تفاصيل العفشه الأماميه للفكترا b ... بالصووور

[Hesham.H]

الله ينور استاذ هشام
الموضوع فادني جدا اول مرة اعرف الاسم الدارج مش العلمي او الانجليزي لاكتر من حاجة في العفشة عموما والاوبل خصوصا، بالاضافة انك كاتب سعر تقريبي للاجزاء كمان، شغل عالي :)

الله يخليك وفى انتظار إضافه حضرتك وإضافات باقى الزملاء
تحياتى

ايه دا .. الله اكبر عليك ماشاء الله .. مررررررررررجع ممتاز وحصررى فعلا ..
بجد بجد تسلم ايديك شغل عالى واحترافى اوى

حبيبى يا محنش ... الله يخليك ونورت الموضوع

[amr elsisi]

تسلم ايدك
بس كنت عملت موضوع كامل عن الامام والخلف
ياريت تعملو ونخلي فادي يجمع مابين الاتنين وتغير اسم الموضوع
تحياتي لك

[ayman hamdy]

تسلم ايدك يا اتش موضوع محترم كالعادة ومفيد جدا لجميع مالكى السيارات وصور واضحة ومصورة باحترافية شديدة
الصراحة مجهود اكتر من رائع وحصرى وارجو من الادار تثبيته
ولو ممكن زى ما الباشمهندس عمرو دمج العفشة الخلفية مع الموضوع يبقى مرجع ممتاز لكل مالكى السيارات
وجعله الله فى ميزان حسناتك
تقبل خالص تحياتى

[amr_paolo]

تسلم ايديك يا غالي
شرح وافي ونرجو التثبيت

[محمود الشافعى]

ما شاء الله
شكرأ لمساعدتك المستمرة

[Hesham.H]

تسلم ايدك
بس كنت عملت موضوع كامل عن الامام والخلف
ياريت تعملو ونخلي فادي يجمع مابين الاتنين وتغير اسم الموضوع
تحياتي لك

حاضر يا باشمهندس .. ان شاء الله هافك الفرده الخلفيه النهارده وأصور وأبدأ فى تجهيز الموضوع .. فكره هايله
وشكرا على المرور
تحياتى

تسلم ايدك يا اتش موضوع محترم كالعادة ومفيد جدا لجميع مالكى السيارات وصور واضحة ومصورة باحترافية شديدة
الصراحة مجهود اكتر من رائع وحصرى وارجو من الادار تثبيته
ولو ممكن زى ما الباشمهندس عمرو دمج العفشة الخلفية مع الموضوع يبقى مرجع ممتاز لكل مالكى السيارات
وجعله الله فى ميزان حسناتك
تقبل خالص تحياتى

شكرا يا أيمن باشا ونورت الموضوع .. إن شاء الله هابدأ فى تجهيز موضوع عن العفشه الخلفيه
تحياتى

ما شاء الله
شكرأ لمساعدتك المستمرة

شكرا لحضرتك والحمد لله احنا هنا فريق واحد وماحدش بيبخل بمعلومه
تحياتى

[بيشوى_رمزى]

الزملاء الأعزاء

من فتره وأنا بفكر أعمل الموضوع ده ... خاصه بعد ملاحظه كثره الأسئله من زملاء فى المنتدى .. وبفضل الله جمعت صور ومعلومات وطبعا الموضوع مفتوح لكل إضافات الزملاء بالصور أو معلومات غير مذكوره

هحاول ما أطولش عليكم ... ونبدأ بصوره للعفشه الأماميه ... وكل رقم هانتكلم عن الجزء بتاعها



رقم ١ هى الركبه وتتكون من :-

( المساعد - السوسته - الكاوتشه - الكوز - البطاحه - الطبق )
ودى صوره الركبه كامله ومفكوكه



سعر الركبه كامله من ٣٥٠ إلى ٤٥٠ جنيه ... سعر جوز المساعدين جديد من ٧٥٠ إلى ٨٥٠ جنيه
البطاحه من ٧٥ الى ١٢٠ حسب الماركه ... الطبق سعره حوالى ٢٥ جنيه

أكتر عطل مشهور فى المنطقه دى هو تلف البطاحه وطبعا معظمنا غيرها وعارف الكلام ده ... وأعراض تلف البطاحه هو سماع خبطه مع المطبات والطرق الغير مستويه
تانى عطل بيحصل هو تلف الكاوتشه ... وده بيخلينا نسمع خبطه مع مطبات الهوا وإرتفاع المساعد لأقصى مكان

رقم ٢ الطنبوره



طبعا كلنا عارفين مكانها ووظيفتها ... أعراض التلف بتكون حاجتين
أولا المسح .. وهو إن الطنبوره مع الإستهلاك بالبلدى تتمسح وتتبرى وتفقد السماكه بتاعتها
ثانيا الريجه ... وهى إن الطنبوره تصبح غير مستويه وفيها عالى وواطى أو بوش ... وفى كلتا الحالتين العلاج هو التغيير لأن الطنبوره مافيهاش هزار
سعرها جديد ممكن الزملاء عارفينه أنا أعرف ان سعر الجوز إستيراد ٣٥٠ تقريبا

رقم ٣ تيش الميزان


أى عطل فى الميزان بيعمل بوش فى العجل وعدم إتزان فى العربيه .. سعر تيش الميزان ١٢٠ جنيه ماركه روفال .. ألمانى

رقم ٤ كاوتش الميزان



أعراض تلفه هو ملاحظه صوت تزييق مع الطرق الغير مستويه ( صوت إحتكاك كاوتش أقرب للتصفير )
سعر كاوتش الميزان ٥٥ جنيه ماركه فيبى ألمانى

رقم ٥ ذراعات الإسكاترا

هى دى اللى بتنقل حركه الدركسيون من الإسكاترا للعجل ... أعراض التلف وجود دردره فى الدركسيون وإهتزاز ... سعرها تركى جديد الواحد حوالى ٩٠ جنيه

رقم ٦ المقص



المقص زى ما هو واضح له ٣ أطراف ... طرفين فيهم جلب واحده صغيره وواحده أكبر شويه وبيركب الجزء ده فى كروسليه العربيه والطرف التالت فيه بيضه بيكون راكب فى خلف الطنبوره
تلف الجلب بيكون عباره عن بوش فى العجل ... وسعر طاقم الجلب حوالى ١٢٠ جنيه تقريبا للجلبتين سواء الكبير أو الأصغر
والأفضل مقص كامل إستيراد بجلب سليمه لأن الجديد مهما كان نضيف مش هايبقى زى الأصلى


التفاصيل دى على قد خبرتى المتواضعه طبعا بجانب الخبراء الكبار فى المنتدى ... وحاولت أختصر على قدر المستطاع وطبعا الموضوع مفتوح لجميع الزملاء لإضافه معلومات وصور لتعم الفائده

تحياتى

سيبك انت برنس

[MaaM]

ايه ياعم الشغل الجامد ده ، ربنا يباركلك ياريس ويديم عليك العفشة الجديدة
ولا انت فيكتتهم عشان تصور بس :)

[Apoissa]

Gamed gedan elmawdo3 teslam edik w adina bnet3alim minak :D

[Hesham.H]

Gamed gedan elmawdo3 teslam edik w adina bnet3alim minak :D

يا باشا العفو ... كلنا داخلين هنا عشان نتعلم

ايه ياعم الشغل الجامد ده ، ربنا يباركلك ياريس ويديم عليك العفشة الجديدة
ولا انت فيكتتهم عشان تصور بس :)

محمود بيه ... انا لما كشفت عند العفشجى قاللى كاوتش الميزان والبطاحات ... فقلت اجيب الحاجات دى معايا عشان ممكن لما نفك نلاقى حاجه تانيه .. بس الحمد لله مالقيتش غير اللى قال عليه العفشجى وهو قاللى حاله اللى راكب عندك احسن من اللى انت جبته الجديد ده ... واختبرت كل حاجه بنفسى والحمد لله لقيتها تمام
الموضوع ده بجهزه من فتره والشغل ده معمول من اسبوعين او تلاته أيام ما غيرت الريادتير
تحياتى

[MaaM]

طيب بالمناسبة مش الصدادة اللي انت حاطتها ديه على كلام ناس جربتها هنا انها بتضر المساعدين وكمان بتقلل ثبات العربية ؟
وفين الخرطوم اللي ركبته في السوست ؟

[Hesham.H]

طيب بالمناسبة مش الصدادة اللي انت حاطتها ديه على كلام ناس جربتها هنا انها بتضر المساعدين وكمان بتقلل ثبات العربية ؟
وفين الخرطوم اللي ركبته في السوست ؟

مين قال ان الصداده بتقلل من ثبات العربيه ؟!!! الصداده يا سيدى الفاضل وظيفتها تصد المساعد لما ينزل للآخر وتنمع الخبطه
وبتركب فى العمود اللى بيدخل ويطلع داخل المساعد ( راجع صوره الركبه ) ... ولا انت فهمت انها علايه ؟؟
الخرطوم راكب وكل حاجه بس الركبه دى استيراد كنت واخدها من صاحب العربيه .. كان اشتراهم وركب منهم البطاحات بس وفكيتها عشان أصورها

[kornclub]

الله ينور عليك

[TRABYA]

موضوع اكثر من رائع و اعتقد في ناس كتيييير ممكن تستفيد منة و من شرحة المبسط و انا منهم والله

[مستر هشام]

[color="rgb(0, 100, 0)"] لله يباركلك يا شيخ كل حلجة واضحة جدا والواحد فهم بجد الف شكر [/color]