الحمد لله :- امبارح قولت بقى بعد ما قريت موضوع الاستاذ فادى محمد بتاع تنظيف دوره المياه قولت نفذ بقى وياريتنى مانفذت هههههههههه قومت جبت زجاجه خل محترمه و ٢ معلقه ملح محترمه و٢ ليمونه محترمه وحطيتهم ع مياه القربه وقومت مدور الماتور ومستنى بقى الدنيا تنظف ومحضر بقى جركن ميه توتال من الاصلى ههههه وهروق العربيه بقى .....! وهوبااااا ٥ دقائق الترموستات فتحت وعينك ماتشوف الا النور ولقيت الميه نازله من الماتور كأنها حنفيه من كل حته الميه نازله فبسرعه بطلت العربيه وببص براحه لاقيتها طبب الميه كلها بمعنى كلها اتخرمت ههههههه اتصلت ع الميكانيكى بتاعى وحدنا العربيه الورشه براحه وطبعا مراعينها ميه طول السكه المهم وصلنا الحمد لله وطبعا معاناه عشان تغير الطبب دى من ورا ومن قدام لازم تحل المانفوه والشكمان وقصه طويله اوى عشان العربيه ضيقه ( موتور ٢٠٠٠ سى سى ايكوتك ) يبقى فى السكه كان معايا طرمبه ميه جديده غيرتها وغيرت قواعد الماتور لان القاعدة الخلفيه بتاعت الفتيس دى صعبه جداً جداً تغيرها بس الحمد لله غيرتها فيبى والاتنين الامامى غيرتهم المانى مش فاكر الماركة بس هبقى اقولكم عليها . المهم الحمد لله دورنا ع الساعه ١٢ فى الثلج ده ومش هقدر اوصفلكم الجو عندنا عامل اذاى فى رشيد معانااااااه ثلج بجد المهم الحمد لله كل حاجه تمام اوى بس عندى سؤال للوحوش ( الكبار بتوعنا ) القواعد ماضيعتش رجه الموتور ليه ؟؟؟؟ يعنى هيا ضيعته قيمه ٧٥ ٪ بس لسه فيها شويه صغيرين يبقى العمل ايه ؟؟؟؟؟؟ وآسف جداً للاطاله انا قولت بس احذر اللى مقبل على خطوه التنظيف دى يخلى باله وشكراااااااااا
X
-
ديه حقيقة فعلاً
لازم اللي يفكر يغسل عربيته سواء بالخل ومليح الليمون أو سوائل تنظيف الدورة يكون حاطط في باله إن ممكن يحصل تسريب من أي حتة في العربية لأن الأملاح والصدا المتراكم قافل مكان الجزء اللي هو بنفسه ضعّـفه
فده بالنسبة للي كان حاطط مية حنفية وبقالها فترة في العربية
أما اللي كان مهتم بيها وحاطط مياه مقطرة أو خضرا وبيغسلها على فترات قريبة ، فيطمئن الى حد ما
والحمد لله يا اخ هيثم انك عملت الموضوع ده وانت تحت بيتكم عشان تقدر تتصرف ، وده مهم جدا لكل اللي يفكر يغسل الدورة لأول مرة ، انه يغسلها وهي تحت البيت
بالنسبة لقواعد الموتور ، غير ليمفورد أو مابكو ماتفكرش ، ماركة فيبي بقت أوسخ قطعة غيار في السوق ، مضروبة من طوب الأرض
للعلم: قواعد الليمفورد الثلاثة بـ 1200 جنيه من الوطنية[FONT=Courier New]محمود[/FONT]
-
والله يا اخ maam زى مانا قولت فى راس الموضوع انا من رشيد فبالنسبالى كويس أصلا انى لقيت القواعد فى اسكندريه النوع ده لان احنا هنا فى اسكندريه ورشيد والمناطق دى لايوجد عندنا خيارات .. ! وهل تعلم ان احنا امبارح عملنا الطبب دى فى المخرطه لان مفيش عندنا منها فى البلد جديده فيعنى الموضوع انت مش متخيله .....! دعواتكم ياريس[SIGPIC][/SIGPIC]---------------------------------------------------------------------------------------
اللهم أحسن عاقبتنا في الامور كلها وأجرنا من خزي الدنيا وعذاب الاخرة...
اخوكم :- هيثم على
Comment
-
ربنا يعينك ، بس هي الفكرة في ايه ؟ انك تشتري قطعة غيار بمبلغ ومكلفة وفي الآخر ماتلاقيش النتيجة المتوقعة وبالعكس بتبقى مخيبة للآمال ، فخسارة الفلوس اللي اتدفعت فيها
وياسيدي لو ملاقتش في المرة الجاية ابقى اسأل اخواتك وزمايلك هنا ونشحنهالك لو في السلوم حتى[FONT=Courier New]محمود[/FONT]
Comment
-
والله شاكرييين جداً جداً وحلوه اوى حكايه الشحن دى مش عارف كانت تايهه عن بالى اذاى والحمد لله المره الجايه قريبه باذن الله ودام الله المحبه والإخلاص والوفاء بين الناس[SIGPIC][/SIGPIC]---------------------------------------------------------------------------------------
اللهم أحسن عاقبتنا في الامور كلها وأجرنا من خزي الدنيا وعذاب الاخرة...
اخوكم :- هيثم على
Comment
-
أستاذ هشام متزعلش ... كده كده الطبب كانت جايبه أخرها و اللي كان مانع التسريب هو الصدا المتراكم فكده الموضوع جه بفايده
و حتي لو كنت غيرت المياه فقط بسائل تبريد محترم بدون تنظيف الدوره كانت هاتفتح برضه و الصدأ كان هايتاكل بسبب ساءل التبريد
مبروك عليك الصيانه
و بلاش مياه حنفيه بتاكل الموتوروَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ
Comment
-
والله يا أستاذ حسام انا مابحط مياه حنفيه بس انا شارى العربيه مركونه واصحابها هايننها اوى فالحمد لله على كل شى وشكرا لردوداتكم البسيطه المشجعه[SIGPIC][/SIGPIC]---------------------------------------------------------------------------------------
اللهم أحسن عاقبتنا في الامور كلها وأجرنا من خزي الدنيا وعذاب الاخرة...
اخوكم :- هيثم على
Comment
-
خير يا هيثم باشا كله خير .. و اهو كله للنضافه .. و كويس ان حركه الطبب دى اتعملت معاك تحت البيت لأنها حصلت معايا فى مره فى الشغل بعربيه 406 فى مراااااااااااسى فى العلمين ... و حلنى بقا عشان تعرف تتصرف هناك .
اهم حاجه ان الدنيا دلوقتى تمام و الصدا راح .. الف مبروك و فدااااااك[RIGHT][COLOR="black"][B][caps]Mohamed Badr[/caps][/B][/COLOR][/RIGHT]
Comment

Comment