بيجواهات 2 شامعة جي ام !!!!!

[Tiar]

السلام عليكم
ياجماعة خدو بالكم اوي وانتم بتشترو بيجواهات 2 شامعة جي ام

انا اشتريت طقم من عند سرور بـ 120 جنيه اتحاد اوربي ورماته بعد اقل من شهر (دخنة سوده وتقطيع خلاني شكيت في الماف)
وركبت 1 شامعة نوع قديم عندي وماركة مش معروفة واحسن 100 مرة من جي ام

وهذا للعلم فقط




طيار

[Astra Lovers]

لا معلش انا جايب ال جي ام من التوكيل وهجيبلك سعرهم و ٢شمعه زي الفل وانضف نوع فالسوق لا في دخنه ولا ديولو حضرتك في موضوع معمول عن سرور لان حاجته كلها مضروبه بس مكنتش اعرف انه كينج قوي كده لدرجة انه يسمع مع ال جي ام

[chiko]

بص يا باشا ..في مصر هنا مفيش بوجيه بعد الدانسون و البوش الروسي .. و الباقي كله مضروب حد لو من التوكيل .. لان التوكيل نفسه في مصر بياخد الحاجات الباقيه .. ده كلام من واحد عارف الشركات و التوكيلات في مصر بتجيب ايه و بتخزن ازاي و ايه اللي بيتباع الاول ..

[Astra Lovers]

لا مش منصور الكلام دا ممكن فتوكيلات هيونداي او كيا انما عندنا لاء والف لاء
حضرتك انا واثق من الكلام دا وعارف ان منضور مبيدخلش حاجه جي ام مضروبه لاني اعرف عيلته شخصيا واعرف مدراء التوكيل من اكبر لاصغر واحد
بلاش من فضلك كلام لمجرد الكلام عندك دليل اتفضل قدمه معندكش يبقي تقول كلام مش متأكد منه

[فادى محمد]

جي ام من التوكيل مضمون جدا بس غالي .
الدنسو جربته لما كان معايا سوبارو وتويوتا مو التمانينات
كان تحفه وكنت بغيره نزاهه مش اكتر

[MaaM]

لـ chiko
ممكن تقولنا نقدر نلاقيهم فين في القاهرة ؟

[brain2020]

ياريت الاخ يقولنا سعر البوجيهات ال 2 شمعة جي ام بكام فى منصور

[Astra Lovers]

220 جنيه

[chiko]

لا مش منصور الكلام دا ممكن فتوكيلات هيونداي او كيا انما عندنا لاء والف لاء
حضرتك انا واثق من الكلام دا وعارف ان منضور مبيدخلش حاجه جي ام مضروبه لاني اعرف عيلته شخصيا واعرف مدراء التوكيل من اكبر لاصغر واحد
بلاش من فضلك كلام لمجرد الكلام عندك دليل اتفضل قدمه معندكش يبقي تقول كلام مش متأكد منه

انا مبقولش كلام و خلاص .. و مبقولش ان منصور بيجيب مضروب .. لكن اخطف رجلك كده و اتفرج علي التخزين للبوجيهات .. و تاريخ انتاجها .. عارف ليه ..لان البوجيه بالذات هو القطعه الوحيد اللي في العربيه بتتاثر بالتخزين و العوامل الجويه ..
و بعدين انا راجل بتاع عربيات و شوفت قرف في معظم توكيلات مصر فيهم كويسه اه لكن معظمهم مش كويس ..

و بعدين انا برد علي كلام صاحب الموضوع مش كلامك ... انت ليه اخد كلامي عليك

[chiko]

لـ chiko
ممكن تقولنا نقدر نلاقيهم فين في القاهرة ؟

الدانسون عند البطلي التوفقيه .. و محلات الجندي للياباني و الهاني و معظم محلات قطع الغيار الياباني الاتنين شمعه بي 75 و التلاته شمعه 95 و الاربعه 110 .. ملحوظه بعض السيارات مينفعش اتشغل عليهم بوجيهات اكتر من 2 شمعه ..

[MaaM]

متشكر جدا ، طيب وبالنسبة للبوش الروسي ، عندك فكرة نلاقيه فين ؟
بالمناسبة الجي ام الاتنين شمعة اتحاد أوربي بـ 120 أو 130 جنيه تقريبا ، وكلامك مظبوط بخصوص التخزين والعوامل الجوية ، لأن في مرة اشتريت طقم بوش الماني بس كان مرطب ، وكان بيخلي العربية تقطع في دوسة البنزين

[Apoissa]

ياريت الاخ يقولنا سعر البوجيهات ال 2 شمعة جي ام بكام فى منصور

١٤٠ جنيه في نيو اوبل في صقر قريش امبارح
١١٥ عند الربيع اللي قصاده

[بيشوى_رمزى]

انا ركبت الدنسو 3 شمعة جامد

[Mostafa.Ismail]

السعر دة سعر منصور ... بتجيبهم من برة لية الواحد بيلجأ للناس دى لما بتكون الحاجة مش موجودة اصلى او موجودة وغالية.