سؤال عن الكورسا

[saifsaadmohamed]

هل الكورسا السيدان من اول موديل 2003 تجميع المانى و لامصرى

[ENG\AHMED]

الكورسا السيدان برازيلى ومصرى الهاتشباك المانى

[saifsaadmohamed]

الكورسا السيدان برازيلى ومصرى الهاتشباك المانى

اولاً شكراً لاهتمامك و ردك على سؤالى
اعرف منين المصرى من البرازيلى

[ENG\AHMED]

اولاً شكراً لاهتمامك و ردك على سؤالى
اعرف منين المصرى من البرازيلى

فى حاجتين بعرف منهم لأن قبل كدة واحد كان بيصيع عليا فى استرا 2003 وبيقولى انها مش تقفيل مصرى وطلعتهالة مصرى
-بص على الزجاج كلة لو د/جريش تبقى مصرى لأنة مش معقول زجاج العربية كلة اتكسر وغيرة
-شيل القاعدة بتاعة الكنبة اللى ورا (كأنك بتشوف طلمبة البنزين) هتلاقى التكت بتاع الفرش هتعرف منة مصرى ولا لأ (اعتقد المصرى كلة موبيكا)

[farahat]

هو في كورسا تجميع مصري ؟؟ أظن كله تجميع برازيلي
أما الهاتشباك تجميع أسباني

مصر كانت بتجمع الفيكترا و اواخر موديلات الاسترا

[ENG\AHMED]

انا مش خبير اوى فى الكورسا بس على مافتكر منصور كان بيجمع الكورسا والاسترا مع بعض لما وقف الفكترا فى 2003
واللى اعرفة ان الهتشباك المانى

[saifsaadmohamed]

شكراً ليكم
و ياريت لو حد يعرف معلزمات اكتر يأولى

[ENG\AHMED]

مادام جيت للكورسا يبقى عليك وعلى علاوى بقى :d

[Ahmad Allawy]

والله انا كنت سمعت من ابن خالي اللي كان شغال في التوكيل..
ان كل الكورسا الهاتش باك كانت تجميع اسباني فعلا..
الاسترا ال1200 برضه كانت نفس الموضوع..

[hazem_khidr]

الكورسا السيدان كلها تجميع مصري من مصانع منصور.
برازيلي تجميع مصري
واحد صاحبي معاه واحده من اول دفعه للمصنع في اواخر 2003
و كانت في حدود 80 الف

[Mustafa_Farouk]

السلام عليكم.

أنا كان معايا كورسا سيدان 2004, في بداية 2004, العربية تجميع مصري عشان الفرش كان مكتوب عليه تكت موبيكا، بس عمري ما أخت بالي من الزجاج،
واحد صاحبي كان بقولي إن ٢٠٠٣ تقفيل برازيلي بس أنا مش عارف دة صح ولا لاء ؟؟ ، الامانة ما شاء الله العربية معايا كانت كويسة جداً، الحاجة اللي خلتني أغيرها بس انها مانيوال غير كدة ، هي تمام. عمرها ما حتتني في مواقف بايخة خالص. ما شاء الله.
اللي أعرفو من واحد في مبيعات منصور إن الاسترا ٢٠٠٧ تقفيل ألماني ومن بداية ٢٠٠٨ تقفيل غير ألماني، أوروبي يعني. بس الله أعلم

[saifsaadmohamed]

شكراً لاهتمامكم و ردكم و كل سنة و انتم طيبين

[ASKAFRAWY]

اوبل مابيقفلش الكورسا دة اكيد لان معايا الكورسا 2005 وسالت الكل قال انها برازيلى وفالبرازيل عليها علامة الشيفورليه بس هى عربية زى الفل مشكلتها الاسطوانة بتاعتها!!
وبعدين كل قطع غيارها برازيلى مش المانى

[ASKAFRAWY]

دى صورتها فبلدها البرازيل

[Ahmad Allawy]

اوبل مابيقفلش الكورسا دة اكيد لان معايا الكورسا 2005 وسالت الكل قال انها برازيلى وفالبرازيل عليها علامة الشيفورليه بس هى عربية زى الفل مشكلتها الاسطوانة بتاعتها!!
وبعدين كل قطع غيارها برازيلى مش المانى

ده حقييقي..
كلام يعاتك مظبوط جدا و بيقول ان انت راجل fair :) :) :)
عارف اللي ف العربية بالظبط.. و اللي سمعته من ناس شغالين ف التوكيل كمان انه مش كلها فيها مشاكل الاسطوانة دي..
يعني في تعديل معين بيتعمل و بتتغير الاسطوانة مرة واحدة ف التوكيل.. و اللي بتركب دي بتقعد كتير بقي عادي زي اي عربية..
مش زي الاولانية اللي بتنزل فيها,,