خبراء ثم خبراء ثم خبراء اوبل كورسا 1995

[quaresma]

بصو يا حضرات انا بعت الفيكترا وقرارت اجيب كورسا 1995 واشدها اصرف عليها 10 وتبقى عربية محترمة العربية اللى معروضة عليا هى 1600 cc جنوط 15 فتحة سقف شبابيك كهرباء الحالة العامة جيدة مطلوب فيها 30000 قولولى بقة انا عايز اسقط متور eco tec سمعت انو مناسب للعربية دى بس انا معرفش اى حاجة عنو تمام فعرفونى ايه اللى ممكن اعملو وعند مين وبكام وعايز اعمل عفشة اسبور وبارات للمساعدين

[haisam ali]

مبداءيا موفق جداً فى اللى بتعمله فيارب تعمله زى مانت عايز ويطلع على اكمل وجه .... بس انا عايز اللوم عليك فى حاجه ( يارااااااجل حد يبيع فيكترا ويجيب كورسا ) اصل انا ركيب كورسا قديم وعيبها الوحيد ( العزل الخارجى ) وطبعا بالمقارنه مع الفيكترا ... الفيكترا تكسب فى الثبات فى الفءه فى الوسع والاعتماديه .... والكورسا تكسب فى الشبابيه والاستعمال فى الشوارع الضيقه والركنات وبجد موفق فى الاختيار جدا (ومعلش انا قولت افتح معاك الكلام برضه لحد مايجوا أساتذتنا الكبار يلخصولك موضوع الماتور ده فى كلمتين ) لأنهم ادرى منى بمراحل طبعا وهيدوك المفيد .....! وشكرا

[quaresma]

بص الفكرة كلها ان الفكترا جابت 60 والكورسا هجبها على 30 وهصرف 10 ولو فى ارخص من كدا هجيب بس المهم هصرف عليها لحد متوصل 40 ليه انا مزنوق فى الفلوس حبتين بس فى نفس الوقت معرفش امشى من غير عربية وبسافر فلو مشيت بالمكنة اللى فيها على ما اعتقد مش هتستحمل 150 كيلو كل يوم

[haisam ali]

على بركه الله .... باذن الله ربنا يوفقك وتعمل اللى انت عايزه

[quaresma]

بص فى محركين عرفت انهم بيركبو عليها
هم دا


ودا



وشدادات للمسعدين سمعت انها بتدى ثبات وانا يهمنى ثبات فى العربية


وفانوس دا عجبنى

[quaresma]

انتو ايه رأيكو فى وحدة عملة 23 بس متبعدلة خالص اجبها وكدا كدا طالا هصرف اجبها واصرف عليها ولا اجيب اللى هى حلتها حلوة واظبطها بال 10

[ah-elgendy]

بس انا لو مكانك كنت صرفت ال10 دول ع الفيكترا وكانت هتبقى تحفه

[quaresma]

يا احمد اقرأ الكلام كلو هتلقينى مزنوق وانا بصرف على العربية اللى هجبها بس عشان تكون كويسة
المهم حد يفدنى عشان انا ابيض فى الموضوع دا عشان اللى هيتقالى هعملو واتابع معاكو حاجة حاجة

[quaresma]

حد هيساعدنى فى الموضوع دا واتابع معاكو خطوة خطوة ولا ايه

[amr elsisi]

النهاردة الجمعة وكلة اجازة ههههههههه
اصبر يومين ماتستعجلش
الموضوع حلو بس اية الي مزعلك في المكنة

[quaresma]

انا بدور على عربية اشدها على مزاج ىبدل ماجيب حاجة حلتها حلوة ب 35 مثلا لا اجيب حاجة ب 30 ولا 25 واشدها انا فاهم انا اقصد ايه

[quaresma]

https://egypt.dubizzle.com/ar/dakahlia/cars/opel/listing/7-listings-75b9a525e93c5a1fbde57925d54e7231/show/?back=L2FyL2Rha2FobGlhL2NhcnMvb3BlbC9zZWFyY2gvP2lzX3NlYXJjaD1UcnVlJmtpbG9tZXRlcnNfX2d0ZT0mcHJpY2VfX2d0ZT0yMDAwMCZ5ZWFyX19ndGU9MTk5NCZ5ZWFyX19sdGU9MjAwMCZraWxvbWV0ZXJzX19sdGU9JnByaWNlX19sdGU9NDAwMDAmcGFnZT0xJm5laWdoYm91cmhvb2Q9Yy01Nw==

العربية دى لقتها ومسقطة المكنة جهزة بس انا شايف ان سعرها زيادة شوية بالزات ان الدهان مقشر من الكبوت وكما ازاز مانول

[saddam]

صديقي المواطن
قولا واحدا مش حدخل معاك في جدالات ولا نصايح ولا ليه عملت كده إنت مزنوق وربنا يفك زنقتك أنا بس حقول كلمة تعليقا على نقطة في كلامك
ال 10 آلاف اللي إنت ناوي تصرفها على شد عربية تعبانة مش حتكفي أي حاجة صح ممكن تلزقها وتلصمها ماشي لكن تشد عربية صح ب 10 آلاف مكانش حد غلب خصوصا حضرتك عايز تغير مكنة وقول 4 كاوتش وطبعا العفشة ومعاك الصالون والطبلوه وشوية زراير وطبعا وش نظافة وشوية شغل في الكهربا وسمكرة خفيفة طبعا لو سدتك 17 ألف يبقه ربنا رحمك ومش حيكون شغل على أعلى مستوى
فأرجو تعيد الحسبة نهائي وتاخدلك كورولا 90 أو كورسيدا 90 وتعيش حياتك أو كورونا 86 والعربيات الثلاثة دي متعرفش سكة الميكانيكي منين أصلا
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[haisam ali]

انا بضم رايى جدا لصديقنا الغالى sadaam ان العربيه هتصرف اكتر من ١٠ آلاف لان بجد العربيات بتصرف جداً خصوصا فى الشد لان الموضوع بيفتح فى كل حاجه واللى تحسبه هيتكلف ٢ بيوصل ل ٤ بدون مبالغه فى الكلام ..... ومعلش اذا كنا بنحبطك بس احنا بنفكر معاك . هذا وبالله التوفيق