بفكر ابيع الفيكترا بجد

[medosalah]

من الاخر كده انا نفسي اجيب عربيه اوتوماتيك ,,
العربيه الفيكترا اللي معايا تحفه بمعني الكلمه بس مشكلتها انها مانيوال ومش عايز اسقطمتور وفتيس لانهم هيكلفوني حوالي 7 او 8 الاف جنيه والله اعلم هتبقي كويسه ولا لا
المهم انا فكرت في رينو ميجان موديلات 2006 و2007 فكنت عايز اخد رايكم لانه هيفدني جدا
طبعا الرينو هتبقي اوتو وتكنولوجيا اعلي بس المعروف عنها انها معقده شويه والسعر هيبقي في حدود 65الفجنيه


المهم اعمل المغامره دي ولا لا

الفيكترا اللي معايا تسوالها كام

اوبل فيكترا بي 2
موديل 2000
مرور الشروق وانا اول مالك ليها في الورق لانها مانت مخابرات قبل كده
فابريكه باكامل بره وجوه حتي الاكصدمات لا يوجد قلم بوهيه
فرش جديد
فرش ابواب جديد بيج
مانيول
متور 1600 الاسود
ماشيه 64 الف كيلو فقط
4زجاج كهربا
مرايات كهربا
وحده رفع زجاج كهربا
مفتاح و2 ريموت
انزار
حساسات ركن
فوانيس شبوره
بطاريه اسي دلكو من 9 شهور
سيور وفلاتر من 4 شهور
تكييف شغال بكل كفائه وبدون اعطال
حراره مظبوطه علي 89 90 عمرها ما بتسخن
كاسيت سوني اكسبلود وسماعات بيونير خلفيه بيضاويه
كاوتش يردجستون تورانزا جي ار 90 ماشي 4000 كيلو فقط من شهرين
جنوط سبور اوبل استيرا 5 مسمار
فرش السقف جديد
عفشه جديده بالكامل من 6 شهور


تعملها كام علشان لو قررت هزود علي فلوسها واجيب الرينو
ولا اخليني زي منا احسن ,, بجد محتار جدا العربيه عمرها ماغلبتني وشايلاني بجد بس عايز اوتوماتيك علشان برده والدتي هخليه تركبها والاوتوماتيك افضل ليها ...... اعمل ايه؟؟؟؟؟؟؟ اسقط ماتور ولا ابيع

[Mostafa.Mahran]

انا لو معايا عربية زى دى خسارة تتباع بصراحة

[dr/hamza]

لو عايز تبيع ..بيع..بس بلاش اتوماتيك ف عربية محتاجة صيانات متعددة وعلى فترات قريبة..مش معنى ده انى اقصد الميجان لا...عموما على اى نوع ..بس خسارة العربية اللى معاك الصراحة..

[M.Radwan]

الميجان جميلة جدا..بس حاول تجيب حالة نظيفة وتدفع فلوس زيادة أحسن ما تجيب عربية متبهدلة

[amr elsisi]

يعني صرفت كل دة
جاي علي 7 الاف جنية وتبخل
ما انت لو بعت وعاوز ميجان حتخشلك في 12 الف مرتاح بالترخيص
ويا عالم فيها اية
والحاجات البسيطة المتكررة في المستعمل الي كلو بيجهلها
طقم سيرفس مش اقل من الف
حالة الكاوتش والبطارية
زيوت مش اقل من 500
يعني الصح علشان ماتتعبش حتدخل في 15
قرر انت

[medosalah]

يعني صرفت كل دة
جاي علي 7 الاف جنية وتبخل
ما انت لو بعت وعاوز ميجان حتخشلك في 12 الف مرتاح بالترخيص
ويا عالم فيها اية
والحاجات البسيطة المتكررة في المستعمل الي كلو بيجهلها
طقم سيرفس مش اقل من الف
حالة الكاوتش والبطارية
زيوت مش اقل من 500
يعني الصح علشان ماتتعبش حتدخل في 15
قرر انت

طبعا اشكر حضرتك علي الرد

بس انا خايفادخل في حوار تسقيط المكنه ده
وكمان العربيه هتبقي 2000 سيسي يعني كده هتبقي خارج منظومه كارت البنزين

[medosalah]

يعني صرفت كل دة
جاي علي 7 الاف جنية وتبخل
ما انت لو بعت وعاوز ميجان حتخشلك في 12 الف مرتاح بالترخيص
ويا عالم فيها اية
والحاجات البسيطة المتكررة في المستعمل الي كلو بيجهلها
طقم سيرفس مش اقل من الف
حالة الكاوتش والبطارية
زيوت مش اقل من 500
يعني الصح علشان ماتتعبش حتدخل في 15
قرر انت

انا لو معايا عربية زى دى خسارة تتباع بصراحة

ما هو ده سبب الحيره

[medosalah]

الميجان جميلة جدا..بس حاول تجيب حالة نظيفة وتدفع فلوس زيادة أحسن ما تجيب عربية متبهدلة

مش مشكله زياده الفين او تلاته
المشكله اني الاقي حاجه فعلا نضيفه

[medosalah]

لو عايز تبيع ..بيع..بس بلاش اتوماتيك ف عربية محتاجة صيانات متعددة وعلى فترات قريبة..مش معنى ده انى اقصد الميجان لا...عموما على اى نوع ..بس خسارة العربية اللى معاك الصراحة..

طب حضرتك تنصحني بايه..

[فادى محمد]

دي العربيه الزيتي اللي كانت شبكتها مكسوره؟؟
خساره تبيع مش هتعرف تعوضها ابدا
والرينو مشاكلها كتير .
عربيتك تعمل 65 الف (سعر السوق طبعا)

[Abdo Taha]

حرام عربية متظبطة كده و بالحالة دي و تبعها هتحس بقيمتها لما تبعها و تجيب غيرها

[Hesham.H]

ماتبيعش العربيه دى ... هاتندم لان حالتها فعلا شاذه ... دور على نص استيراد نضيف ١٦٠٠ سى سى ... وشيل وركب اللى انت عاوزه من النص
مع العلم ان ٢٠٠٠ سى سى هاتكون داخل منظومه الدعم ان شاء الله
تحياتى

[medosalah]

دي العربيه الزيتي اللي كانت شبكتها مكسوره؟؟
خساره تبيع مش هتعرف تعوضها ابدا
والرينو مشاكلها كتير .
عربيتك تعمل 65 الف (سعر السوق طبعا)

فعلا يا استاز فادي هي الاوبل الزيتي الغامق

طب لو سقطلها ماتور بفتيس اوتوماتيك هتكون كويسه ولا هتطلعلي كل يوم بمشكله

الصراحه ان الماتور الاسود اللي معايا ما شاء الله تقريبا معدوم الاعطال بس المشكله انه مانيوال

[medosalah]

حرام عربية متظبطة كده و بالحالة دي و تبعها هتحس بقيمتها لما تبعها و تجيب غيرها

مانا علشان كده مش هبيع الا لو وقعت امامي حاجه كويسه.. خاصه لو اوبل 2000 اوتو,,, ولو استريحتلها هبيع الاوبل التانيه اللي معايا

ماتبيعش العربيه دى ... هاتندم لان حالتها فعلا شاذه ... دور على نص استيراد نضيف ١٦٠٠ سى سى ... وشيل وركب اللى انت عاوزه من النص
مع العلم ان ٢٠٠٠ سى سى هاتكون داخل منظومه الدعم ان شاء الله
تحياتى

شكرا لحضرتك علي الرد...
بس ممكن تقولي النص الاستيراد هيكون في حدود كام
وايه اللي ياكد لحضرتك ان ال2000 سيسي هتدخل منظومه الدعم

علي فكره اناكارت الدعم بتاع عربيتي معايا بقاله 3 شهور بس لسه النظام لم يتطبق بعد

[haisam ali]

السلام عليكم :- بص بقى يامعالى الباشا انا كان معايا اوبل فيكترا ٢٠٠٢ موتور ١٦٠٠ اوتو عربيه كانت بمعنى الكلمه زيزووو يعنى نفس عربيتك عادا الفتيس ...! المهم الشيطان لعب بدماغى ياعم خليك بقى فى العربيات العاليه وهات عربيه حاجه كده رفاهيه وشغل قولت أبيع أجيب ايه ( رينو ميجان ٢٠٠٥ ) المهم بعت الفيكترا بيعه حلوه لانها عربيه شاذه بجد وقومت مدور على الرينو والحمد لله ربنا وفقنى ولقيت عربيه ميجان فيرانى ٢٠٠٥ كامله اوتو ماعدا فتحت السقف عربيه مابتتحركش من الجراج بجد عربيه زيرو ماشيه ٦٢٠٠٠ الف كيلو وصيانتها توكيل واستعمال دكتوره مابتمشيش اصلا بيها المهم الحمد لله خلصت فيها وبقالها معايا دلوقت ٣ سنين عمرها مازعلتنى لأنى الحمد لله ماشى على جدول صيانتها وبشترى حاجتها من التوكيل .....! المهم احنا عندنا هنا بنسافر مسافات طويله وانا خصوصا الكيلو عندى سفر عالطول بينى وبينك معانا كاسره عربيات كتير الحمد لله عمى معاه باسات ٢٠٠٨ وعنى التانى أوكتافيا a5 ... اقسملك بالله العظيم من يوم مابعت العربيه الاوبل بتاعتى مانا عارف اركب أى عربيه تانيه ولا اطمن على نفسى غير فى الاوبل ... اللى عمل العربيه الفيكترا دى فناااااان ايه الثبات ده وايه الطعامه فالشكل دى وايه الاعتماديه دى والمتانه ... من الاخر عربيه محترمه ---- فقررت ارجع تانى الاوبل واشتريت فيكترا b2 بس ٢٠٠٠ اوتو دلوقت معايا العربيتين راكب الاوبل وراكن الميجان خالص لدرجه انى بفكر ابيعها ......! من الاخر يامعالى الباشا شتاااااااان فى صلابه العربيتين وتكيف وثبات وصاج متين جدا وعربيه بتاعت شغل اللى هيا الاوبل هتكسب اكييييد .... من الاخر هتندم ندم العمر لو بيعت الاوبل بجد ( أسف جداً للاطاله ) وشكرا