العفشة الخلفية

[بيشوى_رمزى]

السلام عليكم
اذاى الوحوش كلهم؟
دلوقتى انا جبت الدنجل الخلفى كامل بمساعدينة بميزانة بسلاطاته ببابا غنوجة 4 مسمار سكينة
سؤالى ينفع افك الجنبين بس و اركبهم فى الدنجل اللى عندى " قباقيب " و لا لازم حتة واحده ؟؟؟؟

[MaaM]

ينفع ، لأني ركبت السكاكين على الدنجل الخلفي اللي عندي وكان راكب عليه قباقيب ، فبالتالي ينفع يركب القباقيب على الدنجل اللي انت اشتريته طالما باردوا 4 مسمار اتنين فوق فواصل أبعد واللي تحت فواصلهم اقرب




جبت الدنجل بكام ؟
وليه عايز تركب القباقيب ؟ دا السكاكين تحفة في الفرامل

[بيشوى_رمزى]

محمود باششششششششششششششششششااااااااااااااااا
ازاى حضرتك؟
انا جبت سكاكين و عايز اركبهم مكان القباقبيب اللى عندى و جبتة كامل ب1200 مش عارف كتير ولا ايه؟
و رأيك اركبة كامل ولا اركب الجانبين دلوقتى و لما اجى اعمل العفشة ابقى اركب الدنجل

[MaaM]

لا معرفش السعر كتير ولا لأ ، بسأل بس لمجرد المعرفة

مسألة تركيب الدنجل دلوقتي ولا بعدين ، دا على حسب انت اشتريته ليه ؟ يعني مثلا العفشة الخلفية عندك تعبانة عشان كدا اشتريته مش كدا باردوا ؟

[بيشوى_رمزى]

هو مساعد تعبان شمال ورا و فى جلبتين تعبانين مشققين كدة بس مش تعبنى يعنى بس الدنجل اللى جبته زيرو بجد فقولت ساعة ماوقفها علشان العفشة انزل اللى فيها و اركب ده

[MaaM]

يبقى خلي كله مرة واحدة أحسن ، بلاش شغل وتكلفة مرتين

[m7nsh]

انا رأيى كده برده .. حل كله ونزله مره واحده .. ليه تعملها على مرتين بفيلمين و مصنعيتين ؟
دوووس يا ريس .. و ابقى قولنا ايه ايه الاخبار

[بيشوى_رمزى]

محنش باشا و محمود باشا مش عارف اشكركم ازاى؟

اصل الجنبين هركبهم انا مش مستاهله صنايعى انا حلتهم من الدنجل هما محتاجين تيل لان فى جنب التيل عاوز يروح المولد بس الطنبورة زيرو و الصاجة اللى بتمسك التيل فى جنب مش موجودة فيه كلمت الراجل قالى عدى خدها فبأذن الله هجيب التيل بكرة و هحاول اصور الموضوع مع ان استاذ maam كان عمله قبل كدة كل اللى انا خايف منة ان يبقى حساس ال abs رايح النار علشان مش عايز افك و اركب 15 مرة و تيل الهاند فيه نصه فاحتمال اغيره بالمرة ادعولى بقى يا وحوش

[hilal]

محنش باشا و محمود باشا مش عارف اشكركم ازاى؟

اصل الجنبين هركبهم انا مش مستاهله صنايعى انا حلتهم من الدنجل هما محتاجين تيل لان فى جنب التيل عاوز يروح المولد بس الطنبورة زيرو و الصاجة اللى بتمسك التيل فى جنب مش موجودة فيه كلمت الراجل قالى عدى خدها فبأذن الله هجيب التيل بكرة و هحاول اصور الموضوع مع ان استاذ maam كان عمله قبل كدة كل اللى انا خايف منة ان يبقى حساس ال abs رايح النار علشان مش عايز افك و اركب 15 مرة و تيل الهاند فيه نصه فاحتمال اغيره بالمرة ادعولى بقى يا وحوش

ربنا يوفقك يا بطل
والف مبروك مقدما
وحاسب على نفسك طالما هتعملها لوحدك ، وربنا يسترها معاك