استفسار هام لخبراء الاوبل

[loverdemon]

السلام عليكم ورحمة الله وبركاته

بعد اذن اصحاب الخبره افادتي ف عربيه فكترا 97 اوتوماتك 2000

العربيه انا بشتريها وحالتها تمام رشه بره فبريكه جوه مكنه وفتيس بحاله جيده وصاحبها بيتكلم في 45.000 سعر نهائي

بس المشكله هنا بقى ان المكنه عامله 350.000 كيلومتر لكن حالتها جيده

يا ترى المكنه كده تعتبر في ايامها الاخيره ولا ده شيء عادي ويا ترى السعر ده معقول ولا ايه رايكم

ارجو الافاده من الاعضاء الكرام ولكم مني جزيل الشكر

[بيشوى_رمزى]

ممكن تقيس كبس السلندرات و تشوفه كويس ولا لا ؟

[Astra Lovers]

قيس كبس الموتور ودا اريحلك عشان تطمن طالما العربيه كحاله انت شايفها كويس يبقي اللي محيرك الموتور فتكشف عليه احسن طبعا العداد عالي بس برده قيس الموتور والاهم الفتيس برده يتكشف عليه
فالتوكيل ولازم تحط العربيه علي الجهاز برده
السعر معرفش

[Astra Lovers]

متابع

[loverdemon]

قيس كبس الموتور ودا اريحلك عشان تطمن طالما العربيه كحاله انت شايفها كويس يبقي اللي محيرك الموتور فتكشف عليه احسن طبعا العداد عالي بس برده قيس الموتور والاهم الفتيس برده يتكشف عليه
فالتوكيل ولازم تحط العربيه علي الجهاز برده
السعر معرفش

ممكن تقيس كبس السلندرات و تشوفه كويس ولا لا ؟

الف شكر للجميع على الرد والاهتمام

بس يا ترى اقدر اعرف موضوع كبس الموتور ده من الميكانيكي المتخصص ولا لازم التوكيل وكمان عايز اعرف هوه كمبيوتر كشف الاعطال ممكن يطلعلي حالة الموتور والفتيس ولا لا ؟؟

[بيشوى_رمزى]

لا مش لازم التوكيل لو حضرتك قريب من المعادى فى بنزينة توتال اللى على الاتوستراد
الكشف بالكومبيوتر هيوضح لحضضرتك مشاكل الحساسات لو فيه لا قدر الله و كذا حاجة بس لو هتكشف حاول تكشف بال tech 2 افضل من الop-com
تقبل مرورى

[loverdemon]

طيب بخصوص السعر كده معقول ولا ايه رايكم ؟

[بيشوى_رمزى]

بص انا اتباعت قدامى واحدة فيرانى 2000 cc مو 1998 على 43000
ماشية كم 274,000
فاعتقد ممكن تنزل معاه علشان خاطر الكيلومتر عالى شوية بس قبل ما تاخدها اكشف عليها كويس