ماهى استخدامات الشاشه الموجودة فى الطابلوه

[سامح السيد]

الشاشه اللى عندى فى أوبل فيكترا 2002 لايوجد بها الا
الساعه والتاريخ ودرجه الحرارة
وهل لها علاقه بالكاسيت بمعنى انى لما اطفى العربيه والكاسيت شغال تفضل شغاله ولما اطفى الكاسيت تنطفى

[haisam ali]

الكاسيت الفابريكه ولا متغير ؟؟؟

[MaaM]

لو الكاسيت الفابريكة الفيليبس اه ليها علاقة وانت بتقلب الكاسيت من الراديو للشرايط أو من الموجات المختلفة بيظهر الكلام ده معاك على الشاشة
ولو طفيت الكاسيت بيظهر مكان السطر المخصص له "التاريخ"

أما لو الكاسيت اتغير لواحد تاني مش بتاع العربية فالسطر المخصص للكاسيت مش هايظهر عليه حاجة خالص إلا لو طفيت الكاسيت هايظهر التاريخ

[فادى محمد]

نفس اللي عندي بالضبط بس عندي plaupunkt مش philips

[haisam ali]

على فكره ياستاذ / فادى و ياستاذ / maam بطولوااااا كده بقى هههههههههههه انتم بتقاطعونى يعنى انا سالت الاستاذ سامح على نوع الكاسيت ومستنيه يرد عشان اعمل فاهم وارد عليه وأخد فرصتى ههههههههههه هوبا بقى دخلتم انتم قاطعتونى . ياخونا مايصحش كده ( ادونا فرصتنا بقى حرام عليكم ) ههههههههه

[فادى محمد]

ياباشا اتفضل بيتك ومترحك..تحياتي

[MaaM]

خش ولا يهمك ياهيثم باشا خلينا نساعد فادي بدل ماهو شبه شغال لوحده في المنتدى
ربنا يباركلك يافادي ويرزقك من وسعه

[سامح السيد]

السلام عليكم ورحمه الله وبركاته
شكرا لمروركم الكريم وربنا يبارك فيكم جميعا
الكاسيت متغير الى بايونير اصلى اسطوانه والسماعات كلها متغير بايونير
والف شكر لاهتمامك بالموضوع