تحذير لحاجزى الاوبل انسيجيا

[asd7778]

لكل حاجزى الاوبل انسيجيا خلى بالكم فى عربيات عند منصور فيها سمات كى start and stop , keyless entry وعربيات بالمفتاح عادى من غيرها ويبيعوا العربيتن بنفس السعر لأسف وده فى كل الفئات من اول الاليجينس الى التوب لاين
لو حد مش فارق معاها لازم يخد تخفيض ٧ الآلاف جنيه لو العربية بمفتاح عادى

[m7nsh]

يانهار ابيض !! صباح التهريج فعلا ..

حضرتك شفت دا بنفسك ولا اكتشفته ازاى ؟ دى حركه وحشه اوى من التوكيل .. :(

[J A G U A R]

شكرا للافاده

[Akram.Gamal]

شكرا ع المعلومه .. لكن انت اكتشفتها او وصلتلها ازاي دى

[asd7778]

شكرا ع المعلومه .. لكن انت اكتشفتها او وصلتلها ازاي دى

انا حاجز العربية ورحت استلم من يومين لقيت العربية مفتاح عادى وكان زميل لينا فى المنتدى قال ان العربية حتبدا تنزل بسمارت كى وفعلا وانا يستلم لقيت فى المعرض عربيه تانيه فيها سمارت كى ؟؟؟؟!!!!!
وهنا بدا منصور يحاول ينزل فى السعر عشان أخد العربية وانا رفضت
واضح جداً انه جاب مجموعه من العربيات بمفتاح عادى وبعدين بدا يشتغل بسمارت كى
الهبل انه بيبع الاثنين بنفس السعر الا لو الشارى أخد باله من الموضوع

[Akram.Gamal]

معلش بقا خير
كويس انك خدت بالك و حذرت الاعضاء
و لكن العيب مش على ال بيشترى العيب ع ال بيبيع
للاسف الضمير بقا شيئ منسى

[pilotahmed1]

للاسف سيارات الاوبل بعد عام 2000 كلها اصبحت بمواصفات السيارات الكوري وكثرة الاعطال وسمعه سيئه كل الموديلات اصبحت تجاريه

[بيشوى_رمزى]

انا حاجز العربية ورحت استلم من يومين لقيت العربية مفتاح عادى وكان زميل لينا فى المنتدى قال ان العربية حتبدا تنزل بسمارت كى وفعلا وانا يستلم لقيت فى المعرض عربيه تانيه فيها سمارت كى ؟؟؟؟!!!!!
وهنا بدا منصور يحاول ينزل فى السعر عشان أخد العربية وانا رفضت
واضح جداً انه جاب مجموعه من العربيات بمفتاح عادى وبعدين بدا يشتغل بسمارت كى
الهبل انه بيبع الاثنين بنفس السعر الا لو الشارى أخد باله من الموضوع

ربنا بيحبك انك اكتشفت الموضوع ده قبل ما تستلم و بيتهيالى لو معملش فرق سعر العربيات بمفتاح عادى دى هتقعد معاه تونسه

[Abdo Taha]

انا حاجز العربية ورحت استلم من يومين لقيت العربية مفتاح عادى وكان زميل لينا فى المنتدى قال ان العربية حتبدا تنزل بسمارت كى وفعلا وانا يستلم لقيت فى المعرض عربيه تانيه فيها سمارت كى ؟؟؟؟!!!!!
وهنا بدا منصور يحاول ينزل فى السعر عشان أخد العربية وانا رفضت
واضح جداً انه جاب مجموعه من العربيات بمفتاح عادى وبعدين بدا يشتغل بسمارت كى
الهبل انه بيبع الاثنين بنفس السعر الا لو الشارى أخد باله من الموضوع

خير ان شاء الله و حضرتك يا أما تنزل في سعرها او تاخد و احدة تانية على طول و ان شاء الله حضرتك لما تستلمها و تجربها تدينا تقييم ليها و ربنا بديك خيرها و يكفيك شرها

[K.Ossama]

للاسف سيارات الاوبل بعد عام 2000 كلها اصبحت بمواصفات السيارات الكوري وكثرة الاعطال وسمعه سيئه كل الموديلات اصبحت تجاريه

ليه بس الكلام ده......؟؟
وجاى حضرتك تقوله هنا عندنا فى قسم أوبل....؟
طيب....!!

[asd7778]

انا كنت حاجز عربيه واتعمل فى مقلب العربي ام مفتاح بدل start and stop وطبعا ماردتش استلم العربية وطبعا قفشت لان ما فيش عربيه تانيه كانت متوفرة وكنت حلغى الحجز لان الاستلام كان حيتاخر شهرين
وبعت شكوى الاوبل ألمانيا على ان منصور واوبل مصر بيستهبلوا فى مواصفات العربي هول أسف بيعتمدوا على جهل الزبائن
المهم منصور كلمنى واعتذرولى والعربية حتوصل كمان شهر لأسف وده اقل فترة استلام ممكنه وعملوا تخفيض ٢ الف جنيه

[Mamoud salah H]

للاسف سيارات الاوبل بعد عام 2000 كلها اصبحت بمواصفات السيارات الكوري وكثرة الاعطال وسمعه سيئه كل الموديلات اصبحت تجاريه

اكييد بتهزر
بامارة الEsp الاستاندرد في كل فئات الاسترا
وكمان ebd +abs

[Astra Lovers]

معلش يا جماعه اكيد معندوش فكره عن عربياتنا

[pilotahmed1]

ليه بس الكلام ده......؟؟
وجاى حضرتك تقوله هنا عندنا فى قسم أوبل....؟
طيب....!!

د : خالد
اقول عندك فين انا اقول على صفحات المنتدى وانت دكتور المفروض تقبل بالراي الاخر وانا انصح الجميع من واقع تجربه فانا اشتري كل موديل يطلع وعليك ان تقارن بين موديل 97 لغاية 2000 شوف الجوده والمتانه مقارنة بموديلات 2002 لغاية 2008 اوبل اصبحت لا تهتم للمنتج فمنذ ان باعت الامتياز لشركة جي ام اصبحت تبحث عن تقليل الكلفه على حساب جودة الصنع وشكرا لعطوفتك

[K.Ossama]

د : خالد
اقول عندك فين انا اقول على صفحات المنتدى وانت دكتور المفروض تقبل بالراي الاخر وانا انصح الجميع من واقع تجربه فانا اشتري كل موديل يطلع وعليك ان تقارن بين موديل 97 لغاية 2000 شوف الجوده والمتانه مقارنة بموديلات 2002 لغاية 2008 اوبل اصبحت لا تهتم للمنتج فمنذ ان باعت الامتياز لشركة جي ام اصبحت تبحث عن تقليل الكلفه على حساب جودة الصنع وشكرا لعطوفتك

انا ماقولتش ان حضرتك قلت حاجة "عندى" أنا شخصياً.
راجع كده الكلام انا قلت "عندنا فى قسم أوبل"
ولا أرى أى مشكلة فى اختلافى مع رأيك وﻻ فيما كتبته فى مشاركتى.
ثم أنا مش شايف أى علاقة إنى دكتور بالموضوع.....!!