معلش شويه استفسارات عن الفيكترا b2

[Dr AE]

السلام عليكم
باختصار بعد اللانوس ربنا اكرمني وجبت فيكترا 2000 اوتوماتك 2000 سي سي كاملة
طبعا مش محتاج اقول اننا كان مضحوك عليا واكتشفت اني كنت راكب سبت غسيل قبل كده
المهم ...عايز اعرف ايه اللي يتعمل بخصوص الصيانه وفين وايه المفروض يتعمل غياز زيت زيت فتيس وما الي ذلك
النقطة التانية شاشه الاعطال بتكتبلي "check break light" ...تقريبا ...وفعلا كانت نور الاشارة والفرامل مش شغال...بس غيرتهم عند الكهربائي واتصلح ...بس لسه الرساله بتظهر..فين العيب ..؟؟
معلش يا رجالة....اخوكم مستجد
شكرا

[MaaM]

وعليكم السلام ورحمة الله وبركاته

العربية اللي معاك cdx ، مش كدا ؟

دا اقتباس لردي في مشاركة قبل كدا مع بعض التعديل لحالتك

1- زيوت: زيت 5000 الاف لزوجة 20w50 (شيل ، كاسترو ، وولف ، موبيل)
2- سيور: سير الكاتينة كل 40-60 الف
- سير الدينامو هايتغير مع الكاتينة
3- فلاتر: فلتر بنزين 35 جنيه ، فلتر هواء بولندي 60 جنيه ، فلتر تكييف 60 جنيه ، فلتر زيت 25 جنيه بولندي وبتغيره مع الزيت كل مرة أو مرتين زيت
4- بوجيهات: جي ام اتنين شمعة اتحاد أوربي بـ 125 جنيه أو 130 ، تقريبا اللي عندك 3 شمعة
5- طرمبة المياه: من 190 - 240 جنيه ، كل 80 الف أو كل تغير مرتين سير كاتينة وسبب التغيير يإما صوت جاي من ناحيتها يإما الوقاية خير من العلاج وبفضل الأخيرة
6- زيت فتيس: شيل أو وولف أو موبيل أو جانك كل 40 الف كيلوا بس معرفش كام لتر بالظبط عموما اشتري 4 لتر
7- ثرموستات الكوعة: اتأكد من سلامتها من خلال تجربتها في مية سخنة أو راقب مؤشر عداد الحرارة ، لو بايظ هاتشتري واحدة جديدة ، 140 -180 جنيه الأفضل والاحسن gm طبعا بس لو لاقيتها
8- دورة الغسيل: هاتغسل الدورة وتحط مية ابرو / موبيل / ِAC Delco / أو مية تكييف مع سائل مبرد وممكن بدل مية التكييف مية مقطرة جانك

فيه حاجات تانية في السيرفيس مهمة باردوا بس معرفهاش ممكن يدلك عليها عبدالرحمن حجاج أو ايمن حمدي عشان معاهم نفس الموتور

[hagagatc]

بالنسبه للصيانه اهم حاجه تعمل سيرفيس للموتور وتغيير سير الكاتينه وزيت الموتور شيل اصفر ٥٠٠٠
زيت الفتيس هات نوع نضيف زي موبيل ٣٢٠ atf عامل ٥٥ جنيه وفي انواع تانيه نضيفه
وقبل كل ده تكون سال صاحبها عامل الكلام ده قريب ولا لا لو تثق فيه

[hagagatc]

وعليكم السلام ورحمة الله وبركاته

العربية اللي معاك cdx ، مش كدا ؟

دا اقتباس لردي في مشاركة قبل كدا مع بعض التعديل لحالتك
فيه حاجات تانية في السيرفيس مهمة باردوا بس معرفهاش ممكن يدلك عليها عبدالرحمن حجاج أو ايمن حمدي عشان معاهم نفس الموتور

الله ينور عليك يا محمود انت مسبتش حاجه نقلها

[Dr AE]

ربنا يبارك فيك الف شكر....
اللي معايا cdx فعلا...
كل اللي بتقوله تمام ......طب اعمل الكلام ده فين ...برضو
ثالثا عندك يا محمود باشا فكرة عن حوار شاشة الاعطال؟؟؟

[Dr AE]

شكرا يا استاذ عبدالرحمن
كل اللي قلته هيتعمل بخلاف زيت الفتيس الراجل اللي بايعلي العربية مغيرة من 3 اسابيع وانا واثق فيه الصراحة
مانتحرمش منكم
طب في معلومات عن حوار شاشة الاعطال
الكهربائي اتصلت بيع قالي افصل البطارية شويه والرساله هتبطل تظهر
انا حاسس انه بيحشش ولا ايه؟؟؟

[hagagatc]

شكرا يا استاذ عبدالرحمن
كل اللي قلته هيتعمل بخلاف زيت الفتيس الراجل اللي بايعلي العربية مغيرة من 3 اسابيع وانا واثق فيه الصراحة
مانتحرمش منكم
طب في معلومات عن حوار شاشة الاعطال
الكهربائي اتصلت بيع قالي افصل البطارية شويه والرساله هتبطل تظهر
انا حاسس انه بيحشش ولا ايه؟؟؟

بص يا باشا في الدراع الي عندك بتاع المساحات حتلاقي فيه زرارين الي بتقلب منهم افضل دايس علي واحد منهم مش فاكر ايهم حيعم ريست للشاشه والقرايات ورد عالينا

[sherif moneer]

لو الكاسيت بتاع العربيه اصلي متفصلش البطاريه اﻻ لو كنت عارف الكود بتاعه
عشان لو فصلت البطاريه هتحتاج تدخل الكود عشان الكاسيت يشتغل تاني
و وزياده على كلام الاخوه الافاضل بس انا بعتبر دي اهم حاجه وهيا انك تشتغل عند صنايعية اوبل
متروحش لصنايعي يقعد يستكشف ف العربيه ويبوظ ويكلفك
اهم حاجه عشان تستمتع بالعربيه ومتقرفكش تشتغل عند الناس اللي فاهمين فيها
والف مبروك يا باشا و ربنا يديك خيرها وبكفيك شرها :)

[A.Sattar]

الف مبروك وربنا يباركلك فيها
انا كمان لسه جايب واحده 2001 1600 مانيوال الكﻻم ده يمشي معايا يا رجالى وﻻ فيه حاجة تاني

[saddam]

السلام عليكم
باختصار بعد اللانوس ربنا اكرمني وجبت فيكترا 2000 اوتوماتك 2000 سي سي كاملة
طبعا مش محتاج اقول اننا كان مضحوك عليا واكتشفت اني كنت راكب سبت غسيل قبل كده
المهم ...عايز اعرف ايه اللي يتعمل بخصوص الصيانه وفين وايه المفروض يتعمل غياز زيت زيت فتيس وما الي ذلك
النقطة التانية شاشه الاعطال بتكتبلي "check break light" ...تقريبا ...وفعلا كانت نور الاشارة والفرامل مش شغال...بس غيرتهم عند الكهربائي واتصلح ...بس لسه الرساله بتظهر..فين العيب ..؟؟
معلش يا رجالة....اخوكم مستجد
شكرا

صديقي المواطن
حبيت أقلك مبروك عربيتك الجديدة وربنا يديمها خيمة فوق راسك وأنا سعيد جدا لما أشوف مواطن بيطبق مقولة
اﻹعتراف بالخطأ فضيلة
ووصف عربيتك السابقة إنها سبت غسيل جاء على هوايه وعجبتني أوي بلاغتك الكلامية في وصف عربيتك القديمة وربنا خلصك منها على خير عقبال الشعب المصري كله يخلص من العربية اللي بتشوه صورة الشعب المصري بره
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[kornclub]

ربنا يباركلك فيها - محتاج تقعد تقرا شويه في المواضيع هتتعلم كتير الاوبل مختلفه عن الكوري و اصيله جدا