العربية منكده عليا

[mazens]

السلام عليكم

زى ما عنوان الموضوع بيقول العربية منكده عليا اخر نكد

والسبب انها كل شوية تبطل وموش عارف ايه مشكلتها والحكاية دى بتحصل لما بكون ماشى على السلانسية او لما بدوس فرامل تبطل ولما بدروها بتدور عالطول

حد عنده فكره عن المشكلة والحل لانى زهقت وبقيت خايف امشى بيها وعقبال لما اروح بتكون طلعت عينى

ارجو الافادة

[mazens]

نسيت اقول ان العربية بحس انها زى ما تكون متلتة على السلانسية

[drahmedhegy]

ممكن السلانسيه واطي شويه فبتحتاج تعليه
واكشف على سيرفو الفرامل
وان شاء الله بسيطه

[mazens]

ممكن السلانسيه واطي شويه فجتحتاج تعليه
واكشف على سيرفو الفرامل

شكرا يا باشا على الرد
بس تفتكر ايه يكون تأثير السيرفو واعرف انه بايظ منين

[دكتور خالد]

كان عندى المشكلة دى فى هيونادى اكسيل و المشكلة كانت بوجيهات ... و نفس المشكلة كانت فى 128 و كانت فلتر بنزين مسدود و بيك الكاربريتير متوسخ ... أبدا بالحجات البسيطة بص على البوجيهات و سلوكها و فلتر البنزين و متابع معاك

[drahmedhegy]

ممكن تخلي الميكانيكي او حد بتاع فرامل يشوفو
انا كانت عندي مشكله زي دي بس لما ادوس فرامل وطلع مشكله من الصباع اللي ماسك دواسة الفرامل بالسيرفو كان بيسرب هواء لما بادوس عليه

[drahmedhegy]

نسيت اقول ان العربية بحس انها زى ما تكون متلتة على السلانسية

بص الميكانيكي عندي كان عمل حركه كده وبعدين قالي دا عيب سيرفو
فيه خرطوم داخل على السيرفو جاي من الموتور المهم فكه وكتم الفتحه بصباعه بسرعه فالتتليته راحت
حاول تجرب الحركه دي وشوف

[menaraafat85]

نسيت اقول ان العربية بحس انها زى ما تكون متلتة على السلانسية

معلش اعذرونى جميعا
بس هو يعنى ايه متلتة؟؟؟
عذرا على سذاجة السؤال بس أخوكم جديد فى الكار وباسمع الكلمة دى كتييير ومش عارف معناها

[drahmedhegy]

معلش اعذرونى جميعا
بس هو يعنى ايه متلتة؟؟؟
عذرا على سذاجة السؤال بس أخوكم جديد فى الكار وباسمع الكلمة دى كتييير ومش عارف معناها

يعني 3 سلندر شغالين والرابع مش شغال

[mazens]

اشكركم جميعا على الردود

انا فعلا شاكك فى السيرفو وانه هو اللى بيهرب الفاكيوم بتاع الماتور ويكون السبب فى التبطيل أو حساس الايديال

وانا برضه هشيك على فلتر البنزين والبوجيهات والرشاشات


بس السؤال هل ممكن يكون السبب البوبينة او الاسبراتير ؟؟؟؟

معلش اعذرونى جميعا
بس هو يعنى ايه متلتة؟؟؟
عذرا على سذاجة السؤال بس أخوكم جديد فى الكار وباسمع الكلمة دى كتييير ومش عارف معناها

عادى يا باشا كلنا بنتعلم ونعرف


متليتة يعنى شغالة 3 سلندر بثلاث بوجيهات مثلا تلاقى الماتور مبرجل والشكمان عمال يتفتف أو يفرقع ( باك فاير ) ويدخن والعربية تبطل

[menaraafat85]

يعني 3 سلندر شغالين والرابع مش شغال

عادى يا باشا كلنا بنتعلم ونعرف


متليتة يعنى شغالة 3 سلندر بثلاث بوجيهات مثلا تلاقى الماتور مبرجل والشكمان عمال يتفتف أو يفرقع ( باك فاير ) ويدخن والعربية تبطل

شكرا يا جماعة
ودمتم للنضاااااال على رأى أخونا صدااام

[drahmedhegy]

اشكركم جميعا على الردود

انا فعلا شاكك فى السيرفو وانه هو اللى بيهرب الفاكيوم بتاع الماتور ويكون السبب فى التبطيل أو حساس الايديال

وانا برضه هشيك على فلتر البنزين والبوجيهات والرشاشات


بس السؤال هل ممكن يكون السبب البوبينة او الاسبراتير ؟؟؟؟

شيل اسلاك البوجيهات والعربيه دايره واحد واحد وشوف هل العربيه بتتاثر ولا لا لو مفيش فرق بين شيل وتركيب سلك البوجيه يبقي ممكن تكون مشكله اسبراتير او سلك البوجيه نفسه

[loda80]

متلتة يعنى فى سلندر مش شغال لان العربية 4 سلندر متخفش دى مشكلة كهربا وعلى فكرة دا السبب ان العربية الاهتزاز فيها بيكون عالى لان ال4 سلنرات مع بعض بيخلى العربية متزنة بمعنى أخر بيمنع الاهتزاز فى العربية وتقبل مرورى

[فادى محمد]

-السيرفو لو بايظ او خط السيرفو العربيه هتلخبط بس مش هتتلت (في فرق)
اللخبطه دي بتبقي ع السلانسيه بس ولو دوست بنزين او مشيت علي سرعات بعد الغيار
التالت بتظبط ده يبقي سيرفو او وصله سيرفو . اما لو متلته بمعني ان في سلندر مش
بيشتغل فلازم تدور ع الكهربا من اول طلوعها من فحمات الاسبراتير فالاسلاك فالبوجيه
والرشاش (لو العربيه 4 رشاشات)

[mazens]

-السيرفو لو بايظ او خط السيرفو العربيه هتلخبط بس مش هتتلت (في فرق)
اللخبطه دي بتبقي ع السلانسيه بس ولو دوست بنزين او مشيت علي سرعات بعد الغيار
التالت بتظبط ده يبقي سيرفو او وصله سيرفو . اما لو متلته بمعني ان في سلندر مش
بيشتغل فلازم تدور ع الكهربا من اول طلوعها من فحمات الاسبراتير فالاسلاك فالبوجيه
والرشاش (لو العربيه 4 رشاشات)

فعلا العربية مع دوس البنزين بتبقى زى الفل والماتور صوته ناعم وجميل مجرد ما تبتدى الزحمة وبعد ما ااقف وابتدى امشى بالراحة بعد حوالى من 5 - 10 دقايق بتبتدى تتلخبط والماتور بيعلى وينزل والار بى ام طالع نازل وتبدأ تبطل وباحس انها زى ما يكون متلته وتبطل زى ما قولت .

كده يبقى العيب منين