هل تستاهل اني اغير الكروز واجيب استرا ٢٠١٤

[Hameditsh]

احلى تحيه لاحلي اوبلاويه
باختصار شديد انا معايا كروز ٢٠١٠ توب لاين عامله ٨٥ الف كيلو كنت شاريها زيرو وهاريها سفر ... بصراحه العربيه معلهاش كلام ثباااااا ت ايه ... شياكة ايه ... بس يعيبها السحب البطئ لدرجة اني بقيت اسميها البطه البلدي بتاعتي ... وغير كده العربيه بتجيب ١٨٠ بالعافيه وكمان لو انا لوحدي ... من كام يوم شفت عربيه استرا كوزمو بترولي على كوبري اكتوبر ابهرتني بال Handeling & Maneuverability وكانت ماشيه على ١٦٠ و ١٧٠ وبياخد غرز قطم واكيد Watt's Link Suspension مساعده على كده بأمانه العربيه دخله دماغي وعششت وبيني وبينكم الواحد ركب الكوري وجربه وخصوصا اني لما ركبت الفيستا بتاعة اخواتي البنات عرفت يعني ايه ركوبة الاوروبي وبالتحديد الالماني بس انا متخوف من البوستات اللي بقراها ان العربيه تقيله ومعرفش عايزين يزودوا Tuning Chip والحوارات ده ... فيا ريت الرد بمنتهى الحياديه

وليه استفسار تاني واحد صاحبي معاه فانتازيا ٢٠١٠ اللي اعرفه ان ماتورها ١٠٢ حصان والكروز ١٠٧ حصان وما شاء الله لما كنا بنشد مع بعض عالصحراوي كان بيشرخ مني وكان بيجيب ال ٢٠٠ مرتاح ونا كنت بنهج ورااااااااه فهل الاسترا في نفس مستوى الفنتازيا وشكراااااا

[kokowasfy]

الاسترا حاجة تانية خالص غير الكروز و الفنتازية الاتنين دول عربيات تقيلة فى التجميع عربيات عائلية و دة مش معناة انهم وحشين لا دى عربيات ممتازة و هتحس بفرق جامد جدا بين الاسترا و الكروز فى التسارع

[MOTOR HEAD]

طب ما تشترى كروز زيرو بالمحرك الجديد 115 حصان

ومعلش سؤال هى عفشه الكروز بتاعتك نوعها ايه ؟

[احمد فهمى]

الاسترا اكيد تكسب بكل المقاييس ولو فتيسك الجديد هو نفسوواللى فى الاسترا ال6 نقلات لو عربيتك سليمه خليها افضل بس لو مصمم الاسترا الكامله ممتازه

[hossam_elwani]

الاسترا مش حتفرق اطلاقا فى السحب الموتور الى فيها هو الموتور الى فى الكروز الى معايا 2013 ونفس الكلام ينطبق على الفتيس برضه بطيئه فى الطلعه

[Hesham.H]

وليه استفسار تاني واحد صاحبي معاه فانتازيا ٢٠١٠ اللي اعرفه ان ماتورها ١٠٢ حصان والكروز ١٠٧ حصان وما شاء الله لما كنا بنشد مع بعض عالصحراوي كان بيشرخ مني وكان بيجيب ال ٢٠٠ مرتاح ونا كنت بنهج ورااااااااه فهل الاسترا في نفس مستوى الفنتازيا وشكراااااا

طبعا الاوروبى غير الكورى تمامااا وطبعا الاسترا تكسب بالراحه اوى ... وهاتحس انك دفعت فلوس واخدت بيها

بالنسبه لعربيه صاحبك اللى موتورها ١٠٢ حصان اللى بتسبق عربيتك اللى هى ١٠٧ حصان فى ببساطه ان ال ١٠٢ حصان عزم العربيه الفتازيا بيظهروا على rpm اقل من عندك ... يعنى بالبلدى عربيته قوتها بتطلع قبل ما عربيتك تاخد نفس القوه وده فرق واضح فى المقارنه بين الاوروبى والأسيوى ... العربيه الاسيوى عشان تجيب عزمها بتجيبه بصعوبه
يا رب اكون قدرت أوصلك اللى انا عاوزه
تحياتى

[Astra Lovers]

موتور الاسترا غييييييييييييييييير موتور الكروز بلا نقاش

[K.Ossama]

موتور الاسترا غييييييييييييييييير موتور الكروز بلا نقاش

ازاى بس.....؟؟

[hossam_elwani]

موتور الاسترا غييييييييييييييييير موتور الكروز بلا نقاش

بتكلم على كروز 2013 واسترا 2013

انا عاينت الاتنين على الواقع هو هو بلا ادنى فرق

هات برهانك

[eleanor]

بالنسبه لموديلات 2013 الكروز هى الاسترا من ناحيه الموتور والفتيس
واللى بيفرق فى التسارع الوزن وبالفعل الاسترا تقيله فى طلعتها فى الاول
بس بتجمع سرعات عاليه
لو حضرتك غاوى سرعه هات الاسترا التيربو 180 حصان حاجه خرافه
بس سعرها عالى

[Abdo Taha]

موتور و فتيس كروز 2010 مش زي الاسترا الاتنين مختلفين اما ال 2013 فزي الاسترا بالظبط طبعا مع اختلاف ال quality ما بينهم كتقفيل و وسائل امان و العزل