فكرة عظيمة لازم اقولها .. واتاكد من صحتها

[م.أحمد الدسوقي]

السلام عليكم

دلوقتي انا ان شاء الله فكرت كتير وزي ما قولتلكم قبل كدا ناوي علي فيكترا بي تو

بس انا بدور علي حاله نضيفة للبيع وطبعا البحث صعب

لكني فكرت فكرة احلي

بالنسبة للعربيات الكامله اللي بتيجي بورسعيد استيراد

ايه رأيكم اخد عربية اوبل اي حاجه واجيب عربيه استيراد انضف حاجه واحطها جوة العربيه بتاعتي

هل ده كلام صح ولا عك؟؟!!!

[Maghraby1987]

هي فكره كويسه بس اعتقد انها هتكلفك كتيير
و كمان لازم تتعمل عند حد حريف اوبل عشان الدنيا تطلع تمام

[haissam24h]

مكلفه ومحتاجه صنايعيه تمام وفرق التكلفه هيركبلك اوبل نظيف

والتكلفه ديه ممكن توصل ل55 الف ومش هتبقى برضو مرتاح عشان هتبقى عارف من جواك انك مفضى عربيه من عربيه وهتحتاج مكان عشان تشيل فيه حاجه القديمه وممكن تلاقى عقباك فجائيه خصوصا ان الاستيراد اوقات بتيجى بمواصفات وحجات مختلفه عن الى هنا

ممممكن تركب اوبل 2002 اى بى اس وفتحه سقف وكماله كل شى وحاله نظيفه فى حدود 60 الف لان اى عربيه اى كلام اوبل هتقول مثلا 40 الف
وهتجيبه عربيه من بورسعيد معوقين ب30 يبقى 70 الف كده شكرا

[Maghraby1987]

مكلفه ومحتاجه صنايعيه تمام وفرق التكلفه هيركبلك اوبل نظيف

والتكلفه ديه ممكن توصل ل55 الف ومش هتبقى برضو مرتاح عشان هتبقى عارف من جواك انك مفضى عربيه من عربيه وهتحتاج مكان عشان تشيل فيه حاجه القديمه وممكن تلاقى عقباك فجائيه خصوصا ان الاستيراد اوقات بتيجى بمواصفات وحجات مختلفه عن الى هنا

ممممكن تركب اوبل 2002 اى بى اس وفتحه سقف وكماله كل شى وحاله نظيفه فى حدود 60 الف لان اى عربيه اى كلام اوبل هتقول مثلا 40 الف
وهتجيبه عربيه من بورسعيد معوقين ب30 يبقى 70 الف كده شكرا

اعتقد الراجل قصده يجيب نصين استيراد مش عربيه كامله

[mo7a_mo7a]

هتكلفك كتيير

[haisam ali]

فكره حلوه .... احنا شغالين دلوقتى فى واحده كده بالظبط عربيه موديل ١٩٩٩ فيكترا b1 مركونه بقالها حوالي ٦ سنين اشتريناها ب ٢٦ الف تمام واشترينا عربيه كامله فيكترا b1 cdx نصين ب ١٤ الف وبننقل قطع انما مش بنقص ونركب فباذن الله نركب ونخلص وأبقى اقول لحضراتكم النظام ايه ..........!

[sherif moneer]

اقولك فكره اصيع؟
هات فيكترا بي 1
متبهدله وعايزه ماتور وصالون زباله وكل العبر هتيجي ب 35 الف
روح اشتري نصين كاملين بي 2 ب حوالي 12 الف مثلاً
وشيل وغير و ظبط هتلاقيك ف الاخر ركبت عربيه بي تو محترمه جدا ونضيفه
بس الميزه ف انك هتشتري بالرخيص ف يبقى قدامك مجال كويس انك تعدل وتصرف من غير خساره

[sherif moneer]

استاذ هشام علي قال اللي انا عايز اقوله :)

[hagagatc]

بص يا كبير كورسليه فيكترا b2 كامل بصالونه كامل حيعمل في حدود ٢٠ الف ممكن يزيد او يقل تحطه في عربيه فيكترا بي ١ منيول مثلا عامله في حدود ٤٣ او ٤٥ واهم حاحه تكون سليمه ااقل من كده ممكن تكون حاله البودي مش تمام

[haissam24h]

40 + 20 = 60 هيركب بى تو معا احترامى لكل الاراء والافكار بدون ما يكون اتلعب فيها نهائى وحاله نظيفة برضو

ومش تنسى سنه الموديل الوقتى بقت بتفرق وعشان تجيب عربيه سليمه فى الاساس ومركونة فى وقتنا ده هيلف كثير

[MOHAMEDEBAID75]

عايز الصح اشترى ورق اوبل عامله حادثة هتاخد منها الرقم بس فى حدود 20 الف وتجيب عربية معوقين من بورسعيد بنفس النمر بتاعتك وكل الى هتعمله هتشيل الرقم من الجديدة وتغير الرقم وتدق رقم القديم على الموتور او تاخد فارغة الموتور القديم كده العربية هتعمل معاك فى حدود 40 الف جنية بس

[Maghraby1987]

عايز الصح اشترى ورق اوبل عامله حادثة هتاخد منها الرقم بس فى حدود 20 الف وتجيب عربية معوقين من بورسعيد بنفس النمر بتاعتك وكل الى هتعمله هتشيل الرقم من الجديدة وتغير الرقم وتدق رقم القديم على الموتور او تاخد فارغة الموتور القديم كده العربية هتعمل معاك فى حدود 40 الف جنية بس

بس لو اتقفش هيتعمل معاه الجلاشه :)

[Hesham.H]

هى فكره كويسه وممكن توفر حوالى خمس الاف جنيه عن انك تجيبها سليمه ... بس لازم تاخد بالك من شويه حاجات مهمه جداااا
حذااااااارى من نقل الأرقام او اللحامات
تشترى عربيه قالبها مظبوط ومش واخده خبطات ... مش مشكله العفشه او الموتور والصالون عشان طبيعى ان اللى هايجى استيراد افضل بمراحل من اى عربيه فى مصر
العربيه كامله سى دى اكس وارد اليابان بى ٢ تمنها ١٤ الف جنيه ولو عاوز انا ممكن اعرفك على حد يجيبلك طلبك باللون اللى انت عاوزه
تفضى النصين اللى هاتجيبهم فى العربيه عند حد بيفهم فى الاوبل
الفكره حلوه بس اللى أهم منها التنفيذ الصح
تحياتى

[Maghraby1987]

هى فكره كويسه وممكن توفر حوالى خمس الاف جنيه عن انك تجيبها سليمه ... بس لازم تاخد بالك من شويه حاجات مهمه جداااا
حذااااااارى من نقل الأرقام او اللحامات
تشترى عربيه قالبها مظبوط ومش واخده خبطات ... مش مشكله العفشه او الموتور والصالون عشان طبيعى ان اللى هايجى استيراد افضل بمراحل من اى عربيه فى مصر
العربيه كامله سى دى اكس وارد اليابان بى ٢ تمنها ١٤ الف جنيه ولو عاوز انا ممكن اعرفك على حد يجيبلك طلبك باللون اللى انت عاوزه
تفضى النصين اللى هاتجيبهم فى العربيه عند حد بيفهم فى الاوبل
الفكره حلوه بس اللى أهم منها التنفيذ الصح
تحياتى

بس مش اليابان دي بتكون دركسيون يمين؟

[بيشوى_رمزى]

رائى مفيش زى تقفيل المصنع