كفائة تكييف الاوبل فيكترا 97

[al_manara]

السلام عليكم

ياشباب . بدور علي عربية اوبل 97 .
وانا بدور لقيت ناس بتقولي ان تكيف العربية وحش . والعربية فيها مشاكل منة . والعربية بتسخن .
وهتلاقي اغلب الي ركبينها فاتحين الشباك في الصيف . لانة اسوأ حاجة في العربية .


السؤال في كفائة التكييف . ممكن يتقارن بانهو عربية ياباني او كوري ؟
وايه اخبارة في الصيف (في الحر الشديد ) .

وارجوا ان يكون الرد بمقارنة بين التكيفات .
يعني محدش يكتبلي (تكيفها تلاجة ) ويسكت

[BrainStorm]

تكييف الفيكترا لو مظبوط صح ومراوحك والثرموستات مظبوطين يبقى انسى الصيف تماما وأقدر أقولك إنه هيكون زي الياباني بالضبط وكمان العربية مش هتسخن

[Maghraby1987]

تكييف الفيكترا لو مظبوط صح ومراوحك والثرموستات مظبوطين يبقى انسى الصيف تماما وأقدر أقولك إنه هيكون زي الياباني بالضبط وكمان العربية مش هتسخن

الكلام ده من الاخر

[BrainStorm]

نصيحة كمان ماتشتريش عربية فيكترا تكيفها مش شغال أو عايز يتشحن علشان ده لو حصل فعلا هتلف حوالين نفسك ومصاريفه كتير وفي الاخر هيحصل حاجة من ال 2 , ياهتغير حاجات كتير وهتصرف كتير برده علشان الدنيا تظبط أو هتكره اليوم اللي اشتريت العربية فيه .

[islambana]

بص يا باشا انا ركبت الفيكترا 5 سنين طلعت عينى كل ما اصلح حاجه حاجه تانيه تبوظ والتكيف كل ما اصلحه شهر ويبوض والخراطيم بتضرب كل شويه ومش هتعرف تستخدمه فى الصيف عشان العربيه بتسخن لوحدها من غير تكيف وبعتها وجيبت لانسر كرستاله عربيه محترمه تكيفها تلاجه بس انت تستحمله ما بيسختش العربيه ميتقرنش تكيفها بكل الاوبل ده غير ان ملهاش مصاريف

[sherif moneer]

اظبط ترموستات الحراره و سرعات المراوح واشحن فريون نضيف والتكيبف هيخليك تصدع من برودته
المشكله يا باشا ان اللي كره العربيات الاوبل كان بيشتغل ف العربيه عند صنايعيه مش اوبل وميفهموش حاجه فيها
وعموما لو حضرتك بتدور على فخامه وثبات و فرامل و وسع كمان خليك ف الألماني عموما

[hilal]

شوف يا سيدي
إذا كان يهمك التكييف جدا ، الياباني يتفوق في نفس الفئة السعرية ، يبقى ابعد عن الاوبل وهات لانسر او تويوتا
أما إذا كنت تبحث عن مميزات أخرى كالثبات والقوة ، يبقى الالماني يكسب

[cayman69300]

بص يا باشا انا ركبت الفيكترا 5 سنين طلعت عينى كل ما اصلح حاجه حاجه تانيه تبوظ والتكيف كل ما اصلحه شهر ويبوض والخراطيم بتضرب كل شويه ومش هتعرف تستخدمه فى الصيف عشان العربيه بتسخن لوحدها من غير تكيف وبعتها وجيبت لانسر كرستاله عربيه محترمه تكيفها تلاجه بس انت تستحمله ما بيسختش العربيه ميتقرنش تكيفها بكل الاوبل ده غير ان ملهاش مصاريف

انت بقيت يابانى
لو سمحت ارجع على الجروب بتاعك و سيب الاوبلاوية فى حالهم

[kornclub]

الياباني مش بقوه و ثبات الالماني بس لو انت راجل مش بتاع جري ولا حركات هاتلك تويوتا و هتنبسط و لو عايز الماني يبقي توكل علي الله دور علي حاله و صيانات وانت هتستريح

[al_manara]

بص يا باشا انا ركبت الفيكترا 5 سنين طلعت عينى كل ما اصلح حاجه حاجه تانيه تبوظ والتكيف كل ما اصلحه شهر ويبوض والخراطيم بتضرب كل شويه ومش هتعرف تستخدمه فى الصيف عشان العربيه بتسخن لوحدها من غير تكيف وبعتها وجيبت لانسر كرستاله عربيه محترمه تكيفها تلاجه بس انت تستحمله ما بيسختش العربيه ميتقرنش تكيفها بكل الاوبل ده غير ان ملهاش مصاريف

هو دة الكلام الي سمعتة من كذا واحد .

اظبط ترموستات الحراره و سرعات المراوح واشحن فريون نضيف والتكيبف هيخليك تصدع من برودته
المشكله يا باشا ان اللي كره العربيات الاوبل كان بيشتغل ف العربيه عند صنايعيه مش اوبل وميفهموش حاجه فيها
وعموما لو حضرتك بتدور على فخامه وثبات و فرامل و وسع كمان خليك ف الألماني عموما

انا بدور علي (فخامه وثبات و فرامل) مقابل السعر .
ودة موجود في الاوبل
لاكن واضح من كلامك ان في لعب في التكيف .

شوف يا سيدي
إذا كان يهمك التكييف جدا ، الياباني يتفوق في نفس الفئة السعرية ، يبقى ابعد عن الاوبل وهات لانسر او تويوتا
أما إذا كنت تبحث عن مميزات أخرى كالثبات والقوة ، يبقى الالماني يكسب

التكيف مهم وبشغلة وقت كبير .
عاجبني ان الاوبل فيها حاجات زي ما sherif moneer قال . بس الخوف كله من التكييف .
بالنسبالي اللانسر مش فارقة عن الاكسيل . لاكن الاوبل فارقة كتير بين الاتنين . كفاية الفرامل وشاشة الاعطال .

[islambana]

علي فكره انا نزلت من الفيكترا ودفعت 10 الالاف جنيه فرق واشتريت كريستاله
محسيتش بفرق غير في خامات العربيه الداخليه (الأوبل افخم بمراحل ) ووسع الشنطه (شنطه الاوبل بحر) وبرستيج العربيه
انما باقي الحاجات محسيتش بفرق
يعني بالنسبه للتسارع مفيش فرق كبير عشان وزن اللانسر نص وزن الاوبل
بالنسبه للثبات تحت ال 140 الفرق لصالح الأوبل بنسبه 20 % فوق ال140 لسه مجربتش الانسر بس أكيد الأوبل تتفوق بنسبه 100 %
بالنسبه للفرامل فرامل الانسر احلي بمراحل من فرامل الأوبل ( ومحدش يسألني ازاي وبالمناسبه عربيتي كان راكب فيها الايه بي اس الكبير الاوروبي ) وكذا واحد معاه اوبل يجرب الفرامل بتاعت اللانسر ويحلف بيها
نصيحه مني لو انت مشاويرك كتيره هات لانسر
لو عاوز تكييف هات لانسر
لو عاوز برستيج ومنظره وميهمكش المصاريف يبقي اوبل
لو ميهمكش اعاده البيع يبقي اوبل
لو ليك سكه في قطع الغيار وعندك استعداد تنزل تشتري حاجاتك من الحرفيين كل فتره وتدور علي اسعار الجديد والاستيراد وتقارن بينهم يبقي هات اوبل

[al_manara]

علي فكره انا نزلت من الفيكترا ودفعت 10 الالاف جنيه فرق واشتريت كريستاله
محسيتش بفرق غير في خامات العربيه الداخليه (الأوبل افخم بمراحل ) ووسع الشنطه (شنطه الاوبل بحر) وبرستيج العربيه
انما باقي الحاجات محسيتش بفرق
يعني بالنسبه للتسارع مفيش فرق كبير عشان وزن اللانسر نص وزن الاوبل
بالنسبه للثبات تحت ال 140 الفرق لصالح الأوبل بنسبه 20 % فوق ال140 لسه مجربتش الانسر بس أكيد الأوبل تتفوق بنسبه 100 %
بالنسبه للفرامل فرامل الانسر احلي بمراحل من فرامل الأوبل ( ومحدش يسألني ازاي وبالمناسبه عربيتي كان راكب فيها الايه بي اس الكبير الاوروبي ) وكذا واحد معاه اوبل يجرب الفرامل بتاعت اللانسر ويحلف بيها
نصيحه مني لو انت مشاويرك كتيره هات لانسر
لو عاوز تكييف هات لانسر
لو عاوز برستيج ومنظره وميهمكش المصاريف يبقي اوبل
لو ميهمكش اعاده البيع يبقي اوبل
لو ليك سكه في قطع الغيار وعندك استعداد تنزل تشتري حاجاتك من الحرفيين كل فتره وتدور علي اسعار الجديد والاستيراد وتقارن بينهم يبقي هات اوبل

طيب انت هاتحيرني

هو كان ايه حالت عربيتك الاوبل ؟

لان موضوع الفرامل دة غريب !

شكرا لتفعالك

[sherif moneer]

انا اول مره اسمع ان فرامل الاوبل وحشه !!
ده انا ركبت استرا سنتين من غير ايه بي اس وكان تحفه
و ركبت فيكترا سنه من غير اي بي اس وكانت تحفتين
و عدلت الفرامل سكاكين و ركبت ايه بي اس والفرامل بقت شوية تحف ف بعض
ديه أ ب ألماني فرامل وثبات :d

[islambana]

ياجماعة انا مقولتش ان فرامل الأوبل وحشه لا سمح الله بالعكس فرامل الأوبل حلوه جدا بس لازم ال abs بس انا قولت ان فرامل اللانسر احلي لسبب ان وزن العربيه اخف
والكلام ده بيبقي واضح معايا وانا بجري علي الزراعي لو قدامك مطب وداخل عليه علي 120 مثلا بالأوبل ودوست فرامل بنسبه كبيره مش هتلحق تقف قبل المطب بالأوبل بالانسر هتقف قبل المطب

[sherif moneer]

ياجماعة انا مقولتش ان فرامل الأوبل وحشه لا سمح الله بالعكس فرامل الأوبل حلوه جدا بس لازم ال abs بس انا قولت ان فرامل اللانسر احلي لسبب ان وزن العربيه اخف
والكلام ده بيبقي واضح معايا وانا بجري علي الزراعي لو قدامك مطب وداخل عليه علي 120 مثلا بالأوبل ودوست فرامل بنسبه كبيره مش هتلحق تقف قبل المطب بالأوبل بالانسر هتقف قبل المطب

ﻷ يا باشا كده صدقني الاوبل اللي كانت معاك مش مظبوطه
انا بقول ل حضرتك سنتين بالاسترا وسنه بفيكترا من غير اي بي اس وماشاء الله يعني
وانا سوقت الكريستاله و الكروﻻ 2001 والاوبل فراملها احلى من الاتنين