أخيراااا والحمد لله عرفت سبب تسريب البنزين

[Hesham.H]

الزملاء الأعزاء

زى ما كتير من حضراتكو عارفين إنى كنت بشتكى من ريحه بنزين جامده جوه العربيه ... وإستهلاك البنزين بقى عالى
فطبعا عرفت إن فى تسريب .. أول الفحص كان لغطاء طرمبه البنزين ... وطلع سليم الحمد لله ... بعدها فحصت من تحت العربيه عند التانك والفلتر وخراطيم البنزين برضو كله تمام .. ماكنش فاضل غير ان التانك ينزل .. وطبعا البيه الصنايعى كسل ينزله وكانت حجته إنه مش لاقى سبب يحل التانك عشانها

توكلت على الله وروحت لواحد تانى ... راجل كبير ومحترم ... اول ما دخلت قلتله أنا عاوز أحل التانك ده ... قاللى اتفضل يا باشمهندس على البياره .. وبدأ إبنه يفك .. وبعد ما طلعه وبدأنا نكشف لقينا مكان خرطوم الراجع الصغير

اللى فى الصوره



الحمد لله ما لقيناش غيره ... وكان بيسرب من مكان اللحام ... وطلع المكان ده هو اللى راكب فيه الماسوره الرفيعيه اللى جوا التانك اللى اتحيرنا فيها ومش عارفين هى بتاعه إيه ... وكده عرفنا إنها بتاعه الراجع

روحت غسلت التانك اللى كان ملين بلاوى



وروحت لحمت الحته دى لحام نحاس ورجعنا ركبنا ... روحت فولت والحمد لله التسريب راح وريحه البنزين منعت

حبيت أنقل التجربه عشان كان فى كذا زميل عنده نفس المشكله

تحياتى

[MaaM]

مبارك عليك يا اتش
بس مافهمتش السيخ الحديد راكب ليه اصلا ؟

Sent from my HTC

[Hesham.H]

مبارك عليك يا اتش
بس مافهمتش السيخ الحديد راكب ليه اصلا ؟

Sent from my HTC

الله يبارك فيك يا باشا
السيخ ده ماسوره جوه التانك والسهم اللى فى الصوره بيشاور على طرفه اللى خارج بره التانك وراكب فيه خرطوم بنزين غالبا بتاع الراجع من الموتور

[فادى محمد]

ع البركه يا اتش..
في حاجه بقي بخصوص السيخ لحديد مش متاكد منها عندنا بس ممكن تطلع صح..
عندنا جهاز اسمه evap او الكونستر اللي هو بيكثف بخار البنزين اللي في التانك ويجمعه ويعمل له اعاده احتراق
لتوفير البنزين وتقليل الفاقد . الكونستر ده موجود ورا تجويف العجله اليمين وخرطومه واصل لفوق للمانفولد وطبعا من الطبيعي ان خرطومه التاني يكت ون واصل للتانك من الداخل .. اعتقد ان الماسوره اللي لقيتها جوه
التانك يكون لها علاقه به ,
وهذا ما لزم التنويه عنه ودمتم للنضال ..

[MaaM]

اه وضحت كدا. انا كنت فاكره سيخ مش ماسورة
طيب فيه ماسورة تانية ربع يوصة لو تفتكرها. عرفت بتاعة ايه

ممكن تقولي يا مواطن انت تقصد الماسورة البلاستيك الربع بوصة ؟ ولا الماسورة الحديد اللي عاملة زي السيخ او التيش ؟

Sent from my HTC

[m7nsh]

انا كنت مهمل فى الموضوع دا من فتره .. وكان بيحصل تنقيط بسيط وشويه زاد وقلت مش مشكله كبيره لأنى باتحرك قليل بالعربيه ..النهرده حطيت بنزين وفولت لحد اول تكه .. رحت وقفت بعدها عند جاد باجيب سندوتشات ..فى خلال 3 دقايق او اقل لقيت تحت العربيه بركه بنزين !! كذا لتر مثلا كميه محترمه !! بكره ان شاء الله هاروح اشوف القصه دى ..وربنا يستر !

ومبروك عليك يا اتش حل المشكله .. وادعيلنا ربنا يكرمنا بحلها :)

[فادى محمد]

اه وضحت كدا. انا كنت فاكره سيخ مش ماسورة
طيب فيه ماسورة تانية ربع يوصة لو تفتكرها. عرفت بتاعة ايه

ممكن تقولي يا مواطن انت تقصد الماسورة البلاستيك الربع بوصة ؟ ولا الماسورة الحديد اللي عاملة زي السيخ او التيش ؟

sent from my htc

مش عارف يا محمود . بس اعتقد الماسوره الحديد اللي زي السيخ

[Hesham.H]

ع البركه يا اتش..
في حاجه بقي بخصوص السيخ لحديد مش متاكد منها عندنا بس ممكن تطلع صح..
عندنا جهاز اسمه evap او الكونستر اللي هو بيكثف بخار البنزين اللي في التانك ويجمعه ويعمل له اعاده احتراق
لتوفير البنزين وتقليل الفاقد . الكونستر ده موجود ورا تجويف العجله اليمين وخرطومه واصل لفوق للمانفولد وطبعا من الطبيعي ان خرطومه التاني يكت ون واصل للتانك من الداخل .. اعتقد ان الماسوره اللي لقيتها جوه
التانك يكون لها علاقه به ,
وهذا ما لزم التنويه عنه ودمتم للنضال ..

فادى باشا
انا لاحظت الخرطوم اللى داخل على تجويف العجله اليمين اللى حضرتك تقصده وكان تفكيرى انه رايح على الماسوره الرفيعه اللى كانت مكسوره ... بس مكنتش اعرف ان جهاز تكثيف بخار البنزين موجود عندنا فى الفكترا .. دى معلومه مهمه جدا ما كنتش اعرفها قبل كده
وهاتخلينى امشى ورا الخرطوم ده واعرف مكان الجهاز ده واشوفه
تحياتى يا باشا

[Hesham.H]

مش عارف يا محمود . بس اعتقد الماسوره الحديد اللي زي السيخ

الساده المحترمون ... اليكم القول الفصل فى موضوع الماسوره الرفيعه والماسوره النص بوصه

طرف الماسوره الرفيعه اللى محمود كان فاكرها سيخ هو اللى باين فى الصوره وطلع يخص مكثف بخار البنزين زى ما توقع أستاذنا فادى

الماسوره النص بوصه هى اللى عليها السهم التانى وهى طولها حوالى من ٣٠ سم داخل التانك وخارج منها الجزء ده بره التانك ... لانى فورت الماسورتين لأنهم كانوا ملحومين قصدير غالبا من صاحب العربيه الأول ولحمناهم بنحاس

[MaaM]

للإفــادة

ديه صورة في التانك لآخر السيخ اللي بنتكلم عنه واللي طلع ماسورة ضيقة جدا وراكب عليها خرطوم راجع البنزين زي ما هشام بلغنا



ودا صورته وجانبه الماسورة الربع بوصة ( وهاتلاقوا مخرجها في الصورة اللي رفعها هشام معلم عليها بسهم أحمر وكاتب الماسورة النص بوصة)


صورة أخرى



وده الفيديو

Vectra B 1.6 Tank - YouTube

http://www.nilemotors.net/Nile/390219-a.html

[Hesham.H]

انا كنت مهمل فى الموضوع دا من فتره .. وكان بيحصل تنقيط بسيط وشويه زاد وقلت مش مشكله كبيره لأنى باتحرك قليل بالعربيه ..النهرده حطيت بنزين وفولت لحد اول تكه .. رحت وقفت بعدها عند جاد باجيب سندوتشات ..فى خلال 3 دقايق او اقل لقيت تحت العربيه بركه بنزين !! كذا لتر مثلا كميه محترمه !! بكره ان شاء الله هاروح اشوف القصه دى ..وربنا يستر !

ومبروك عليك يا اتش حل المشكله .. وادعيلنا ربنا يكرمنا بحلها :)

صديقى محنش ... توكل على الله وفك التانك وركز أوى ساعه الكشف عليه وبأمر الله هاتوصل لحل المشكله
نصيحه أخويه بلاش تطنش تانى موضوع تسريب البنزين لأنه فى منتهى الخطوره مهما كان بسيط وربنا يكفيك ويكفينا جميعا الشر
سيادتك بعد الفك وإكتشاف مكان التسريب هاتفضى التانك من اى بنزين طبعا بعد فك طرمبه البنزين والعوامه ... ووانت رايح المغسله هتاخد معاك كيس اريال من ابو ٢ جنيه وزجاجه خل طعام
هاتخلى الراجل يغسل التانك من بره ومن جوه كويس جداا بالاريال ... ويشطف كويس ويسيب حوالى ٥ لتر مياه تحط عليهم الخل وتهز التانك لغايه اما تتأكد ان الخل وصل لكل اجزاء التانك وبعد كده تروح لأى واحد عنده لحام نحاس
ده طبعا لو كان التسريب من خرم فى التانك لا قدر الله

أما لو موضوع خراطيم الراجع او وش الطرمبه فهى سهله بأمر الله ومش محتاج غسيل فى المغسله
تحياتى

[amr elsisi]

تحياتي لك استاذ هشام
والحمد لله الذي ابصرك بمكان العيب
بس في حاجة بسيطة كدة
ماتحطهاش في دماغك الان الا لو حصل تسريب تاني
او لو تعرف تصور فيديو في اتجاة اللحام الي انت عملتو والقديم من الداخل
الحاجة بئا يا سيدي
التنك من الداخل علية طبقة حماية بلحامك لة شلتها من منطقتة اللحام
وثوف يسبب صدأ بعد ذلك
وانظر الي تانك محمود بعد لما الطبقة اتشالت من عالية كان عامل ازاي من جوة

[MaaM]

بس ياعمرو مافيش لحام اتعمل في التانك اللي عندي ، وباردوا في صدا !
اتوقع حاجة تانية وهي فراغ التانك من البنزين لفترات كبيرة

[amr elsisi]

ممكن برضو
بس انصحك بتغيرة حفاظا علي الطرمبة والرشاشات
حاول اعملة ميزانية
بصراحة انا لما شوفتو كنت زعلان جدااااا
ولم اريد ان اتكلم معاك فية علشان اغلبيت حلولي هيا البتر
كان عندي شرخين في التنك من الاسفل واحد يمين والتاني شمال
بينشعو بس
طبعا الحل اللحام او التغير
الحمد لله ربني وفقني ولحمتة علي البارد
والحمد لله تمام بس اهم حاجة ابعد عن اللحام السخن

[Hesham.H]

ممكن برضو
بس انصحك بتغيرة حفاظا علي الطرمبة والرشاشات
حاول اعملة ميزانية
بصراحة انا لما شوفتو كنت زعلان جدااااا
ولم اريد ان اتكلم معاك فية علشان اغلبيت حلولي هيا البتر
كان عندي شرخين في التنك من الاسفل واحد يمين والتاني شمال
بينشعو بس
طبعا الحل اللحام او التغير
الحمد لله ربني وفقني ولحمتة علي البارد
والحمد لله تمام بس اهم حاجة ابعد عن اللحام السخن

لحام على البارد ازاى يا هندسه ؟!! تقصد انابيب لحام الحديد ولا حاجه تانيه ؟؟ وسعر التانك استيراد حوالى كام عشان لو حبيت اغيره
تحياتى