ارجوا الافادة من اجل شراء سيارة المانى سكودا اوبل vw

[ashourashour]

هوه يعني كان حد سأل عليا يا مهندس لما غبت عن العصابه؟؟؟
عموماً أنا حالياً في الرياض من شهر ابريل الي فات وطبعاً انتا عارف قد إيه اول السفر الشغل بيبقي صعب وزحمة في كل حاجه وتظبيط شقه وفرشها كأنك بتتجوز من جديد!!! كمان تظبيط شغلي ده الي بعدني عنكم الفترة الي فاتت شويتين بس كنت بدخل اقرء من غير مشاركة ساعات،
لكن طبعاً واحشني المنتدي والعصابة وواحشيني كلكم وطبعاً عربيتي الفيكترا واحشتني جداً جداً؛
وطبعاً انتا عارف أد إيه الأوروبي هنا ملوش سوق خالص مقارنه بتويوتا وبعدها هيونداي يليهم من بعيد الأمريكاني والعربيات ال4*4 الي غالبا تويوتا أو أمريكاني GMC يعني مش بشوف ولا اوبل ولا سكودا والجيتا هنا عربيه عره عره يعني!!!!!!!!!
ملحوظه: انا راكب هنا في السعوديه سوناتا 2013 هايلاين فتحة سقف بانوراما وموتور 2400cc ب هورس باور 175hp (معجبنيش شكل الكامري الأخير وسمعتها وحشه هنا برغم انتشارها كالعادة) ومع ذلك واحشاني الفيكترا جداً مش حاسس بفرق غير في عزم الموتور الي واضح طبعاً هنا ف الرياض لكن غالباً مش هيبان قوي ف مصر عشان الزحمة وضيق الطرق مقارنه ب الخليج.

good luck

[D.R.Mahmoud]

انا كدة تقريبا الاختيار اكتمل ,بس اخر سؤال خالص ,هو كل الفيكترا 2007 و2008 اسمة سى ولا بينزل سى وحاجة تانية ؟ علشان فى موقع كونتاكت بيكتبوا الموديل من غير مايقولوا سى او غيرة
وشكرا الف شكر للجميع

[Dr-Daly]

الفيكترا سي هي موديلات 2007-2008 بس
بقيه الموديلات الزملاء ممكن يفيدوك فيها عني

[D.R.Mahmoud]

متشكر ليكم جميعا
كنت ببحث فى جوجل ولقيت الموضوع دة

http://www.nilemotors.net/Nile/75583-a-5.html

هنا فالموقع بردة لواحد بيقارن بين فيكترا c2008 وتويوتا كرولا 2009 وكان عايز يشترى زيرو D:
ممكن تقولولى رايكم؟
يعنى اذا مشترطش العربية تكون المانى وبس ,,ممكن اجبها احسن ولا كرولا؟

[ammada]

طبعا الاوبل فيكترااا ومفيش وجه مقاااارنة خاالص على فكرة معانا تويوتا كورولا موديل 2008 ياباني واوبل فيكترا 2001 بس كاملة cdx 2000cc انا برتااااح للاوبل افضل بكتيييييييييير والفرق يبان في االسفر وعلى السرعات الغالية ومع انها موديل اقل

[Abdo Taha]

بلاش الكورولا فتيسها زفت و في الضياااع و عن تجربه سقت الفيكترا و الكورولا ، الكورولا هيعجبك نعومية الدركسيون بتاعها بس هتيجي تسوق العربية فتره خلاص زهقت منها يعني مش عربية تديك driving pleasure من الاخر عكس الفيكترا اللي بستمتع بسواقتها على طول ده الايزي ترونك ده رحمة جدا جدا و اخر حلاوة بالنسبة لل mmt و ال dsg و كمان اعطاله اقل و فيه ميكانيكية بيفهمو فيه

[D.R.Mahmoud]

ماشى الحال , توكلنا على اللة
شكرا ليكم جزيلا و ربنا يجعلة فى ميزان حسناتكم و ادعولى بالتوفيق