مشكلة غريبة جدا جدا

[egyption2012]

السلام عليكم ورحمة الله وبركاته

في البداية لمبة التشيك انجن خلال اليومين اللي فاتوا كانت بتنور اثناء سيري بالعربية
وتطفي لوحدها ساعات اثناط السير ولو حبيت اطفيها في اي وقت اشيل كابل البطارية واحطه تاني
المهم بقالي حوالي ٢٤ ساعة اللمبة بطلت تنور معايا

ده كانت مقدمة فقط

النهاردة نزلت روحت مشوار قصير
وانا راجع من المشوار جيت اعمل مارشدير لقيت اللمبات اللي جنب الغيارات كلها نورت
طنشت وقولت افكني
جبت على ال d تاني لقيت العربية سحبها زفت وكل شوية بيكون أسوأ
جيت اركنها لقيت فيه لخبطة في الغيارات واللمبات كلها بتنور
والغيار التاني والتالت وال d العربية مش بتمشي عليهم نهائيا
الغيار الاول فقط اللي بيمشي العربية

شيلت كابل البطارية وركبته لقيت المشكلة اتحلت والحمد لله
مع العلم ان لمبة التشيك انجن منورتش خلال المشكلة ده

فهل لو كشفت كمبيوتر ان شاء الله حيظهر حاجة بخصوص المشكلة ده ولا لا

شكرا لكم

[dr.hazem]

طبعا لازم تكشف كمبيوتر وان شاء الله بسيطه...
تحياتي

Sent from my Xperia Arc S using Forum Runner

[amr elsisi]

ابدأ بلسهل الاول
اولا فيشة حساس البوابة tps
شيلها وركبها كويس واربطها بافيز رباط
وجرب
ثانيا حنظف سيلكتور سويتش
ثالثا نكشف كمبيوتر
لازم تعمل بالترتيب

[Astra Lovers]

عيب كنترولر

[MITSUKERO]

اول ما تشيل كابل البطارية كل الاعطال اللي اتسجلت بتتمسح

[egyption2012]

طبعا لازم تكشف كمبيوتر وان شاء الله بسيطه...
تحياتي

sent from my xperia arc s using forum runner

ان شاء الله اكشف كمبيوتر
لكن المشكلة انه اثناء المشكلة لمبة التشيك انجن منورتش
فهل من الممكن انه يكون سجل خطأ بدون ما اللمبة تنور

ابدأ بلسهل الاول
اولا فيشة حساس البوابة tps
شيلها وركبها كويس واربطها بافيز رباط
وجرب
ثانيا حنظف سيلكتور سويتش
ثالثا نكشف كمبيوتر
لازم تعمل بالترتيب

انا اتذكر قبل شهر
لمبة التشيك انجن نورت ولما كشفت قالي بوابة
وللاسف معرفش فين فيشة حساس البوابة
والسيلكتور سويتش معرفش مكانه برضوا
شكلي ححاول اقنع في الميكانيكي انه يعملي الكلام ده ان شاء الله

عيب كنترولر

ان شاء الله تكون المشكلة بعيدة عن الكنترول
لاني لسه مغيره من حوالي شهرين بواحد استعمال خارج

اول ما تشيل كابل البطارية كل الاعطال اللي اتسجلت بتتمسح

انا اعرف ان اللمبة بتطفي
لكن الاعطال بتفضل متسجلة لحد ما يمسحها عن طريق كشف الكمبيوتر


ملحوظة اخرى
بعد ما اشتريت العربية استعمال
اتذكر ان اللمبات اللي جنب الفتيس كلها بتنور لما اخلي الفتيس على المارشدير
ولازم اهزه شوية عشان اللمبات تطفي
تقريبا كان فيه حاجة بتعلق

وروحت للميكانيكي وغيرلي جلدة صغيرة من تحت العربية تقريبا
واخد 40 جنيه تمن الجلدة ده
والمشكلة اتحلت تماما

بالاضافة بقالي حوالي اسبوعين
لما بجيب الفتيس علي الباركينج .. الزرار الجانبي
ساعات بيكون معلق حاجة بسيطة لحد ما اسيب فرامل الرجل الاقيه ينطر حاجة بسيطة لبرة