هي دي مشكله ولا حاجه عاديه في الاوبل

[Apoissa]

انا لسه جايب العربيه قريب بس حاسس اني لما دووس بنزين وانا ماشي عادي لغاية ٣ العربيه مظبوطه والسحب هايل اول مايوصل ٣ ويبتدي يعدي احس ان العربيه مكتومه قوووي لدرجة اني لو بجري مثلاً والنقله اتنقلت ونزل الانبير عن ٣ وجه يعديها العربيه تكن خالص وبحس صووت الموتور مكتووم جداً
ميكانيكي تحت بيتي بيقوولي الاوبل تقيله قولتلوا لو تقيله هتبان في الاول انما وانا بجري صوت الموتور مكتووم ماردش طبعاً انا كدا كدا ماكنتش هاخليه يعمل حاجه فيها
تفتكروا العيب دا يكون ايه ولا دا طبيعي انا فكرت اوقف واحد راكب اوبل في الشارع واقوللوا تعالا اجرب عربيتك :d
مع انا لسه عامل سيرفيس كامل للعربيه من يومين

[ashourashour]

الاوبل حلاوته بعد ال 3000 اصلا

[amr elsisi]

فلتر بنزين
نظافة رشاشت
بوجيهات
دة كلة لو سير التقسيمة مظبوط

[haisam ali]

بعد طبعا آراء الأساتذة الكبار هنا .... الموضوع ده حصل معايا قبل كده فى عربيتى اللى فاتت اوبل فيكترا b2 موتور ١٦٠٠ اوتو ..... وكان هناك شك فى حاجتين الاول فيه فرن الشكمان بعديه علبه البيءه بيبقى فيها فتحات عامله زى المسام كده ودى بتتسد من وساخه الحريق .... والعطل التانى حساس الكرنك ( اينعم حساس الكرنك ) وعارف ان دى مش أعطاله ..... وفعلا طلع العطل من حساس الكرنك وغيرته والعربيه اتظبطت جداً لانها كان اخرها فعلا فى ال rpm 3000 وكان بتبان معايا اوى وانا واقف عادى مش بتحرك وتدوس بنزين على الاخر هتلاقى ال rpm اخره ٣٠٠٠ لفه ويزيد سنه انما مايرميش لحد الاخر .. وآسف جدا جداً للاطاله انما انا بعرض المشكلة وحلها والراى والإفادة من كبارتنا

[Apoissa]

بعد طبعا آراء الأساتذة الكبار هنا .... الموضوع ده حصل معايا قبل كده فى عربيتى اللى فاتت اوبل فيكترا b2 موتور ١٦٠٠ اوتو ..... وكان هناك شك فى حاجتين الاول فيه فرن الشكمان بعديه علبه البيءه بيبقى فيها فتحات عامله زى المسام كده ودى بتتسد من وساخه الحريق .... والعطل التانى حساس الكرنك ( اينعم حساس الكرنك ) وعارف ان دى مش أعطاله ..... وفعلا طلع العطل من حساس الكرنك وغيرته والعربيه اتظبطت جداً لانها كان اخرها فعلا فى ال rpm 3000 وكان بتبان معايا اوى وانا واقف عادى مش بتحرك وتدوس بنزين على الاخر هتلاقى ال rpm اخره ٣٠٠٠ لفه ويزيد سنه انما مايرميش لحد الاخر .. وآسف جدا جداً للاطاله انما انا بعرض المشكلة وحلها والراى والإفادة من كبارتنا

العلبه بتاعة الفتيس كلها متغيره قريب
بس انا الامبير بيعلي معايا وبيوصل ل ٦ كمان لما بقرص وادوس علي ال speed بس بحس العربيه مكتومه كدا لدرجة اني بحس بصوت الموتور في دوسة رجلي علي البنزين ودا بحسه لما بكون ماشي وانا واقف صوت الموتور كويس

وبرده لسه مغيير بوجيهات وفلاتر وسيور من يومين وغيرت عشان اشوف الصوت من ايه
مع العلم المكنه مكتومه من ساعة ما قاعدة الموتور اتكسرت وكنت غيرتها وغيرت معاها سيوور

[Apoissa]

فلتر بنزين
نظافة رشاشت
بوجيهات
دة كلة لو سير التقسيمة مظبوط

باشا تسلم علي الرد بس فلتر البنزين لسه مغيره هوا والبوجيهات قولت ممكن يكون دا السبب
نظافة الرشاشات هجرب كدا

بس فين بقي سير التقسيمه دا هل هوا اللي علي الشمال وانا واقف قدام العربيه وفاتح الكبوت ناحية سير الكاتينه اللي فيه عنده قاعده للموتور !!!

اصل القاعده دي كانت لسه مكسوره من كام يوم كدا وفعلاً من بعد الكسر دا حسيتها مكتومه والسحب مش مظبوط بس انا غيرت القاعده وغيرت سير وبليه وفلتر زيت وفلتر بنزين وبوجيهات

[haisam ali]

كده برضه معلش مش هقدر أفيدك ... كده هتستنى الوحوش ..... وآسف جداً انى معرفتش أفيدك

[Apoissa]

كده برضه معلش مش هقدر أفيدك ... كده هتستنى الوحوش ..... وآسف جداً انى معرفتش أفيدك

باشا كفايه انك فكرت معايا تسلملي ربنا يخليك

[hilal]

سير التقسيمة هو سير الكاتينة
لازم ميكانيكي محترم يبص عليه

[Apoissa]

سير التقسيمة هو سير الكاتينة
لازم ميكانيكي محترم يبص عليه

تصدق بقي انا فعلاً شاكك فيه لان العربيه اتكتمت لما القاعده اتكسرت
ولما غيرت القاعده حسيتها كاتمه لسه برضه طب ودي اروح لمين قريب مني انا في مدينة نصر وبصراحه مكسل اضرب المشوار لطناني علي حاجه زي دي انا لسه مغيير الحاجات دي كلها عنده وكان قاللي عدي في اي وقت وانا هاشوفها

[haisam ali]

بص ياباشا هو كده 100% x الميه سير تقسيمه والعربيه خالفه سنه او سنتين وعايزه فعلا ميكانيكى فاهم يبصلك عليها زى ما أستاذنا الكبير amr elsisi قال

[Apoissa]

بص ياباشا هو كده 100% x الميه سير تقسيمه والعربيه خالفه سنه او سنتين وعايزه فعلا ميكانيكى فاهم يبصلك عليها زى ما أستاذنا الكبير amr elsisi قال

تمام انشاء الله هروح لحد يعميلهالي

بس كنت عاوز اوضح حاجه كمان انا فضلت مركز فيها امبارح واكتشفت ان اول ما الامبير يوصل ٣.٥ وانا سايق صوت الموتور يتكتم بس السحب يفضل شغال عادي واستهلاك البنزين انا حاسس العربيه محتاجه بنزينه وراها

٥٠ لتر ماشي بيهم ٣٠٠ كيلو قبل كدا كان الاستهلاك عادي

[tananybasha]

طيب
يبقى من باب اولى تيجى نراجع احنا عليها
مش احنا اللى عملينها
يبقى الصح
ان احنا نراجع عليها

[Apoissa]

طيب
يبقى من باب اولى تيجى نراجع احنا عليها
مش احنا اللى عملينها
يبقى الصح
ان احنا نراجع عليها

هجيلك ياكبير انشاء الله ارجع من السفر بس استهلاك البنزين دا تفتكر يكون ايه !!

[tananybasha]

نشوف الأول الكاتينه و بعدين نجرب