Tweet
التعديل كان في دماغي من فترة لكن من بعد مستوى الفرامل القباقيب على طرق السفر وخاصة بعد اما كلت مطب محترم رغم اني دوست بكل قوتي على الدواسة فقررت أعدل الفرامل الخلفية في أسرع وقت
اشتريت دشمتين (الصرة + الطنبورة + الماستر بتيله + خرطوم الفرامل + سلك الهاند) بـ 400 جنيه من إسلام عبد الشافي
الدشمتين فكيناهم من على دنجل عشان كدا طلعناهم بخراطيم الفرامل بتاعتهم ودا شئ كويس لأن الخرطوم اللي راكب عندي هايبقى قصير (من تجربة هشام)
وللاضافة: كنت عند هاني العايدي في الأول ومعجبنيش كذا دشمة لأنهم مفكوكين وطالع عين ابوهم دا غير سماكتهم تعبانة ، وكل شوية اقوله ديه تعبانة لغاية اما لاقالي اتنين يعتبروا كويسين وكان خرطوم الفرامل بتاعة كل الدشم اللي عنده مقطوعة ، فاتصلت بـ هشام عشان أتأكد منه ان فيه حاجة تانية هاحتاجها ، فلاقيته في الحرفيين وجالي وبص معايا بس معجبوش وقالي تعالى نروح لـ إسلام أحسن
وفعلاً اللي عند اسلام كانوا أحسن لأنهم كانوا مربوطين على الدنجل
بس للأمانة مكانش فيه دشم تانية كويسة ، لكن كعادة التجار اكيد هاييجيب شغل تاني
وتبص على مسمار الهواء سليم ولا لأ
وديه صورة للدشمة بالنهار عشان لو الصور التانية مش واضحة
الأسهم بتشاور على سلك خرطوم الفرامل سليم وسلك الهاند سليم ومسمار الهواء سليم
وهنا منظر الطنبورة وماتقلقش من الصدا ، هاتنفضها وهاتروح مع الحركة ، وانت بتشتريها قارن سماكتها بـ سماكة اي طنبورة جنبها عشان تعرف هي كويسة ولا لأ
البقع البيضاء ديه عبارة عن علامة بيعملها التاجر عشان لما ترجعهاله يبقى عارفه انها من عنده
وروحت على بتاع الفرامل فقالي خلي العفشجي يركبهم وانا أظبطهم
فروحت لـ العفشجي بعت معايا صنايعي شاطر عشان يبقى الفك والتركيب مرة واحدة عند بتاع الفرامل
بعد فك العجلتين ، ديه الطنبورة القبابيب
وده المنظر بعد فكها ، زي مانتم شايفين هم 4 مسمار ويفك فيشة ABS و خرطوم الفرامل و سلك الهاند
وسد مكان فتحة خرطوم الفرامل اللي فكه عشان زيت الباكم مايفضلش يقع على الأ رض
وده بعد اما ركب الدشمة السكاكين
وعدل الصاجة لو فيه اعوجاج أو حاجة ، وكمان نضفها وصنفرها بالبنزين ، وبعد كدا بيرجلش عشان عصاية الهاند ماتبقاش عالية
واخد هواء من الماسترين وقفل
وبعد اما جرب العربية وطلع عينها فرك وخمسات ! ، فرامل الهاند علية سنة ، فقالى اعدي عليه بعد أسبوع عشان يرجلش تاني
وكنت اشتريت تيل ريمسا خلفي جديد ، بس الأسطى ربيع قالي ان التيل الراكب حالته حلوة وأحسن من الجديد ، فسبته وقولت نجرب !
ومعلومة اضافية: لما عرف اني جبت ريمسا قال النوع ده نضيف ، لكن لما بص عليه قال دا مضروب !
النتيجة: الفرامل اتحسن كفائتها بكتير عن الأول ، بس لس ماعرفتش اختبرها على سرعات عالية نظرا لزحمة الطريق والمطبات في المنطقة
اشتريت دشمتين (الصرة + الطنبورة + الماستر بتيله + خرطوم الفرامل + سلك الهاند) بـ 400 جنيه من إسلام عبد الشافي
الدشمتين فكيناهم من على دنجل عشان كدا طلعناهم بخراطيم الفرامل بتاعتهم ودا شئ كويس لأن الخرطوم اللي راكب عندي هايبقى قصير (من تجربة هشام)
وللاضافة: كنت عند هاني العايدي في الأول ومعجبنيش كذا دشمة لأنهم مفكوكين وطالع عين ابوهم دا غير سماكتهم تعبانة ، وكل شوية اقوله ديه تعبانة لغاية اما لاقالي اتنين يعتبروا كويسين وكان خرطوم الفرامل بتاعة كل الدشم اللي عنده مقطوعة ، فاتصلت بـ هشام عشان أتأكد منه ان فيه حاجة تانية هاحتاجها ، فلاقيته في الحرفيين وجالي وبص معايا بس معجبوش وقالي تعالى نروح لـ إسلام أحسن
وفعلاً اللي عند اسلام كانوا أحسن لأنهم كانوا مربوطين على الدنجل
بس للأمانة مكانش فيه دشم تانية كويسة ، لكن كعادة التجار اكيد هاييجيب شغل تاني
وتبص على مسمار الهواء سليم ولا لأ
وديه صورة للدشمة بالنهار عشان لو الصور التانية مش واضحة
الأسهم بتشاور على سلك خرطوم الفرامل سليم وسلك الهاند سليم ومسمار الهواء سليم
وهنا منظر الطنبورة وماتقلقش من الصدا ، هاتنفضها وهاتروح مع الحركة ، وانت بتشتريها قارن سماكتها بـ سماكة اي طنبورة جنبها عشان تعرف هي كويسة ولا لأ
البقع البيضاء ديه عبارة عن علامة بيعملها التاجر عشان لما ترجعهاله يبقى عارفه انها من عنده
وروحت على بتاع الفرامل فقالي خلي العفشجي يركبهم وانا أظبطهم
فروحت لـ العفشجي بعت معايا صنايعي شاطر عشان يبقى الفك والتركيب مرة واحدة عند بتاع الفرامل
بعد فك العجلتين ، ديه الطنبورة القبابيب
وده المنظر بعد فكها ، زي مانتم شايفين هم 4 مسمار ويفك فيشة ABS و خرطوم الفرامل و سلك الهاند
وسد مكان فتحة خرطوم الفرامل اللي فكه عشان زيت الباكم مايفضلش يقع على الأ رض
وده بعد اما ركب الدشمة السكاكين
وعدل الصاجة لو فيه اعوجاج أو حاجة ، وكمان نضفها وصنفرها بالبنزين ، وبعد كدا بيرجلش عشان عصاية الهاند ماتبقاش عالية
واخد هواء من الماسترين وقفل
وبعد اما جرب العربية وطلع عينها فرك وخمسات ! ، فرامل الهاند علية سنة ، فقالى اعدي عليه بعد أسبوع عشان يرجلش تاني
وكنت اشتريت تيل ريمسا خلفي جديد ، بس الأسطى ربيع قالي ان التيل الراكب حالته حلوة وأحسن من الجديد ، فسبته وقولت نجرب !
ومعلومة اضافية: لما عرف اني جبت ريمسا قال النوع ده نضيف ، لكن لما بص عليه قال دا مضروب !
النتيجة: الفرامل اتحسن كفائتها بكتير عن الأول ، بس لس ماعرفتش اختبرها على سرعات عالية نظرا لزحمة الطريق والمطبات في المنطقة
Comment