هقولكم سؤالي وحد يفيدني

[bamba]

انا اشتريت اوبل كورسا موديل 1998 وماتورها 1000سي سي انا اخدت معايا سمكري وانا بجبها عشان الشاسيه فقالي انها زي الفل ومفيهاش اي حاجه واخدتها البنزينه بردو زي الفل وودتها عند كهربائي قالي مفيهاش مشكله بس كل المشكله اللي في العربيه ان ماتورها خشن جدا وعاوز عمرة او يتغير فانا قررت اغيرة واجيب واحد استيراد من بور سعيد بس الاول اعملها سرفيس واغير فيها شويه حاجات زي السيور وتيل الفرامل والبوجيهات والزيت بس كنت عاوزة اعرف الماتور الاستيراد كامل بالفتيس بيعمل كام وانا عاوزاه 1300 سي سي وكمان قولولي انا اشتريتها بتمن كويس ولا اضحك عليا انا جبتها ب34000 وبس كده طولت عليكو

[Ahmad Allawy]

اهلا بيك يا باشا..
أولا الف مبروك علي العربية..
ثانيا.. كان افضل من ده كله انك تجيبها موتورها الاصلي 1200 علي طول..
بدل ما تجيب و تغير و الكلام ده.. وجع دماغ..
بس حصل خير و كل شيء نصيب..
لو هتغير الموتور يبقي متعملش سيرفيس ولا حاجة..
هتعمل ده كله و ترميه ف الارض.. يبقي فلوس علي الفاضي..
الموتور ال1000 سي سي.. مش محبوب قوي في مصر عشان فيه حساسات كتير.. و صياناتها و اسعارها غالية.. و ممكن متلاقيهاش..
السعر اللي جيبتها بيه معقول.. لو العربية نضيفة اساسيات و من جوة..و مش متهانة..
اما نيجي بقي لموضوع تغيير الموتور.. لو هتغير يبقي في قدامك موتورين..
هي مفيش فيها مواتير 1300 خالص..
هما 1200 و 1400..
ال1200 موتور عادي جدا و بسيط جدا جدا.. و ده قطع غياره في كل حتة بتتباع جديد و استيراد..
و اخر مرة سمعت عن سعره عرفت انه في حدود 5 او 6 الاف جنيه.. بالفتيس..
هو غالي شوية بس عشان اشد بكتير و اسهل من ال1000 و ده اكتر مواتير الناس بتسقطعا ف الكورسا دي..
الموتور التاني 1400.. اقوي طبعا من ال1200.. و اخونا محمد زعتر هنا مركبه..و زي الفل.. بس فيه مشكلة صغيرة.. انه قطع غياره مش متوفرة قوي جديد.. هتضطر انك تعتمد علي الاستيراد..عشان ده موتور نزل في الكورسا و التيجرا.. و الموديلين دول مش متوفرين في مصر كتير.. و بالتالي محدش بيشتغل في قطع غيارهم خالص تقريبا..
و الموتور ده ارخص من ال1200 مع انه اقوي بس عشان النقطة اللي قولتهالك..

ارجو اني اكون افدتك.. و لو نويت خلاص علي التسقيط.. هاجيب لسعاتك لينك عن تعديل زي اللي انت عملته بالظبط عندك.. عمله زميل لينا هنا.. و تشوف بقي كل اللي انت عايزه..

[bamba]

ميرسي اوي يا احمد بس انا هوضحلك حاجه اولا انا بنت ومش بفهم في قطع الغيار والمصطلحات بتاعتها خالللللللللللللللص ثانيا انا فعلا معملتش سيرفيس بس انا مش عارفه يعني ايه ماتور استيراد يعني هو مستورد؟ ولا قديم؟ ولو قديم انا اعرف ازاي انه مش بايظ؟ وكمان اجيبو منين ويكون حد كويس وميشتغلنيش لانه طبعا هم بيشوفو بنت السعر بيترفع بقدرة قادر دانا ودتها لميكانيكي في الحرفين غير زيت شمبر اردئ نوع علي كلامه ولمبه فانوس ب200 جنيه مع انه دا كلو لو ولد مكنش اخد منو 80 جنيه حتي بس انا حتي مش هعرف اتكلم معاهم ففكرت اشتري الماتور واركبو في التوكيل لانهم اصلا معندهمش الماتور بتاع الكورسا بس معرفش اشتري منين ولو ركبتو في التوكيل هيكلفني كام وكمان فين قطع غيارها الاقيها معلش انا هتعبك شويه معايا وميرسي علي افادتك ليا

[ramyfawzy]

معلش يا اختنا العزيزة
بس انا ليا اختلاف بسيط معاكي في الموضوع ده
انتي كده هتفتحي على نفسك موال كبير
اولا : موتور استيراد ده بيبقى مستعمل وجاي من بره (استعمال الخارج) وطبعا قديم مش جديد
ثانيا : تعرفي ازاي انه مش بايظ وسليم ديه ما تعرفيهاش الا لما يتسقط في العربية ويدور وتجربيه
ثالثا : ممكن تشتريه من الحرفيين او الوكالة او من بورسعيد
انت كده محتاجة واحد معاكي يكون دليل ليكي عشان ما ينضحكش عليكي (يفضل يكون ميكانيكي معرفة وثقة)
اقولك انا نصيحة من الاخر
اركبي العربية على حالتها لفترة معينة وبعدين بيعيها وهاتي واحدة تانية مايكونش فيها مشاكل ووجع دماغ
وتحت امرك في اي استفسار

رامي (ابو احمد و يوسف)

[Ahmad Allawy]

شوفي يا ستي..
اولا موضوع التسقيط و الموال ده وجع دماغ جامد جدا.. وخاصة لو بنت اللي هتعمله..
ولو انتي عايزة تعملي الموضوع ده يعني يبقي تسعدي لشوية تعب و مشاوير و سفر و الكلام الكبير ده..
وبعدين في حاجة كمان..انتي عشان تشتري الموتور و تركيبه و كده.. و خاصة الموتور ال1200 ده اللي هو الانسب ليها في مصر.. عشان قطع الغيار.. هيقف عليكي غالي شوية.. يعني بتاع 6 الاف جنيه.. ده تمنه لوحده اخر سعر كنت سمعته.. الله اعلم بقي دلوتي اغلي ولا ارخص ولا نفس السعر..
يعني ممكن تدخلي في 7 الاف مستريح.. و كده لو حبيتي تبيعي العربية مش هتجيبلك كل المصاريف اللي صرفتيها فيها.. ده غير التعب و الوقت و اللف و الدوران وا لوش ده كله.. برضه ليه تمن..
النصيحة فعلا انك تحاولي تبيعيها ولو حتي بسعر اقل الف ولا حاجة.. و تشوفي واحدة جاهزة 1200 و تركبي التكييف انتي و كده هتبقي فل.. و برضه العربية هتبقي مش ملعوب فيها و كل حاجتها اصلية راكبة فيها من المصنع..
اما موضوع التسقيط.. فهاقولك التفاصيل من واحد صديق شغال في موضوع الاستيراد ده.. بس غالبا مالوش في الاوبل و المواتير الصغيره.. بس برضه هاسألهولك احتياطي..
الموتور الاستيراد ده موتور كان راكب في عربيه شغاله بره مصر ... و بيتحدد حسب البلد اللي كان راكب فيها في العربيه .. فمثلاُ سويسرا بيبقي فيها صيانه دوريه اجباريه و فحص عادم و مابيوافقوش علي ترخيص العربيه الا اذا كان كل مسمار فيها الاوريجينال و بحاله الجديد .. و علشان كده شغل سويسرا بيبقي حلو ... المانيا نفس النظام بس مش بنفس المستوي .. فبالتالي الموتور بتاعها بيبقي حلو برضه .. ايطاليا و فرنسا اقرب الي مصر .. و بالتالي حالات المواتير بتبقي مش قد كده .. واي موتور بيتباع لازم يتاخد علي النجربه اقل حاجه 10 ايام و لازم يتم التاكيد علي النقطه دي مع اللي بتشتري منه.. و عشان كده لو نويتي يبقي يفضل انه يكون هنا ف القاهرة.. بدل ما تسافري بالعربية وهلي ممكن متكونش مظبوطة ولو طلع فيها حاجة ترجعي بيها تاني..و الموتور بتشتريه بالفتيس بتاعه بسيرفو الفرامل بتاعه كمان.. و الكونترول يونيت وكل حاجة.. عشان يركب كله مع بعضه.. و خلي بالك من حاجة.. الباور بتاع العربية هيتلغي.. مش هتبقي باور.. عشان الموتور الجديد علبة الدركسيون بتاعته عادية.. بس مش تقيل يعني كويس..
و التكييف برضه مش هيكون فيها.. و بالتالي ممكن تركبي التكييف اللي كان راكب عندك تاني.. و كده برضه وجع دماغ شوية في تركيبه تاني و تظبيطه و كده.. وقت و تعب و مصاريف برضه..
و الموتور القديم بتاخديه مش بتسيبيه للي بتشتري منه.. هتجيبيه و تبيعيه انتي.. يا اما لو هو هياخده يبقي بمبلغ كويس.. يعني بتاع الف ولا حاجة.. مش اقل من كده..
لو حبيتي تركبي الموتور في بورسعيد عندي شوية تفاصيل ناس هناك امينة و ممن يفيدوكي ان شاء الله.. لكن لو هتركبيه هنا.. انا ممكن افيدك في حد يركبه.. لكن حد يساعدك انك تشتريه نضيف فدي بقي مش متأكد منها بس ممكن اسألك لو حبيتي..
التوكيل بقي.. منصور مش هينفع تركبيه هناك عشان هما مش بيركبوا حاجة انتي جايباها من برة.. لكن مقار ممكن.. بس اعملي حسابك انهم المصنعيه بتاعتهم غالية جدا.. يعني ممكن الموضوع يدخل الافات.. مش الف واحدة.. و هتبقي مشكلة كبيرة.. هتلاقي نفسك صارفة علي العربية 10 الاف جنيه ولا اكتر كمان..
وموضوع قطع الغيار بقي دي مش مشكلة خالص.. في اكتر من واحد الجديد و المستعمل موجود و رخيص و الناس كويسة اللي باتعامل معاهم..

[bamba]

ميرسي اوي علي ردودكم بس معلش كنت عاوزة افهم هو ليه لو ركبت ماتور الباور هيتلغي؟ انا مش فاهمه وكمان ياريت تقولي اشتري الماتور منين في القاهرة واركبو عند مين انا هاخد اخويا معايا وانا بشتري بازن الله وكمان انا الميكانكي قالي انه ممكن نجيب نص ماتور تحتاني وناخد الحاجات السليمه من الماتور بتاعي ونركبها في وهيكون ارخص بس في ناس قالولي انه كده طلاسم وممكن بعد فترة تبوظ تاني هل ده صح ولا ايه احسن حاجه تتعمل

[Ahmad Allawy]

اللي انا اعرفه و شوفته في كل اللي بيسقط مواتير 1200 بيلغي الباور..
لأن الموتور ده اصلا بينزل من غير باور.. هنا و برة..
موضوع انه يتركب في الموتور ال1200 ده مش متأكد منه.. و اللي سمعته انه مش بيطلع مظبوط..
بس ممكن اسأل و ابقي ارد عليكي..

ف القاهرة الوحيد اللي انا اعرفه و هو انضف واحد اوبل ف الحرفيين اسمه العايدي.. بس انا مش عارف بصراحة بيجيب شغله منين.. بس هاحاول اسأل و اقولك..
اما نيجي بقي لموضوع الميكانيكي..
الزاجل ده متخصص اوبل..؟؟ انا اشك في كده.. ازاي موتور 3 سلندر يكون وشه من فوق ينفع يركب علي موتور 4 سلندر..؟؟ حاسس بحاجة غلط.. سيبك من موضوع الميكانيكي ده.. انا مش مرتاح لكلامه. و بعدين انتي لازم تاخدي الموتور علي بعضه لسبب.. عشان لو طلع فيه حاجة هترجعي ترجعيه و تاخدي غيره.. علي بعضه.. او تاخدي فلوسك.. لكن لو قطع و الكلام ده.. هيبقي اخر عك.. ولو طلع حاجة فيها عطل او مش مظبوطة.. هتبقي مشكلة و هترميها ومش هتنفع ترجع..

لو نويتي خلاص علي تسقيط يبقي موتور علي بعضه.. و مؤقتا تنسي الباور.. و هي من غير باور مريحة و ممتعه قوي علي فكرة..
ولو نويتي علي بورسعيد.. الراجل اللي قولتلك عليه كويس جدا بس مش متأكد هو بيشتغل في اوبل ولا لأ.. بس رأيي الشخصب خليكي ف القاهرة عشان المشاوير.. لو طلعت حاجة مش مظبوطه..

[farahat]

طيب هو حضرتك ليه قررتي تغيري الموتور ؟ لو مشكلة مكانيكية (يعني شنابر و صبابات و بتاع ) يبقى تعملي عمر لأنها هتكون أوفر و الموتور هيرجع سليم (لأن أهم حاجة في الموتور د الكهربة بتاعته و طالما سليمة يبقى خلاص ).
و لو مصممة على التغيير فكري في تغيير للموتور ال-1000CC برضه بس يكون سليم ، خصوصاً إن الموتور دة أحسن بس عيبه إن كهربته حساسة و مكلفة في صيانتها بس بتخلي الموتور دة أحسن من ال-1200cc بكتير ، و اداؤه أحسن و أوفر كتييير في البنزين .

البور مش هيحتاج يتلعب فيه على فكرة لأن البور في العربية دي كهربة و راكب على الدركسيون نفسه ، و مش هيتعمل فيه حاجة

و أي إستفسار احنا موجودين

[Ahmad Allawy]

طيب كوييس يا باشا انك عارف حوار الباور ده عشان انا ماعرفش فيه خالص.. :) :)
مانا 1200 بقي و مش عندي باور اساسا..
وارد طبعا ان الموتور ال1000 يكون اداؤه احسن من ال1200.. عشان انجيكشن كامل مالتي بوينت مش سينجل زي عندي.. ف ال1200.. بس مشكلته ف ال3 سلندر.. و حاجة تانية..
اللي هي الحساسات بتاعته.. اللي من ناس ملاك العربية لو حاجة فيهم باظت.. بتبقي مقرفة جدا عشان في حاجات منها بتكون غالية جدا و ممكن متلاقيهاش استيراد.. او ممكن تجيبها و تكون بايظة و مضروبة و كده.. يعني لما تصرف علي الموتور حساسات بتاع 3 او 4 الاف جنيه مثلا.. في حساسين او 3.. يبقي كتير قوي.. اكمل عليهم و اغير موتور بموتور سهل و مفيهوش وجع دماغ كتير.. عما 3 او 4 سنسورز و السلام ختام,..

[farahat]

هي ال-٣ سلندر في حد ذاتها مش مشكلة ، المهم الأداء ، يعني طالما الأداء أحسن يبقى خلاص ، يعني ٣ ولا ٤ ولا ٦ مش فرق كبير أو بمعنى أصح مش بتتحس في القيادة العادية .

موضوع الحساسات د واقع انها غالية بس مس هطبيعي برضه انك بتغيرها كل يوم يعني ، و عمر ورد إن يحصل مشكلة كل فترة ، و في الحقيقة هو حساس واحد اللي بتحصل فيه مشاكل كتير و هو ال-MAF لأن دة بيقيس كمية الهواء اللي داخل للموتور و محطوط في مجرى الهوى بعد الفلتر يعني كل الهوا بالتراب بتاعه بحرارته العالية في الجو بتاعنا دة بتعدي عليه و تبهدله خصوصاً لو صاحب العربييه مش مهتم بالصيانة الدورية بتاعتها و تغيير الفلاتر و كدة ،
غير كدة باقي الحساسات اعطالها نادرة لأن التكنولوجية دي ألماني و أكيد حاجتهم معمرة جداً ذي ما إنت عارف
و بالنسبة لسحبت السؤال واضح إن مشكلتها في ميكانيكا الموتور مش في الكهربة و الحساسات يعني ممكن تجيب موتور 1000cc و تنقل الكهربة بتاعة الموتور القديم عليه و كدة يكون أوفر و في نفس الوقت الموتور يبقى أقوى و أحسن و أوفر .

على فكرة الفرق في القوة مش بسيط دول ١٠ أحصنة مرة واحدة يا أبو حميد :) :) :)

[Ahmad Allawy]

هي ال-٣ سلندر في حد ذاتها مش مشكلة ، المهم الأداء ، يعني طالما الأداء أحسن يبقى خلاص ، يعني ٣ ولا ٤ ولا ٦ مش فرق كبير أو بمعنى أصح مش بتتحس في القيادة العادية .

موضوع الحساسات د واقع انها غالية بس مس هطبيعي برضه انك بتغيرها كل يوم يعني ، و عمر ورد إن يحصل مشكلة كل فترة ، و في الحقيقة هو حساس واحد اللي بتحصل فيه مشاكل كتير و هو ال-MAF لأن دة بيقيس كمية الهواء اللي داخل للموتور و محطوط في مجرى الهوى بعد الفلتر يعني كل الهوا بالتراب بتاعه بحرارته العالية في الجو بتاعنا دة بتعدي عليه و تبهدله خصوصاً لو صاحب العربييه مش مهتم بالصيانة الدورية بتاعتها و تغيير الفلاتر و كدة ،
غير كدة باقي الحساسات اعطالها نادرة لأن التكنولوجية دي ألماني و أكيد حاجتهم معمرة جداً ذي ما إنت عارف
و بالنسبة لسحبت السؤال واضح إن مشكلتها في ميكانيكا الموتور مش في الكهربة و الحساسات يعني ممكن تجيب موتور 1000cc و تنقل الكهربة بتاعة الموتور القديم عليه و كدة يكون أوفر و في نفس الوقت الموتور يبقى أقوى و أحسن و أوفر .

على فكرة الفرق في القوة مش بسيط دول ١٠ أحصنة مرة واحدة يا أبو حميد :) :) :)

كلامكم جميل جدا بس انا مش عارف الجملة دي..؟؟ مش فاهمها..
ممكن تجيب موتور 1000cc و تنقل الكهربة بتاعة الموتور القديم عليه
ممكن توضح و تشرح اكتر شوية.. ربنا يكرمك..

معني كلامك ان الموتور ال1000 78 حصان..؟؟؟!!!! الموتور ال1200 68 خصان..
انا مش عارف.. شاكك انه يكون 78 فعلا..

[bamba]

يعني انو رائيكو الاخير اجيب 1000cc ولا 1200cc و كمان اوضح حاجه ان الماتور كهربتو سليمه بس هو خشن جدا ولم باجي امشي ابالعربيه بتقعد ترج وكمان مبتجمعش سرعه بسهوله يعني بكون دايسه علي اخر البنزين وهي بتكون سلحفه وبتقعد دقيقه او اتنين لم تجمع السرعه والراجل الميكانيكي قالي ان في حاجه اسمها مش فاكرة اسمها بس هي بحرف السين ودي االلي بيركب عليها الماتور هي بايظه خالص وعاوزة اعرف هواال1000 سي سي علي طريق السفر بيجري وكويس ولا لا وكمان الحساسات اللي بتقولو عليها دي خوفتني اجيب الماتور 1000 ولا 1200 وانا هجيبو من القاهرة بس قولولي اجيبو منين

[Ahmad Allawy]

انا مش فاهم..
هو انتي عايزة توجعي دماغك و خلاص..؟؟ :) :) :)
بتحرجمي علي تغيير الموتور ليه..؟؟
روحي لحد بيفهم في الاوبل كويس.. يظبطهالك.. و بعدين روحي التوكيل بتاع الصحراوي ده اظبطي الموتور بالجهاز.. هتحسي بيه فرق كتير قوي.. و امشي بالموتور ده شوية كده لحد ما يجيب اخره..
وموضوع الحساسات.. طالما هو سليم و ماشي.. خلاص.. ايه اللي يخوف..؟؟
لما حيجة تبتدي تخرف ابقي فكري في التغيير.. ووقتها يبقي يحلها ربنا..
اما نيجي لموضوع التجميع.. العربية مش بتجمع بسرعة اصلا.. ولا ال1200 حتي علي فكرة..
ولا الفيكترا 1600 برضه ولا ال2000.. بالنسبة للياباني اللانسر و الكورولا بطيء..
الاوبل كلها تجميعها بطيء ف البداية..لكن بعد ما تجمع تبقي زي الفل.. و اشد من اي عربية ياباني..
الموتور لو مظبوط بتجري و تجمعغ معقول و تعمل كل حاجة..
بس سيبك من الميكانيكي ده لو مالوش ف الاوبل و مش متخصص فيها..
انتي شكلك كده بتتعاملي معاه من ايام العربية القديمة.. الكلام ده فالاوبل مينفعش خالص.. هيخربلك العربية و ترجعي تقولي الاوبل وحشة و مش مظبوطة و الكلام ده..
قوليلنا انتي ساكنة فين و هنشوفلك حد جامد و ثقة و متخصص ف الاوبل تتعاملي معاه.. عشان محدش يعك ف العربية..
قاعدة رقم 1 في امتلاك عربية اوبل: قطع غيار اصلية + ميكانيكي متخصص اوبل.. و نضيف..
النتيجة.. عربية بدون مشاكل و مريحة و معمرة..

اما موضوع تجيبي الموتور منين.. انا ماعرفش غير العايدي ف الحرفيين.. بس هاسألهولك هو بيجيب شغله منين..

[farahat]

كلامكم جميل جدا بس انا مش عارف الجملة دي..؟؟ مش فاهمها..
ممكن تجيب موتور 1000cc و تنقل الكهربة بتاعة الموتور القديم عليه
ممكن توضح و تشرح اكتر شوية.. ربنا يكرمك..

معني كلامك ان الموتور ال1000 78 حصان..؟؟؟!!!! الموتور ال1200 68 خصان..
انا مش عارف.. شاكك انه يكون 78 فعلا..

أنا قصدي يا باشا إن طالما الميكانيكا بتاعة الموتور هي بس إلي بايظة يبقى ممكن تجيب موتور تاني سليم (بلوك و وش سيلندر و سبيك و كله يكون تمام ) و لو فيه أي مشكلة في الكهربة تنقل حاجات من الموتور بتاعها قبل ما تبيعه ،
و الكهربة هنا المقصود بيها وحدة الكنترول و الحساسات كلها (كرنك و كامة و لمدة أو أكسيجين و شكمان و كل الحساسات دي) و فوق منهم ضفيرة الموتور اللي بتوصل كل دة ببعضه ، كل دة ممكن مكانيكي فاهم ينقلهم على الماكنة التانية و تبقى أحسن من أي ماكنة جديدة .

بالنسبة لموضوع الهورس بور دة إنت جبت منين معلومة ال-٧٨/ ٦٨ حصان دي يا باشا ، أنا أول مرة اسمعها ؟ ، ديماً بتجيب لنا معلومات جامدة كدة يا أحمد باشا :)

[farahat]

يعني انو رائيكو الاخير اجيب 1000cc ولا 1200cc و كمان اوضح حاجه ان الماتور كهربتو سليمه بس هو خشن جدا ولم باجي امشي ابالعربيه بتقعد ترج وكمان مبتجمعش سرعه بسهوله يعني بكون دايسه علي اخر البنزين وهي بتكون سلحفه وبتقعد دقيقه او اتنين لم تجمع السرعه والراجل الميكانيكي قالي ان في حاجه اسمها مش فاكرة اسمها بس هي بحرف السين ودي االلي بيركب عليها الماتور هي بايظه خالص وعاوزة اعرف هواال1000 سي سي علي طريق السفر بيجري وكويس ولا لا وكمان الحساسات اللي بتقولو عليها دي خوفتني اجيب الماتور 1000 ولا 1200 وانا هجيبو من القاهرة بس قولولي اجيبو منين

هو دة بس اللي مزعلك ؟ ده حضرتك طيبة أوي .. طالما في رجة في الطلعة و العربية مش بتجمع بسرعة يبقى إسطوانة الدبرياج عايزة تتغير ، و بالمرة غيري طقم دبرياج كله عشان أكيد هتلاقي دواسة الدبرياج تقيلة و هتلاقي العربية بتجمع تمام .
على فكرة الموتور ال-1000CC تجميعه حلو جداً عشان ده تكنولوجيا أعلى من ال-1200CC ، لأنه موتور Ecotec ، و في السفر العربية حلوة مش وحشة بتجيب ١٥٠ كم/ساعة مستريح و بتكون راسية ما شاء الله مع انها هاتش باك

أنا رأي توكلي على الله و غيري طاقم دبرياج و مش هيكلفك ١٠٠٠ جنيه على بعض بالمصنعية ،و هيخلي العربية تمام طالما الكهربا و كبس الموتور تمام و هتنسي العربية دي كام سنة كمان ، و ابقي ادعيلي :)