الحقونى العربيه شكلها هتجيب فتيس

[andrew uwj]

كنت عملت موضوع قبل كده علشان اسال على زيت الفتيس لان الاول كان بيدخل بالعافيه و الحمدلله غيرت الزيت كله ب موبل 80 90 و الراجل حط زى ما قلتو كده 1.9 لتر و العربيه بقت تمام بس من يومين كده الاول بقى مبيتخلش عدل برضه و سعات بحس ان المجرى مسدوده

ده كده فى ايه تانى ايه اللى بيحصل و اه على فكره الزيت اللى نزل كان بايظظظظظ

[MaaM]

معلومة يمكن تفيد ، ماتشعقش غيار والعربية مبطلة/مركونة
عملتها في مرة وبيت العربية ليلتين ، العربية مرضتش تجيب أي غيار غير اما جيبت المارشدير

[ابو لؤى]

قبل ماتجيب الاولانى حاول حضرتك وانت ممور تجيب الغيار الثانى ثم الاولانى وبعد كده ارفع رجلك من الدبرياج

[ahmed salah90]

حاول تجيب غيار و لو مجاش معاك كارك ديبرياج و هات الغيار تاني لو مجاش برضوه شد الواير بتاع الديبرياج ممكن يكون الاسطوانه فيها موشكله لكن لو مافيهاش حاجه يبقى شوف ميكانيكي كويس حاول تحسسه انك هاريش الحوار علشان مايكلكش و لو هيفتح جامد في الفتيس خليه يقول التكلفه بتاعت التصليح بالضبط و لو هايقرب من الجديد يبقى هات الجديد عموما الفتيس معظم الميكانيكيه موش بيشتغلو فيه يعني هات جديد لو فيه عيب كبير او كتيره و ربنا يعوض عليك

[tananybasha]

ممكن بوش فى عقربة الغيارات

[andrew uwj]

ممكن بوش فى عقربة الغيارات

طب و ده تكلفتو هتبقى فى حدود كام لانى بصراحه بفكر لو العربيه هتفتح بقها فى فتيس و كلام ده هبيعها و هجيب حاجه من 2 يا اما مارسيدس e200 موديل 1988 او كيا كارنز 2010