العربية تقريبا محتاجة نص عمرة او عمرة موتور ارجو المساعدة

[Mamoud salah H]

السلام عليكم

زي ما العنوان مكتووب انا تقرييبا العربي جابت شنبر او كاوت صبابات تقريبا

التفاصيييل

وانا بدور العربية وهيا باردة بلاحظ خرووج دخان ابيض بس مش كثييف ومش ملحووظ غيير لما تركز يعني مش بيبان من المراية مثلا وانا ماشي من الشكماان وريحة زييت بسيط لو قربت اوي من الشكماان اشمها بس لما العربية بتسخن وتوصل للحرارة الطبيعية ليها الدخان بيختفي وبتبقي كل حاجة تمام الا لو دوست بنزين جامد علي السلانسية(امبليهات) 5.5 rpm الدخان بيظهر لو اقل من كدة ميظهرش
اسف لو كلامي مش مرتب بس حبيت اوصف بالتفصيييل والموضوع دة ظهر قبل موجة البرد الشديدة واختفي ورجع تاني اليومين دوول

مش عارف كدة العييب فيين
واخر سوال معلش ايا كان العييب فيين هل يفضل التصليح واعمل طقم شنبر مثلا او اي اصلاح ولا اجييب شورت بلوك ايكوتك 1600 زي الي فيهها احسن وبيكون عمل كام الموتور فقط من غير اي ادوات

للعلم العربية كاسرة ال200 الف مييل في العداد (تقريبا 320 الف كيلو)وعلي كلام صاحبها قبل سنتين وانا بشتريها الموتور متفتحش قبل كدة وانا كذلك مفتحتوش خالص الحمد لله

اوبل فيكترا بي1 1996 مواصفات اوروبي
1600
وسعر الاصلااحات د

[m7nsh]

بص ياباشا...
-لو الزيت بينقص بمعدل كبير و العادم لونه ابيض مائل للازرق = شنابر او تحديدا شنبر كسح الزيت السفلي
وفي الحاله دي بتلاقي زيت علي سن البوجيهات وطبعا بتغيب في الدواره الصبح
لو الزيت بينقص بمعدل بسيط والعادم ابيض والموتور بارد فقط = كاوتش صباب فقط
لو فتحت فايظ الزيت او فتحه مليء الزيت من فوق والموتور داير ولقيت نفخ هوا وشميت رائحه عادم = كاوتش صباب او خلوص الصبابات والزيت هينقص برده بمعدل بسيط __________________

قلبى معاك .. ان شاء الله بسيطه و ماتخرجش عن كاوتش الصبابات .. انا افتكرت ان فادى كان رد على حاجه زى كده من فتره وجبتهالك .. وان شاء الله خير ..

[Mamoud salah H]

قلبى معاك .. ان شاء الله بسيطه و ماتخرجش عن كاوتش الصبابات .. انا افتكرت ان فادى كان رد على حاجه زى كده من فتره وجبتهالك .. وان شاء الله خير ..

جازاك الله خيرا علي الاهتمام وسرع الرد ومن خلال الاقتباس الي حضرتك جبته ومن خلال الملاحظات في عربيتي كدة ممكت تكون كاوتش صبابات خصوصا ان الحمد لله العربية بتدور من اول تكة ومفيش تاخير الحمد لله والزيت لما باجي اقيسه بيكون في المتوسط بين max وmin مع اقتراب ميعاد تنزيله انما قبل كدة في اول 2000 كيلو او 3 مثلا بيكون في اتجاه :max
والبوجيهات الصراحة مبصتش عليهم بس مش حاسس ان عليهم تعريق زيت عشان العربية مش بتتأخر في الدواره ولله الحمد

كنت بس حابب اعرف تكلفة الاصلاح كام لو كاوتش صباب او لو شورت بلوك او طقم شنبر

[mohamed_rhem]

فك وش الموتور

اعمله قواعد ودلايل وروديه وغير جلد الصباب

مختار الخراط اللي عند كوبري التجنيد احسن واحد يعملك الحوار ده

والتكلفه لن تتعدي 100 جنيه ان شاء الله

وتجيب جوان وش سلندر جي ام وتغير الزيت وفلتر ومياه التبريد

اجر الميكانيكي في حدود 300 الي 400 جنيه واسأل علي الجوان وجلد الصباب وفلتر الزيت

وبالمرة بص علي سير الكاتينه لو ميعاد تغيره قرب غيره واهي نفس المصنعيه


بس خلاص

[lanos2004]

كاوتش صباب هوة الى بيعمل الدخنه الصبح
لما تفك الوش ابقه خلى الميكانيكى يبص على البساتم لو ماسكه نفسها يبقه تمام لو بتلق جامد ابقه هات طقم شنبر جى ام اصلى من اى موزع معتمد وغيرة بالمرة طالما فتحت الماتور
بس اهم من الشنبر الميكانيكى الى هيركب الشنبر وتجيبه مقاس ستاندر طالما الماتور اول مرة يتفتح
متجبش مقاس اكبر والميكانيكى يفضل يبرد فيه يصغرة لان بكدة هيبوظلك البلوك والشمبر مش هيكمل معاك

[بيشوى_رمزى]

كاوتش صباب هوة الى بيعمل الدخنه الصبح
لما تفك الوش ابقه خلى الميكانيكى يبص على البساتم لو ماسكه نفسها يبقه تمام لو بتلق جامد ابقه هات طقم شنبر جى ام اصلى من اى موزع معتمد وغيرة بالمرة طالما فتحت الماتور
بس اهم من الشنبر الميكانيكى الى هيركب الشنبر وتجيبه مقاس ستاندر طالما الماتور اول مرة يتفتح
متجبش مقاس اكبر والميكانيكى يفضل يبرد فيه يصغرة لان بكدة هيبوظلك البلوك والشمبر مش هيكمل معاك

مظبوط

[MaaM]

انت متأكد يا محمود ؟
لأن ممكن يكون ده بخار مية مش دخان ابيض

[tananybasha]

لو احتاجت هيبقى كاوتش صباب
و تبص على حكم البساتم
و تشوف الشمايز معتبه و لا لأ
و تعمل طقم كاوتش الصباب و يتعمل روديه نضيف
و ان شاء الله تبقى تمام

[m7nsh]

انت متأكد يا محمود ؟
لأن ممكن يكون ده بخار مية مش دخان ابيض

تصدق ممكن فعلا يكون بخار ميه ,, كل العربيات تقريبا فى الجو ده الصبح بتطلع دخنه بيضا ,, اللى هى بخار ميه واتكثف ... وارد جدا

[lanos2004]

تصدق ممكن فعلا يكون بخار ميه ,, كل العربيات تقريبا فى الجو ده الصبح بتطلع دخنه بيضا ,, اللى هى بخار ميه واتكثف ... وارد جدا

هوة الزيت بينقص--لان ممكن يكون بخار ميه وممكن يكون زيت متسرب وبيتحرق بس كاوتش الصباب بيخليها تدخن فى اى وقت بعد ركنه طويله فى اى درجه حرارة

[Mamoud salah H]

طب انا اعرف منين ان دة بخار ميه مش زييت خصوصا انها مكنتش بتعمل كدة غيير من فترة قريبة يعني قبل بداية الموجة باسبوع مثلا او اقل وبالنسبة للزيت هو بنقص لما بيكون في اخره بيكون في المتوسط بين ال ماكس وال مينيمم او اعلي حاج بسيطة

[lanos2004]

شوف فى نص النهار لو ركنت العربيه ساعتين او تلاته وجيت تدور دخنت يبقه كاوتش صباب

[Mamoud salah H]

شوف فى نص النهار لو ركنت العربيه ساعتين او تلاته وجيت تدور دخنت يبقه كاوتش صباب

لا مفيش دخنة بتطلع في الحال دي

[MaaM]

دا بخار مية ياعم محمود :)

Sent from my HTC

[Mamoud salah H]

دا بخار مية ياعم محمود :)

Sent from my HTC

اه منا اكتشفت كدة فعلا

الحمد لله لانها مكنتش طلبة الموضوع دة خاالص
بس انا ظهرلي مشكلة جديدة في احرارة بتاعة العربية ولسة معرفش ايه ظروفها وركنها ومغطيها