إعـــــــلان

Collapse

.

,
See more
See less

تفاصيل العفشه الأماميه للفكترا b ... بالصووور

Collapse
X
Collapse
 
  • Page of 3
  • Filter
  • الوقت
  • Show
Clear All
new posts
السابق 1 2 3 template التالي
  • #1

    تفاصيل العفشه الأماميه للفكترا b ... بالصووور

    الزملاء الأعزاء

    من فتره وأنا بفكر أعمل الموضوع ده ... خاصه بعد ملاحظه كثره الأسئله من زملاء فى المنتدى .. وبفضل الله جمعت صور ومعلومات وطبعا الموضوع مفتوح لكل إضافات الزملاء بالصور أو معلومات غير مذكوره

    هحاول ما أطولش عليكو ... ونبدأ بصوره للعفشه الأماميه ... وكل رقم هانتكلم عن الجزء بتاعها



    رقم ١ هى الركبه وتتكون من :-

    ( المساعد - السوسته - الكاوتشه - الكوز - البطاحه - الطبق )
    ودى صوره الركبه كامله ومفكوكه



    سعر الركبه كامله من ٣٥٠ إلى ٤٥٠ جنيه ... سعر جوز المساعدين جديد من ٧٥٠ إلى ٨٥٠ جنيه
    البطاحه من ٧٥ الى ١٢٠ حسب الماركه ... الطبق سعره حوالى ٢٥ جنيه

    أكتر عطل مشهور فى المنطقه دى هو تلف البطاحه وطبعا معظمنا غيرها وعارف الكلام ده ... وأعراض تلف البطاحه هو سماع خبطه مع المطبات والطرق الغير مستويه
    تانى عطل بيحصل هو تلف الكاوتشه ... وده بيخلينا نسمع خبطه مع مطبات الهوا وإرتفاع المساعد لأقصى مكان

    رقم ٢ الطنبوره



    طبعا كلنا عارفين مكانها ووظيفتها ... أعراض التلف بتكون حاجتين
    أولا المسح .. وهو إن الطنبوره مع الإستهلاك بالبلدى تتمسح وتتبرى وتفقد السماكه بتاعتها
    ثانيا الريجه ... وهى إن الطنبوره تصبح غير مستويه وفيها عالى وواطى أو بوش ... وفى كلتا الحالتين العلاج هو التغيير لأن الطنبوره مافيهاش هزار
    سعرها جديد ممكن الزملاء عارفينه أنا أعرف ان سعر الجوز إستيراد ٣٥٠ تقريبا

    رقم ٣ تيش الميزان


    أى عطل فى الميزان بيعمل بوش فى العجل وعدم إتزان فى العربيه .. سعر تيش الميزان ١٢٠ جنيه ماركه روفال .. ألمانى

    رقم ٤ كاوتش الميزان



    أعراض تلفه هو ملاحظه صوت تزييق مع الطرق الغير مستويه ( صوت إحتكاك كاوتش أقرب للتصفير )
    سعر كاوتش الميزان ٥٥ جنيه ماركه فيبى ألمانى

    رقم ٥ ذراعات الإسكاترا

    هى دى اللى بتنقل حركه الدركسيون من الإسكاترا للعجل ... أعراض التلف وجود دردره فى الدركسيون وإهتزاز ... سعرها تركى جديد الواحد حوالى ٩٠ جنيه

    رقم ٦ المقص



    المقص زى ما هو واضح له ٣ أطراف ... طرفين فيهم جلب واحده صغيره وواحده أكبر شويه وبيركب الجزء ده فى كروسليه العربيه والطرف التالت فيه بيضه بيكون راكب فى خلف الطنبوره
    تلف الجلب بيكون عباره عن بوش فى العجل ... وسعر طاقم الجلب حوالى ١٢٠ جنيه تقريبا للجلبتين سواء الكبير أو الأصغر
    والأفضل مقص كامل إستيراد بجلب سليمه لأن الجديد مهما كان نضيف مش هايبقى زى الأصلى


    التفاصيل دى على قد خبرتى المتواضعه طبعا بجانب الخبراء الكبار فى المنتدى ... وحاولت أختصر على قدر المستطاع وطبعا الموضوع مفتوح لجميع الزملاء لإضافه معلومات وصور لتعم الفائده

    تحياتى
    الكلمات الدلالية (Tags): الأماميه, العفشه, بالصووور, تفاصيل, للفكترا
  • #2
    تسلم ايديك .. موضوع هايل و الصور ممتازة و حجمها كويس جدا و كل حاجه واضحه.

    و أنا شايف ان الموضوع ده هيكون مرجع لناس كتير .. حتى بره قسم أوبل.
    [CENTER][B]القران الكريم بجودة صوت عاليه جدا[/B]
    http://www.nilemotors.net/Nile/230790-a.html[/CENTER]

    Comment

    • #3
      الله ينور يا هشام باشا موضوع جميل و واضح
      م/رامى المهدى

      Comment

      • #4
        الله ينور على الشرح البسيط والصور
        وفعلا ناس كتير هتستفيد منه حتى بره القسم

        Comment

        • #5
          موضوع ممتاز وشكرا على مجهودك
          [SIGPIC][/SIGPIC]
          [COLOR="Magenta"][/COLOR]

          Comment

          • #6
            ايه الجمال دة

            Comment

            • #7
              شكرا لكل الردود الرائعه وشكرا لمروركم الكريم
              تحياتى

              Comment

              • #8
                الله عليك يا حبيب والديك ..
                خلصت كل الكلام. تحياتي
                اخوكم /فادي محمد عيد ..من مواضيعي المصوره للفيكترا بي ....

                [URL]http://www.nilemotors.net/Nile/97671-b.html#post3872017889[/URL] تغيير اويل سايل اسبراتير
                [URL]http://www.nilemotors.net/Nile/130445-b.html#post3872432932[/URL]تنظيف الايديال كونترول
                [URL]http://www.nilemotors.net/Nile/150353-b.html#post3872669019[/URL]تعديل في اضاءه التابلوه
                [URL="http://www.nilemotors.net/Nile/143705-b.html#post3872580355"]http://www.nilemotors.net/Nile/143705-b.html#post3872580355تغيير فرش السقف للفيكترا[/URL]
                [URL="http://www.nilemotors.net/Nile/181441-a.html#post3873046581%D8%AA%D8%BA%D9%8A%D9%8A%D8%B1"]http://www.nilemotors.net/Nile/181441-a.html#post3873046581تغيير[/URL] جوان وش التاكيهات

                hellboy سابقا

                Comment

                • #9
                  تسلم ايديك والله ينور عليك

                  Comment

                  • #10
                    المشاركة الأصلية كتبت بواسطة فادى محمد مشاهدة المشاركة
                    الله عليك يا حبيب والديك ..
                    خلصت كل الكلام. تحياتي
                    شكرا يا باشا وفى إنتظار لمساتك على الموضوع






                    المشاركة الأصلية كتبت بواسطة سامح السيد مشاهدة المشاركة
                    تسلم ايديك والله ينور عليك
                    وعليك يا سامح باشا ... نورت الموضوع

                    Comment

                    • #11
                      تقرير مفيد فعلا لكل الناس

                      بس كنت فاكر بما انها عربيه ثابته هتكون عفشتها اعقد من كده شويه
                      اللهم صل و سلم على (محمد)

                      :untitled 1:

                      Comment

                      • #12
                        المشاركة الأصلية كتبت بواسطة motor head مشاهدة المشاركة
                        تقرير مفيد فعلا لكل الناس

                        بس كنت فاكر بما انها عربيه ثابته هتكون عفشتها اعقد من كده شويه
                        ما اعتقدش ان ثبات العربيه مرتبط بتعقيد العفشه ... أهم سبب هو توزيع وزن العربيه على العجلات والهيكل الخارجى

                        Comment

                        • #13
                          موضوع جميل و مفيد و فعلا الصورة احسن من الف كلمة ,, تسلم ايديك


                          [COLOR=Black]الحمد لله عدد ما احصى كتابه و الحمد لله على ما احصى كتابه
                          الحمد لله ملء ما فى السموات و ملء ما فى الارض و ملء ما بينهما [/COLOR]
                          [img2]http://nileup.com/up/uploads/nilemotors_13651184541.jpg[/img2][COLOR=Black]
                          [SIZE=4] You decide on your speed. Physics decides whether you live or die(بأمر الله طبعا)[/SIZE][/COLOR]

                          Comment

                          • #14
                            ايه دا .. الله اكبر عليك ماشاء الله .. مررررررررررجع ممتاز وحصررى فعلا ..
                            بجد بجد تسلم ايديك شغل عالى واحترافى اوى
                            [RIGHT][COLOR="black"][B][caps]Mohamed Badr[/caps][/B][/COLOR][/RIGHT]

                            Comment

                            • #15
                              الله ينور استاذ هشام
                              الموضوع فادني جدا اول مرة اعرف الاسم الدارج مش العلمي او الانجليزي لاكتر من حاجة في العفشة عموما والاوبل خصوصا، بالاضافة انك كاتب سعر تقريبي للاجزاء كمان، شغل عالي :)

                              Comment

                              السابق 1 2 3 template التالي
                              Working...
                              X