تسقيط فتيس f 18 علي فيكترا 95 2000 سي سي

[hassan boraee]

[SIZE="6"]عندي مشكلة ف الفتيس الأتوماتيك الصبح أن العربية لازم تسخن لحد ما المروحة تشتغل و تفصل علشان الفتيس يشتغل وإلا لمبة ال s تنور وتطفي غير طبعا مشكلة الحرارة دا اساسي فكنت بافكر اسقط فتيس f 18 مانيوال علي الموتور 2000 سي سي علشان أريح دماغي من مشاكل الأتوماتيك.
وكنت عايز أعرف رأي العصابة ف الموضوع ده.
ياريت كل عضو يفيدني برأية للأهميه.

[بيشوى_رمزى]

بص يا معلم "راْى شخصى" المانيوال احسن
بس ال f18 و انا بدور بيقولك كل مشكلته ان التالت فيه بيتعب على طول (لانهم حبوا يزودا عدد السنون بس كان على حساب السنة نفسها انها بقت اصغر و بالتالى احتمالية انها تدردر او تتاكل بقت اعلى ) فالاحسن f20 او f23
و استنا بردوه راى اخواتنا

[m7nsh]

طب ماتحاول تصلح المشكله نفسها بدل ماتدخل نفسك فى فيلم كبير وتكلفه ؟ مش يمكن تكون حاجه بسيطه ؟ حاول تروح لحد بيفهم وان شاء الله بسيطه ..

[بيشوى_رمزى]

تمام كدة يا محنش باشا :) وياريت لو تعرف حد كويس بتاع ماتيك تقول لزميلنا
( ادينى مش لاقى فرصة استخدم الsmile ده صدقتنى

[tananybasha]

لازم يتكشف عليه
و غالباً هيحتاج حساسات او علبة بلوف
بس
و لو عايز تشرفنى اكشفلك عليه و اقولك اللى فيه
تشرفنى

[romiobasha]

هات فتيس اوتو استيراد شيل و حط بيعمل تقريبا 2000 جنيه

[tananybasha]

ابو كف
الصنايعى اللى عندى
بيقولك طقم اوليسهات فتيس

[بيشوى_رمزى]

انا رأى روح لطنانى باشا " مش محتاجة كلام لو هيتصلح هيعملك الصح باوفر تكلفة و لو قالك "مفيش فايدة" هتجيب فتيس ساعتها بقى حدد عايز ماتيك( علشان طريقك زحمة مثلا او مبتحبش تزهق نفسك فى نقلات و الكلام ده" او مانيوال ( شغل احدد انا السرعة و اقرص براحتى او ليك فى العب و الدريفتات و كده)
تقبل مرورى

[hassan boraee]

طب معلش هي حرارة الموتور ليها علاقة بالفتيس
لأن أنا كل ما أروح عند الميكانيكي تقريبا معظم العربيات الي هناك بتكون أتوماتيك
فهل الفتيس الأتوماتيك له علاقة بكثرة الأعطال.
أفيدوني لو سمحتم

[بيشوى_رمزى]

طب معلش هي حرارة الموتور ليها علاقة بالفتيس
لأن أنا كل ما أروح عند الميكانيكي تقريبا معظم العربيات الي هناك بتكون أتوماتيك
فهل الفتيس الأتوماتيك له علاقة بكثرة الأعطال.
أفيدوني لو سمحتم

the transmission fluid cooler is an integral part of radiator assembly "من manual الاوبل فيكترا" ده معناه ان تبريد زيت الفتيس بيكون عن طريق مروره فى مواسير خاصة به فى الريداتير فبالتالى لو الفتيس بيسخن بزيادة هيعلى حرارة الماكينة
لان التبادل الحرارى بين حرارة الريداتير و الهواء مبيتمش بالطريقة الصح لان المياه اللى جوة الريداتير بتمتص سخونة زيت الفتيس و مبتلحق تطلعها زى مافحالة ان الزيت فى مستوى حرارة تشغيلة الطبيعية

[hassan boraee]

يعني المانيوال حرارتة أقل من الأتوماتيك ؟
و هل ده يعني أن سبب كثرة أعطال الاتوماتيك هو السخونية .؟؟؟؟؟؟؟؟؟؟؟؟؟؟؟؟؟

[بيشوى_رمزى]

يعني المانيوال حرارتة أقل من الأتوماتيك ؟
و هل ده يعني أن سبب كثرة أعطال الاتوماتيك هو السخونية .؟؟؟؟؟؟؟؟؟؟؟؟؟؟؟؟؟

رأى شخصى لأ الماتيك نظام التبريد مرتبط بدورة تبريد الماكينة لكن هل الحرارة اعلى من المانيوال انا مش عارف ممكن حد من الخبراء اللى فى المنتدى يرد عليك فيها

الاتوماتيك لو فية مشكلة السخونة بيعلى حرارة الماكينة لكن اعطال السخونة متواجدة فى النوعين
الاتوماتيك من وجة نظرى محتاج رعاية اكتر من المانيوال لكن فى المقابل راحة