نويت علي فيكترا بي

[م.أحمد الدسوقي]

السلام عليكم

انا زي موضحت في مشاركتي السابقه اني مبتديء

بس للعلم انا مهندس وبفهم في الميكانيكا و كمان بدأت اتعمق في السيارة وتفاصيلها

وكمان مستوي سواقتي احسن كتير من الاول

وعشان انا محتاج عربيه قويه ومتميزة ومعيش غير 60-65 الف ففكرت في الفيكترا بي

وان شاء الله بمساعدتكم معايا نقدر نخليها ممتازه الحاله

دلوقتي انا ليا طلبين

الاول: هل الخيار ده كويس ولا لا (الفيكترا بي يعني)

الثاني الاقي فين استعمال نضيف اوي واجيب موديل سنه كام وما هي جوده موديلات 2000 وطالع لحد 2003

[MaaM]

65 الف يجيبوا فيكترا بي2 اوتو حالة نضيفة وفي بعض الأحيان ممكن تكون رشة رفرف بس أو جانبين بس
بس المشكلة انك تلاقي حالة نضيفة فعلاً
62 الف يجيبوا فيكترا بي2 مانيوال حالة نضيفة
انا اشتريت عربيتي بـ 65 الف وعارف انها غالية الفين أو تلاتية زيادة بس هي تستاهل لأنها طالعة من تحت راجل مش هاينها وصارف عليها صح ، دا غير انها فابريكة كلها من الاكصدام للإكصدام

اختيارك على الـ فيكترا بي عموما جيد ، بس في حالة واحدة وهي انك من النوع اللي مابيصبرش على مشكلة في العربية حسب أهميتها طبعا ومن النوع اللي بتلف على الحاجة ومن النوع اللي بتدور على ميكانيكي كويس

تلاقيها فين ؟ دور عليها ، هي عايزة تأني ومش عايزة استعجال خالص

خليك في موديلات 2000 لـ 2003 ديه b2 أطول وأشيك من الـ b1 بسبب العتب والإكصدامات والكساحات وباب الشنطة

[فادى محمد]

ماشاء الله كفيت ووفيت يا محمود

[م.أحمد الدسوقي]

65 الف يجيبوا فيكترا بي2 اوتو حالة نضيفة وفي بعض الأحيان ممكن تكون رشة رفرف بس أو جانبين بس
بس المشكلة انك تلاقي حالة نضيفة فعلاً
62 الف يجيبوا فيكترا بي2 مانيوال حالة نضيفة
انا اشتريت عربيتي بـ 65 الف وعارف انها غالية الفين أو تلاتية زيادة بس هي تستاهل لأنها طالعة من تحت راجل مش هاينها وصارف عليها صح ، دا غير انها فابريكة كلها من الاكصدام للإكصدام

اختيارك على الـ فيكترا بي عموما جيد ، بس في حالة واحدة وهي انك من النوع اللي مابيصبرش على مشكلة في العربية حسب أهميتها طبعا ومن النوع اللي بتلف على الحاجة ومن النوع اللي بتدور على ميكانيكي كويس

تلاقيها فين ؟ دور عليها ، هي عايزة تأني ومش عايزة استعجال خالص

خليك في موديلات 2000 لـ 2003 ديه b2 أطول وأشيك من الـ b1 بسبب العتب والإكصدامات والكساحات وباب الشنطة

اولا شكرا جزيلا علي الكلام الوافي والاحترافي اللي حضرتك قلته ده

ثانيا انا فعلا من النوع اللي مش حيصبر عليها في اي مشكله او حتي خدش (لان دي طبيعتي في شغلي وفي كل حاجه)

لكن لو انا اهتميت بيها جدا وصرفت بعنايه عليها واستشرت اهل الخبرة قبل ما العب فيها

هل من الممكن ان تكون في احتماليه اعطال وخاصه في السفر الطويل جدا ذو المطبات والمدقات والحر والبرد

طبعا انا اقصد مجرد توقع عام للاحتمال وبعيدا عن اي حالات شاذه في الاعطال

[MaaM]

مطبات / مدقات / حر / برد / بركة مية ، كل ده ولا يعمل حاجة مع الفيكترا
الفيكترا في السفر سفينة

هي المشكلة فين ؟
- صنايعي بيكروت وانت قاعد على جنب ومش واخد بالك منه هو عمل ايه
- قطعة غيار تعبانة عشان سعرها حلو

فبدل ما كنت راكب عربية مكوناتها محترمة وتقفيلها محترم ، بقيت راكب عربية مكوناتها كوكتيل من أردئ قطع الغيار مع تقفيل تحت السلم

[Hesham.H]

اهلا بحضرتك اولا .. ثانيا كلام محمود فعلا جابلك من الاخر
عاوز اقولك الفكترا حماله أسيه ... وشافت معايا امبارح يوم عالمى فى عز البرد وبرك الميه اللى فى الشوارع لان جالى سفريه فجأه امبارح فى عز الطقس السيئ .. وكل شويه اما الاقى عربيات راكنه على جنب وفاتحه كبوتها اقول الحمد لله ... وقبل كل بركه ميه تلاقى عربيات راكنه خايفه تدخل وعربيات بعدها واقفه وعطلانه تقول الحمد لله على نعمه العربيه الاوبل .. كنت ماشى قلبى حديد ولله الحمد
لو انت مايفرقش معاك مانيوال او اوتوماتيك يبقى عليك وعلى فكترا بى ٢ مانيوال ١٦٠٠ سى سى الموتور الاسود .. موتور نادر الاعطال وحمال أسيه
عاوز اتوماتيك يبقى دور على ايكوتيك حاله نضيفه
تحياتى

[m7nsh]

طبعا عربيه محترمه جدا والمبلغ دا يجيبلك 1600 اوتو بى 2 زى ما محمود قالك ...
واحب اقولك تانى بلاش الاستعجااااااااال واكشف عليها كويس جدا او وديها لطنانى علطول وهو يقولك المفيد سواء تاخدها او لأ..
فى نقطه ياريت فادى باشا يأكدلنا عليها وكان دايما بيقولها .. ان دواسه البنزين بتاعتها -ال1600 الاوتو - تكون واير مش كهربا عشان بيكون فيها مشاكل ... انا مش متذكر بالظبط ايه السبب عشان كده حبيت افكركم بالنقطه دى

ومبروك مقدما ..

[م.أحمد الدسوقي]

اهلا بحضرتك اولا .. ثانيا كلام محمود فعلا جابلك من الاخر
عاوز اقولك الفكترا حماله أسيه ... وشافت معايا امبارح يوم عالمى فى عز البرد وبرك الميه اللى فى الشوارع لان جالى سفريه فجأه امبارح فى عز الطقس السيئ .. وكل شويه اما الاقى عربيات راكنه على جنب وفاتحه كبوتها اقول الحمد لله ... وقبل كل بركه ميه تلاقى عربيات راكنه خايفه تدخل وعربيات بعدها واقفه وعطلانه تقول الحمد لله على نعمه العربيه الاوبل .. كنت ماشى قلبى حديد ولله الحمد
لو انت مايفرقش معاك مانيوال او اوتوماتيك يبقى عليك وعلى فكترا بى ٢ مانيوال ١٦٠٠ سى سى الموتور الاسود .. موتور نادر الاعطال وحمال أسيه
عاوز اتوماتيك يبقى دور على ايكوتيك حاله نضيفه
تحياتى

الف شكر ليكم جميعا علي التعاون ده

انا فعلا ناوي علي مانيول لانه اضمن من حيث الاعطال في العموم لكني معرفش غير ان الايكوتيك ده في كل العربيات اللي بعد 2000 لكن الفرق بين الاوتو وبين المانيول احتاج من حضرتكم توضيح

[م.أحمد الدسوقي]

طبعا عربيه محترمه جدا والمبلغ دا يجيبلك 1600 اوتو بى 2 زى ما محمود قالك ...
واحب اقولك تانى بلاش الاستعجااااااااال واكشف عليها كويس جدا او وديها لطنانى علطول وهو يقولك المفيد سواء تاخدها او لأ..
فى نقطه ياريت فادى باشا يأكدلنا عليها وكان دايما بيقولها .. ان دواسه البنزين بتاعتها -ال1600 الاوتو - تكون واير مش كهربا عشان بيكون فيها مشاكل ... انا مش متذكر بالظبط ايه السبب عشان كده حبيت افكركم بالنقطه دى

ومبروك مقدما ..

تمام كلام حضرتك ويا ريت لو استاذ طناني يرد انا بتصل بيه علي نمرة المعلنه من 2010 ومش عارف هيا لسه معاه ولا ايه

[MaaM]

m7nsh
البدال الواير والكهرباء ده بالنسبة لما بتسقط موتور وبتختار براحتك
اما العربيات الاوتو 1600 اللي عندنا كلها كهرباء

احمد دسوقي
ال1600 في موديلات 2000-2003 نزل منه مانيوال واتوماتيك
والفرق الوحيد بينهم غير الفتيس طبعا ان الموتور بتاع المانيوال 1 كامة 75 حصان وموتور الاوتو 2 كامة 100 حصان

[m7nsh]

m7nsh
البدال الواير والكهرباء ده بالنسبة لما بتسقط موتور وبتختار براحتك
اما العربيات الاوتو 1600 اللي عندنا كلها كهرباء

احمد دسوقي
ال1600 في موديلات 2000-2003 نزل منه مانيوال واتوماتيك
والفرق الوحيد بينهم غير الفتيس طبعا ان الموتور بتاع المانيوال 1 كامة 75 حصان وموتور الاوتو 2 كامة 100 حصان

تمام يا محمود كده فهمت .. الله ينور :)

[م.أحمد الدسوقي]

ممتاز ..... طب دلوقتي بالنسبه لعدد الكيلوات ومدي تأثيرة علي القدرة

[MaaM]

المهم حالة الموتور وكبسه وحالة الصالون وحالة العربية بوجه عام ، أما المسافة المقطوعة مش مقياس
شوفت عربية قبل كدا اوتو ماشية 90 الف تقريباً وحالتها حالة عربية ماشية 250 الف !!
في ظل اني شوفت عربية اوتو باردوا وماشية 200 الف وحالتها كانت انضف بمراحل

هو احنا بس للأسف عندنا ثقافة غريبة شوية ! مش بتكلم عليك طبعا يا أ/ أحمد ، اقصد التجار والصنايعية اللي بيعلوا سعر عربية ويموتوا سعر أخرى تعديها بمراحل