مشكلتين في العربية قد يكون لهم علاقة ببعض

[egyption2012]

السلام عليكم ورحمة الله وبركاته

المشكلة الأولى هي ضعف الاضاءة لوهلة لما اجيب الدريكسيون يمين او شمال
الاقي النور ضعف لمدة ثانية سواء نور الفوانيس الخارجية او نور الصالون

المشكلة الثانية ان العربية بتغيب في الدوارة وهي باردة

العربية اوبل استرا 2005 اوتوماتيك
شكرا لكم

[dr/hamza]

اعتقد ملهمش علاقة ببعض..بس التانية غالبا تنظيف رشاشات

[egyption2012]

اعتقد ملهمش علاقة ببعض..بس التانية غالبا تنظيف رشاشات

استخدم دائما منظف stp
هل من الممكن ان يؤثر ذلك بالسلب على الرشاشات ؟

[MaaM]

قياس شحن الدينامو عندك كام ؟

Sent from my HTC

[egyption2012]

قياس شحن الدينامو عندك كام ؟

sent from my htc

روحت لكهربائي علي اده
من غير ما يقيس وبالنظر فقط قالي الدينامو سليم
الكابل العمومي كان مهرب وانا ظبطتهولك
ححاول اشوف كهربائي تاني ان شاء الله

بس هل الدينامو يكون السبب في المشكلتين ولا مشكلة واحدة منهم

[فادى محمد]

1- كابل الارضي ضعيف
2- حساس الكولانت

[egyption2012]

1- كابل الارضي ضعيف
2- حساس الكولانت

يعني رقم واحد للسؤال الاول واتنين للسؤال التاني ؟
ولا ايه الكلام يا هندسة

[فادى محمد]

تمام ياباشا ..

[egyption2012]

تمام ياباشا ..

شكرا يا ريس

[MaaM]

روحت لكهربائي علي اده
من غير ما يقيس وبالنظر فقط قالي الدينامو سليم

طيب للإفادة يعني هو عرف انه سليم ازاي ؟
لأن كل لما اروح لواحد بيقيسه بالجهاز ماشوفتش حد قبل كدا عرفه انه تعبان بالنظر !
عموما شحن الدينامو المفروض يجيب معاك فوق 12.5 فولت على أقصى أحمال يعني مشغل التكييف والنور العالي
لأنه لو نزل عن الحد ده يبقى انت كدا بتستهلك البطارية بدل ما بتشحنها
ولو طلع ضعيف شوية بيجرب انه يزود أرضي من برا كدا ولو زاد ساعتها هايحتاج تقوية للأرضي عن طريق كابل هايوصله بين الطرف السالب للبطارية وبين جسم الموتور ، الكابل عندك موجود بالفعل لكن لعدة اسباب ممكن يكون ضعف عشان كدا بيزود كابل تاني عليه وطبعا بالمرة تزود معاه كابل للكهرباء
أما لو القياس ضعيف خالص وبتجربة الكابل مافرقش معاه ، يبقى في الحالة ديه هاتغير دينامو وده تكلفته استيراد حوالي 200 جنيه تقريباً للـ 120 أمبير

[MaaM]

روحت لكهربائي علي اده

في الأسترا البرازيلي بالذات ماينفعش كهربائي على قده
لأن العربية فيها حاجات كتير مرتبطة بالكنترول ، دا غير فيوازتها اللولبية ! زي فيوز نور الصالون مسئول في نفس الوقت عن تشغيل مروحة التبريد !
فلازم تروح لـ كهربائي شغال في العربيات الحديثة والأفضل يكون اشتغل في الاسترا البرازيلي كذا مرة

[alameer81]

جدير بالذكر ان طلمبه الباور كهربا

[m7nsh]

طيب للإفادة يعني هو عرف انه سليم ازاي ؟
لأن كل لما اروح لواحد بيقيسه بالجهاز ماشوفتش حد قبل كدا عرفه انه تعبان بالنظر !
عموما شحن الدينامو المفروض يجيب معاك فوق 12.5 فولت على أقصى أحمال يعني مشغل التكييف والنور العالي
لأنه لو نزل عن الحد ده يبقى انت كدا بتستهلك البطارية بدل ما بتشحنها
ولو طلع ضعيف شوية بيجرب انه يزود أرضي من برا كدا ولو زاد ساعتها هايحتاج تقوية للأرضي عن طريق كابل هايوصله بين الطرف السالب للبطارية وبين جسم الموتور ، الكابل عندك موجود بالفعل لكن لعدة اسباب ممكن يكون ضعف عشان كدا بيزود كابل تاني عليه وطبعا بالمرة تزود معاه كابل للكهرباء
أما لو القياس ضعيف خالص وبتجربة الكابل مافرقش معاه ، يبقى في الحالة ديه هاتغير دينامو وده تكلفته استيراد حوالي 200 جنيه تقريباً للـ 120 أمبير

الله ينور يا محمود بك .. بس فى سؤال ايه موضوع 120 امبير دا ؟ يعنى فى كذا دينامو لنفس العربيه ؟؟

[MaaM]

لا هي نزلت 120 امبير
لكن فيه امبير اقل بس لعربيات تانية غير الاسترا البرازيلي

Sent from my HTC

[egyption2012]

شكرا لتفاعلكم الرائع
بالتأكيد مينفعش اروح لكهربائي علي اده
بس الفكرة انها كانت مجرد استشارة وفهمته اني مستعجل ومش حقدر اعمل فيها شغل ساعتها
بكرة حروح اشوف حد كويس في الحرفيين يبصلي عليها وعلي الدينامو ان شاء الله
بس المشكلة ان الحرفيين بتقفل بدري
ومشكلة النور مش حتبان غير بليل فقط