إعـــــــلان

Collapse

.

,
See more
See less

هقولكم سؤالي وحد يفيدني

Collapse
X
 
  • Filter
  • الوقت
  • Show
Clear All
new posts

  • #16
    لو طقم الدبرياج هو بتاع ال1200..؟؟
    يبقي اقل بكتير من 1000 جنيه..
    تمنه 700 جنيه تزيد 20 جنيه او تقل.. لوك الماني احسن حاجة ليها..
    و التكلفة المصنعيه..في حدود 150..يعني اقل من 900 جنيه ان شاء الله..
    ده لو المشكلة اسطوانة فعلا..
    سبحانك اللهم ربنا و بحمدك.. اشهد الا اله الا انت..استغفرك و اتوب اليك..

    Comment


    • #17
      انا من رأيي سيبك من الميكانبكى بتاعك وروحى لحد متخصص اوبل او التوكيل ويكشف على العربية كلها ويقولك فين المشكلة واية اللى محتاج يتغير واية اللى مش محتاج , الحاجات دى متنفعش بالوصف وسوررى انتى بردو شكلك ملكيش فى الميكانيكا فمش عارفة تشرحى كويس - ودة طبيعى زى اى بنت يعنى مش عيب ولا حاجة - وعلشان كدة لازم العربية تتجرب ويتكشف عليها الاول , يعنى مثلا ضعف السحب ممكن لية اسباب كتير منها اللى هيكلفك ومنها اللى كلام فارغ مش هيكلفك حاجة فهتلاقى اراء كتير وممكن كلها صح بس عربيتك فيها اية من الاسباب دى لازم تتجرب الاول ويتكشف عليها بدل متدفعى فلوس على الفاضى وميطلعش دة السبب


      اما نيجي لموضوع التجميع.. العربية مش بتجمع بسرعة اصلا.. ولا ال1200 حتي علي فكرة..
      ولا الفيكترا 1600 برضه ولا ال2000.
      بقى ال 2.0 تجميعها بطئ فى الاول ياعلاوى طيب الحق اجرى بقى قبل ماسومو ولا مختار يشوفوك :d:d

      Comment


      • #18
        الماتور كبسو 60% يعني علي ما اظن دا وحش الدبرياج عندي مش تقيل خالص بالعكس كويس جدا والسيور كلها بتاعت العربيه كويسه والتيل الفرامل وكل حاجه هي المشكله كلها في الماتور واخاف اعمل عمرة لي يرجع يبوظ تاني كمان انا مش بثق في الميكانيكين دول تمام لانهم ان مكنش كلهم فاغلبهم كدابين وبيشوفوني بنت بينصبو عليا انا ساكنه بمصر الجديده لو تعرفو حد كزيس يكشف علي العربيه ويجبلي من الاخر هي محتاجه ايه فعلا قولولي ويا استاذ احمد لو فعلا الميكانيكي بتاع المعادي ده كويس وهيعرف العربيه فيها ايه ممكن تقولي هو فين باظيط واروحلو مش مشكله انا بنزل المعادي كتير اوي وميرسي علي اهتمامكو

        Comment


        • #19
          هو التعامل مع الميكانيكية العاديين اللي احنا نعرفهم..
          في ناس ف الحرفيين.. و دول قريبين نسبيا منك.. بس اللي سمعته مؤخرا.. ان الضغط جامد جدا عليهم و زحمة.. و ممكن يقولوك سيبي العربية كام يوم يحد ما يتعمل فيها حاجة.. و دي مش ظريفة..
          انا بتوع النعادي بقي في 2 هناك, واحد فيهم انا اعرفه شخصيا و باتعامل معاه .. و التاني انا ماعرفشو ولكن في ناس هنا معانا اتعاملوا معاه و بيقولوا شاطر جدا برضه.. شوفي انتي بقي تفضلي تروحي لمين.. و هاجيبلك لينك موضوع فيه عنوان الاتنين..
          بس لو قررتي تروحي لفادي اللي انا باتعامل معاه.. ابقي قوليلي قبلها عشان اكلمه و اقوله..
          سبحانك اللهم ربنا و بحمدك.. اشهد الا اله الا انت..استغفرك و اتوب اليك..

          Comment


          • #20
            المشاركة الأصلية كتبت بواسطة bamba مشاهدة المشاركة
            الماتور كبسو 60% يعني علي ما اظن دا وحش الدبرياج عندي مش تقيل خالص بالعكس كويس جدا والسيور كلها بتاعت العربيه كويسه والتيل الفرامل وكل حاجه هي المشكله كلها في الماتور واخاف اعمل عمرة لي يرجع يبوظ تاني كمان انا مش بثق في الميكانيكين دول تمام لانهم ان مكنش كلهم فاغلبهم كدابين وبيشوفوني بنت بينصبو عليا انا ساكنه بمصر الجديده لو تعرفو حد كزيس يكشف علي العربيه ويجبلي من الاخر هي محتاجه ايه فعلا قولولي ويا استاذ احمد لو فعلا الميكانيكي بتاع المعادي ده كويس وهيعرف العربيه فيها ايه ممكن تقولي هو فين باظيط واروحلو مش مشكله انا بنزل المعادي كتير اوي وميرسي علي اهتمامكو
            بالنسبة للكبس قيستية ؟؟ لأن فى ميكانيكية يبص على الموتور ويقولك بالتقريب كذا - ماشاء الله فتك اوى - .. هى العربية عاملة كام كلم؟؟
            مش شرط ان الدبرياج مش تقيل يبقى مفهوش مشكلة ممكن تكون الاسطوانة خفيفة

            عموما بما انك مصر الجديدة فا اقرب حاجة ليكى لو ميكانيكى فى واحد فى مكرم عبيد كان شغال فى التوكيل قبل كدة وبالنسبة للتوكيل فى اوتوماستر فى الحى السادس وياسين عند مطلع كوبرى الحرفيين وفى منصور رابعة

            Comment


            • #21
              العربيه عامله ميه الف واتين كيلو فعلا الميكانيكين في الحرفين بيقولو لازم العربيه تفضل كام يوم عندهم وانا مش هسبها لاني مضمنهمش خالص ممكن يغير حاجات ويسرق حاجات وفي الاخر ادخل في حوار كبير لو الميكانيكي بتاع المعادي ده فعلا شاطر اوكي انا اروحلو اديني عنوانو وكمان هسئل حاجه انا المرايا بتاعتي اتكسرت خبط واحد وكسرها بايدو للاسفاصلحها فين عند الميكانيكي ولا السروجي؟ بس والله مش انا اللي غلطانه الاخ كان بيستظرف

              Comment


              • #22
                استحالة العربية تبقى عاملة 102000 كلم بس .. العداد اكيد ملعوب فية
                ميت الف فى الالمانى ولا حاجة ولو حتى استخدام زى الزفت استحالة يبقى كبس الموتور 60% من ميت الف بس !!!
                لازم تكشفى على العربية قبل ماتعملى اى حاجة فيها .. ممكن تعملى كشف شامل فى التوكيل بيبقى حوالى 170 تقريبا وبيقولك على كل حاجة فى العربية بالاسعار بتاعتها

                بالنسبة للمراية ممكن اللى هتشتريها منة يركبهالك

                Comment


                • #23
                  وبتاخد وقت كبيرفي التوكيل ولا بيسلمولي العربيه في ساعتها؟

                  Comment


                  • #24
                    على حسب انتى رايحة امتى وفى زحمة فى اليوم دة ولا لأ بس هتاخديها فى نفس اليوم

                    عموما دة عنوان وتليفونات اوتوماستر
                    ش المخيم الدائم - الحى السادس - مدينة نصر(شارع الطيران لحد متوصلى مصطفى النحاس هتدخلى يمين وتمشى على طول بعد شريط المترو هتلاقى لافتات اوتوماستر وفي قدام الشارع اللى فية المركز لافتة بسهم -تقريبا كان تانى شارع بعد شريط المترو مش فاكر بالظبط كان شارع رقم كام - )
                    ت : 22627129/31
                    22629733
                    0127333040
                    0102168125


                    اتصلى استفسرى منهم واحجزى ميعاد بس اهم حاجة اليوم اللى هتروحى فية روحى من بدرى علشان قبل الزحمة و متتأخريش هناك

                    Comment


                    • #25
                      المشاركة الأصلية كتبت بواسطة bamba مشاهدة المشاركة
                      العربيه عامله ميه الف واتين كيلو فعلا الميكانيكين في الحرفين بيقولو لازم العربيه تفضل كام يوم عندهم وانا مش هسبها لاني مضمنهمش خالص ممكن يغير حاجات ويسرق حاجات وفي الاخر ادخل في حوار كبير لو الميكانيكي بتاع المعادي ده فعلا شاطر اوكي انا اروحلو اديني عنوانو وكمان هسئل حاجه انا المرايا بتاعتي اتكسرت خبط واحد وكسرها بايدو للاسفاصلحها فين عند الميكانيكي ولا السروجي؟ بس والله مش انا اللي غلطانه الاخ كان بيستظرف
                      المراية عندك عادية مش كهربا مش كده..؟؟
                      لو عادية هتبقي رخيصة.. لأن الكهربا الجديدة التايوالني ب 160 جنيه.. العادية هتكون ارخص.. بتاع 100 بالكتير..
                      ولو هتجيبي الالماني استيراد يكون احسن عشان هتكون انضف.. حتي لو بنفس تمن التايواني الجديدة اكيد الاصلي انضف..
                      العادية مش عارف برضه بكام بس الكهربا ب 150..
                      ولو في بورسعيد الجوز علي ما سمعت ب 150 اصلا.. الكهربا كمان..
                      و اي حد لو متخصص ف اوبل ميكانيكي ولا كهربائي هيركبهالك عادي..
                      سبحانك اللهم ربنا و بحمدك.. اشهد الا اله الا انت..استغفرك و اتوب اليك..

                      Comment


                      • #26
                        المشاركة الأصلية كتبت بواسطة NoNaMe مشاهدة المشاركة
                        استحالة العربية تبقى عاملة 102000 كلم بس .. العداد اكيد ملعوب فية
                        ميت الف فى الالمانى ولا حاجة ولو حتى استخدام زى الزفت استحالة يبقى كبس الموتور 60% من ميت الف بس !!!
                        لازم تكشفى على العربية قبل ماتعملى اى حاجة فيها .. ممكن تعملى كشف شامل فى التوكيل بيبقى حوالى 170 تقريبا وبيقولك على كل حاجة فى العربية بالاسعار بتاعتها

                        بالنسبة للمراية ممكن اللى هتشتريها منة يركبهالك
                        يا اما العداد ملعوب فيه يا اما العربية نفسها حالتها كويسة و الميكانيكي بيفتي..
                        انا عربيتي شاريها عاملة 130 الف كم.. و كبس الموتور ما شاء اله كان 175/200
                        يعني تحسبها تلاقيه فوق ال85% ما شاء الله..
                        ودي 100 الف بس و 60؟؟ تهريج؟...
                        حتي مع الاستهلاك الغبي و عدم الاعتنا.. ميوصلش لكده ابدا..وعلي فكرة عشان يكون العداد ملعوب فيه.. هتكون عاملة مش اقل من 300 الف عشان يكون وصل 60%
                        بيني و بينكم.. انا مش واثق ف الميكانيكي بتاعك ده خالص..

                        اللينك دي فيها عنوانين الاتنين بتوع المعادي.. هما في صقر قريش..

                        انا عن نفسي باتعامل مع التاني اللي هو فادي.. و الاولاني برضه جامد جدا.. بس التاني صديق واحد قريبي.. و بقينا اصحاب خلاص..
                        لو هتروحيله قوليلي و هابقي اقوله انك رايحة عشان المواعيد.. عشان هو بيشتغل حاليا في توكيل سكودا.. و بيروح المحل بالليل شوية..
                        سبحانك اللهم ربنا و بحمدك.. اشهد الا اله الا انت..استغفرك و اتوب اليك..

                        Comment


                        • #27
                          Bamba
                          I recommend that you sell this car.

                          people:

                          sorry but this is the real life. first of all the car from Spain not from Germany.
                          second the engine has many problems like the MAF (Mass Air flow Meter), IAC (Ideal air control motor), TPS (Throttle position sensor), EGR (Exhaust gas recirculation).

                          third. the problem of your engine that you think it needs overhaul is true it needs an overhaul and the mechanic must dispose the catalytic converter as it seems that it is blocked, and this will make the engine fails every time you fix it.

                          forth. the power steering is assisted by electric motor in the steering wheel shaft, it fails but rarely.

                          Bamba,

                          finally if you insist to have this car i recommend that you change the engine with 12NE (1200 CC).

                          note: the 1200 cc engine comes without A/C, you will need to go to Diavia company in Kobry el Koba to install your old compressor in the 1200cc engine (don't forget to take your old compressor from the 1000 cc engine :))

                          if you want some one to change the engine, you may go to:
                          1) Eng. Fady Sobhy in Maadi 0181861139
                          or
                          2) Ahmed El Deboby in Haram 0129333124, 0126047277

                          sorry i didn't read all the posts but this is my answer for the initial question

                          Comment


                          • #28
                            ميرسي اوي لكل ردودكو انا لسه معملتش اي حاجه في العربيه حتي مغيرتش المرايا المكسورة مزنوقه في الوقت بس انا قررت فعلا اطنش الميكانيكي بتاعي ده انا مش مرتاحاله اصلا وهروح للتوكيل يكشفلي عليها ويقولي هي محتاجه فعلا تغير ماتور ولا لا ولا محتاجه عمرة ولا اغير حاجات بسيطه فيها واللي هيقولو هعملو وغالبا انشالله هروح اعملها في المعادي عند فادي اللي بتقولو عليه اصلا بجد انا معرفش نفسي اتسدت منها بقالها مركونه اسبوع تحت البيت واخدت عربيه صحبتي هشوف علي الاسبوع الجاي التوكيل ميرسي اوي لاهتمامكو بمشكلتي بجد

                            Comment


                            • #29
                              بس ابقي طمنينا عملتي ايه.. و عرفينا اخر الاخبار..
                              سبحانك اللهم ربنا و بحمدك.. اشهد الا اله الا انت..استغفرك و اتوب اليك..

                              Comment


                              • #30
                                المشاركة الأصلية كتبت بواسطة Ahmad Allawy مشاهدة المشاركة
                                ولا الفيكترا 1600 برضه ولا ال2000.. بالنسبة للياباني اللانسر و الكورولا بطيء..
                                الاوبل كلها تجميعها بطيء ف البداية..لكن بعد ما تجمع تبقي زي الفل.. و اشد من اي عربية ياباني..

                                المشاركة الأصلية كتبت بواسطة NoNaMe مشاهدة المشاركة
                                بقى ال 2.0 تجميعها بطئ فى الاول ياعلاوى طيب الحق اجرى بقى قبل ماسومو ولا مختار يشوفوك :d:d
                                انا مش هرد بقى مادام اخويا الكبير رد
                                بس بعد كده هقدمك للمحاكمة قدام عصابة اوبل المفتريه

                                المشاركة الأصلية كتبت بواسطة bamba مشاهدة المشاركة
                                ميرسي اوي لكل ردودكو انا لسه معملتش اي حاجه في العربيه حتي مغيرتش المرايا المكسورة مزنوقه في الوقت بس انا قررت فعلا اطنش الميكانيكي بتاعي ده انا مش مرتاحاله اصلا وهروح للتوكيل يكشفلي عليها ويقولي هي محتاجه فعلا تغير ماتور ولا لا ولا محتاجه عمرة ولا اغير حاجات بسيطه فيها واللي هيقولو هعملو وغالبا انشالله هروح اعملها في المعادي عند فادي اللي بتقولو عليه اصلا بجد انا معرفش نفسي اتسدت منها بقالها مركونه اسبوع تحت البيت واخدت عربيه صحبتي هشوف علي الاسبوع الجاي التوكيل ميرسي اوي لاهتمامكو بمشكلتي بجد
                                فعلا انا كمان رأيى كده
                                اعملى كشف فى التوكيل ومش تصلحى حاجة هناك
                                المهم نعرف بالظبط ايه اللى فى العربيه وبعد كده هنحدد نسقط موتور احسن ولا نصلح اللى موجود

                                المشاركة الأصلية كتبت بواسطة Ahmad Allawy مشاهدة المشاركة
                                بس ابقي طمنينا عملتي ايه.. و عرفينا اخر الاخبار..
                                +100000000000
                                م/محمد مختار

                                [COLOR=darkred]سبحان الله والحمد لله ولا اله الا الله[/COLOR]

                                [CENTER][U][I]Opel, 1 Team, 1 Goal, 1 Family[/I][/U] [/CENTER]

                                [CENTER][SIGPIC][/SIGPIC][/CENTER]


                                [URL="http://www.nilemotors.net/Nile/showthread.php?t=23017"][B][U][COLOR=navy]تعديلات فى عربيتى فكترا موديل 2000[/COLOR][/U][/B][/URL]
                                [URL="http://www.nilemotors.net/Nile/showthread.php?t=82965"][B][U][COLOR=navy]السيارة الاكثر شعبية فى قسم أوبل تعود للتألق من جديد (تعديلات بسيطة)[/COLOR][/U][/B][/URL]
                                [URL="http://www.nilemotors.net/Nile/showthread.php?t=40134"][B][U][COLOR=navy]تعديل لاب توب لتشغيله او اغلاقه عن بعد لعمل كمبيوتر السياره[/COLOR][/U][/B][/URL]
                                [RIGHT][URL="http://www.nilemotors.net/Nile/showthread.php?t=40038"][B][U][COLOR=navy]عمل كابل Aux in لكاست بايونيير[/COLOR][/U][/B][/URL][/RIGHT]
                                [RIGHT][URL="http://www.nilemotors.net/Nile/showthread.php?t=40050"][B][U][COLOR=navy]عمل كابل Aux in لكاست كلاريون[/COLOR][/U][/B][/URL][/RIGHT]
                                [RIGHT][URL="http://www.nilemotors.net/Nile/showthread.php?t=40391"][B][U][COLOR=navy]عمل كابل Aux in لكاست سوزوكى SX4[/COLOR][/U][/B][/URL][/RIGHT]

                                Comment

                                Working...
                                X