؟

[hilal]

احط اد ايه ؟

مقدار ربع كوب ، وتمشي بالسيارة مشوار عشان تسخن
ثم يتم تفريغ المياه من أسفل الرادياتير وهي ساخنة حتى لا تتراكم الرواسب مرة اخرى

[vectra-c]

مقدار ربع كوب ، وتمشي بالسيارة مشوار عشان تسخن
ثم يتم تفريغ المياه من أسفل الرادياتير وهي ساخنة حتى لا تتراكم الرواسب مرة اخرى

سؤال اخير ... كيف يتم افراغ المياه من الراديتير ؟ وشاكر فضلك اخي الكريم

[FAR!D]

في الدايو حتلاقي وانت باصص لحوض العربيه في الجنب اليمين من تحت الريداير عصفوره ممكن تلاقيها عندك افتحها ختلاقي الميه على الارض

[hilal]

كما شرح لك الزميل ممكن تلاقي عصفورة اسفل الرادياتير سواء جهة اليمين او جهة اليسار
تلف العصفورة ينزل الماء
ولو مفيش عصفورة يبقى لازم تفك الخرطوم السفلي للرادياتير وهتحتاج بنسة غراب عشان تفك الكلبس بتاع الخرطوم
بس لازم تفك غطاء القربة اولا بحرص وبواسطة فوطة صغيرة عشان المية السخنة ما تفورش على ايدك وتلسعك
تحياتي

[Apoissa]

طب الخراطيم دي تكلفتها كام لو حبيت اوصلها اصل عندي نفس المشكله في فيكترا ٩٩

[MaaM]

لـ Apoissa
الفكرة هو اللي قبلك ليه لغى السخن ؟ لأن كان فيه تسريب عنده في الصالون وبدل ما يغير سربنتينة السخن لأنها مكلفة ومؤرفة في فكها ، ريح نفسه ولغى السخن !