بفكر فى الاسترا - بعض الاسئله لملاك العربيه

[CosmicOne]

السلام عليكم يا اهل الاوبل الكرام

كنت بفكر ان شاء الله انى اغير السيفيك بتاعتى الى استرا كوزمو او فلونس

كنت عاوز اعرف منكو حاجات او عيوب عن الاسترا قرئتها على النت بره مصر و جوه مصر

العربيه حسساسه اوى للطرق الخشنه و بتنقل احساس الفيبريشن او الخشونه دى جوه جامد؟

العربيه بعد شويه من الاستخدام فيها رعشه او فيبريشن فى الدواسات بتاعت البنزين و الفرامل؟

الهاند بريك الكهرباء بتبوظ؟

صوت الرياح و العربيه بتجرى عالى بس صوت الارض كويس اوى و معزول؟

الصح للعربيه بنزين ٩٥ مش ٩٢؟؟

رعشات الفتيس عند الطلوع و الوقوف و كده؟

هل الموتور بيسحب كويس in gear مش مهم من الزيرو ، يعنى التالت مثلا لو سحبت عليه بيجمع بسرعه ولا بطه؟

التابلوه بعد شويه بيبقي بيزيق مع الارض المكسره و بيعمل اصوات؟؟

جزاكم الله خيرا و معلش على كتر الاسئله بس الواحد مش بيفكر يشترى كل يوم :)

[tamohsen]

أنا معايا العربيه وعامل ١٥٠٠٠ كيلو
الحمد لله مفيهاش المشاكل دي
خصوصا أي حاجه ليها علاقه بالطريق، الجنوط والعفشه ممتازين
مجربتش غير بنزين ٩٢ والحمد لله مفيش رعشه، بس يمكن مع ٩٥ الاداء يكون أقوي
في أول ٥٠٠٠ كيلو العربيه كانت بطيئه شويه في الحركه من الثبات
بس بعد كده بقت اسرع كتير
التجميع علي التالت او حتي اعلي من كده وهمي
هو يمكن بس صوت الهوا بيبقي عالي شويه، بس انا دايما مشغل الكاسيت والصوت بيعلي مع السرعه، فيمكن مش بحس بيه

[Mr_revenger]

السلام عليكم يا اهل الاوبل الكرام

كنت بفكر ان شاء الله انى اغير السيفيك بتاعتى الى استرا كوزمو او فلونس

كنت عاوز اعرف منكو حاجات او عيوب عن الاسترا قرئتها على النت بره مصر و جوه مصر

العربيه حسساسه اوى للطرق الخشنه و بتنقل احساس الفيبريشن او الخشونه دى جوه جامد؟

العربيه بعد شويه من الاستخدام فيها رعشه او فيبريشن فى الدواسات بتاعت البنزين و الفرامل؟

الهاند بريك الكهرباء بتبوظ؟

صوت الرياح و العربيه بتجرى عالى بس صوت الارض كويس اوى و معزول؟

الصح للعربيه بنزين ٩٥ مش ٩٢؟؟

رعشات الفتيس عند الطلوع و الوقوف و كده؟

هل الموتور بيسحب كويس in gear مش مهم من الزيرو ، يعنى التالت مثلا لو سحبت عليه بيجمع بسرعه ولا بطه؟

التابلوه بعد شويه بيبقي بيزيق مع الارض المكسره و بيعمل اصوات؟؟

جزاكم الله خيرا و معلش على كتر الاسئله بس الواحد مش بيفكر يشترى كل يوم :)

طالع من عربيه محترمه وبتفكر فى اتنين اكثر احتراماً،،،،بص حضرتك انا من واقع خبرتى اللى مكملتش شهر فى العربيه،،،،وللعلم انا لسه مجبتهاش لانى لسه بفكر وبقارن بين الاسترا والانسيجنيا بعد مستبعدت كل المنافسين ومنهم الفلوانس،،،،

وعلى فكره طالما دخلت قسم الاوبل مش حتطلع منه الا بعد منقولك مبرووك على العربيه،،،مش حفيدك اوى فى الاراء العمليه لانى مجربتهاش لسه،،بس ممكن افيدك فى حته تانيه انى بقالى شهرين بجمع عنها معولمات من كذا مصدر وكذا مكان،،،،وده طبعاً لان زى محضرتك قولت الواحد مبيشتريش عربيه كل يوم

العربيه مجملاً محترمه جداً وعيوبها ان وجدت مش حتضايقك اوى زى عيوب اى عربيه واللى بتكون مؤثره اوى زى فتيس الفولكس باجن،،،او عدم ثبات الكورى،،،او عدم وجود كماليات ولمسات الشياكه فى اليابانى،،،،العزل بتاعها كويس اوى ونادر محتسمع صوت خارجى،،،،،،،التسارع بتاعها من بعد ال ٨٠ كويس جداً ثبات خيالى مش حتحس بيه فى عربيه تانيه،،،،قصه الرعشه دى شبه انتهت،،كانت فى موديل ٢٠١٣....٢٠١٤ ظبطوا القصه دى خلاص،،،،،التابلوه والصالون من جوه خامته محترمه جداً مفيش حته قلقله او تخبيط جوه خالص،،،،،،الافضل اكيد بنزين ٩٥ بس ٩٢ مش وحش،،،العبره فى جوده البنزين نفسه ونسبه الاوكتان فيه


طبعاً اساتذنا الكبار اللى هنا حيفيدوك اكتر منى فى استفساراتك،،،،والبوست اللى جاى ليك يكون تقريرك عن العربيه ان شاء الله

[Mohyeldin1974]

السلام عليكم يا اهل الاوبل الكرام

كنت بفكر ان شاء الله انى اغير السيفيك بتاعتى الى استرا كوزمو او فلونس

كنت عاوز اعرف منكو حاجات او عيوب عن الاسترا قرئتها على النت بره مصر و جوه مصر

العربيه حسساسه اوى للطرق الخشنه و بتنقل احساس الفيبريشن او الخشونه دى جوه جامد؟
مفيش اى احساس بخشونه وعربيه عفشتها ناعمه جدا بالرغم من عرض الجنط
العربيه بعد شويه من الاستخدام فيها رعشه او فيبريشن فى الدواسات بتاعت البنزين و الفرامل؟
مفيش رعشات فى الدواسات الرعشه بتكون احيانا بين النقلات او الانتظار ودى اعتقد راجعه لسوء البنزين فى مصر، العربيه نفسها كانت معايا فى لندن ولا عمرها رعشت ولا اشتكت

الهاند بريك الكهرباء بتبوظ؟
لا طبعا

صوت الرياح و العربيه بتجرى عالى بس صوت الارض كويس اوى و معزول؟
انا مش بجرى بس وصلت فى مره ل ١٨٠ عزل ممتاز بس فى عندى انا فى عربيتى صوت زى سلك بيخبط فى الصاج نتيجه الهوا اللى مقابل العربيه فوق سرعات ١٢٠ وغالبا هو سلك الاشاره اللى على الشمال محتاج يتثبت من جوه الصاج وميبقاش loose

الصح للعربيه بنزين ٩٥ مش ٩٢؟؟
فى مصر ال ٩٢ تقريبا هو ٨٠ و ال ٩٥ هو ٩٢
رعشات الفتيس عند الطلوع و الوقوف و كده؟
ان شاء الله فى صيانه ١٥ الف هنزلت السوف وير الجديد بعض الاعضاء قالولى انه قضى على الرعشه بشرط انه ميعلوليش rpm

هل الموتور بيسحب كويس in gear مش مهم من الزيرو ، يعنى التالت مثلا لو سحبت عليه بيجمع بسرعه ولا بطه؟
طلقه على السرعات العاليه ، تحت بيكون طلعتها بطيئه بس بالنسبالى مرضيه جدا
التابلوه بعد شويه بيبقي بيزيق مع الارض المكسره و بيعمل اصوات؟؟
لا طبعا العربيه الفينيش والتقفيل بتاعها تحفه والخامات هايله

جزاكم الله خيرا و معلش على كتر الاسئله بس الواحد مش بيفكر يشترى كل يوم :)

[CosmicOne]

يا جدعان مشكورين من هنا لبكره على المعلومات دي

طب نسأل بقا :)

سمعت ان استهلاك البنزين عالي هل ده طول الوقت ولا في الشد بس؟

صوت الموتور وانت مثلاً مسافر على 160كم كده و مثبت واضح ولا مختفى ولا عالي؟

الرعشه الي في الوقفه مثلاً في اشاره او زحمه واضحه اوي ولا فيبريشن بسيط و هل باقي الركاب بيحسو بيه؟

اخر حاجه حد معلش عندو بعض اسعار قطع الغيار و الصيانات و كده؟

[CosmicOne]

بالأضافه الي اخر اسئله كنت عاوز اعرف

هل الكوزمو ٢٠١٣ فيها نفس بيانات الكمبيوتر الى فى الشاشه الى بين العدادات؟
يعني بيقولك لو منسوب مية المساحات قلت او البنزين بيخلص او كده؟

هى العربيه فيها نظام follow me home او نظام تشغيل النور او السهاري لثواني و العربيه مقفوله زى البى ام كده؟

[Astra Lovers]

بص انا هكمل ورا الزملا
مفيش اهتزاز وانت واقف عالسلانسيه شبه منعدم واخساس ادا للراكي سواء اللي جمبك او را منعدم تماما
صوت الموتور عند ال١٦٠ بيعلي طبعا بس مش مزعج ولا مرتفع بالعكس

[CosmicOne]

طيب و بقيت الاصوات يا ريس

الهوا و الارض على ال١٦٠ دى؟

و هل في اي اجابات على اخر بوستين ليه :)

[m.farouk]

بالأضافه الي اخر اسئله كنت عاوز اعرف

هل الكوزمو ٢٠١٣ فيها نفس بيانات الكمبيوتر الى فى الشاشه الى بين العدادات؟
يعني بيقولك لو منسوب مية المساحات قلت او البنزين بيخلص او كده؟

هى العربيه فيها نظام follow me home او نظام تشغيل النور او السهاري لثواني و العربيه مقفوله زى البى ام كده؟

موجدين