لييييييه كده،،،،صدمتينى يا انسيجنيا ،،،بس برده بحبك

[Mr_revenger]

الشباب قالوا المفيد. وانا هضم صوتي لصوتهم وهقولك هات الهاي لاين.
مش هيجيلك قلب تركب فيها حاجه او تحط مسمار فيها بعد كده.
حتى لو هتزنق نفسك شوية بس هتجيب حاجه تريحك ومش هتفكر تركب حاجه ولا تفيم ولا تغير حاجه.
بالنسبه للشاشه ال8 بوصه بصراحه اول مره اعرف الحكايه دي !
انا مركب شاشة 6.2 انش في عربيتي (مش انسجنيا) والفيديو بيبقى شغال وفي اختيار انك تفصل الشاشه او بمعنى اصح dim والصوت يفضل شغال. بس في الانسجنيا مش هفتي!

والف مبروك مقدما وربنا يباركلك فيها ويكفيك شرها

والله عندك حق،،،،وموضوع الشاشه ده قفلنى اوى بعد مكنت معشم نفسى انى حقضيها سينما بقى وانا سايق وبتاع،،،،

على العمىم حبقى اجى اتفرج على الافلام عندك بقى ههههههه

ربنا يباركلك فيه وفى عربيتك ويبعد عنهم اى شر

[Mr_revenger]

باشا حضرتك نسيت حاجة الهاي للاين فية فرق في الايرباج فية ارباج ستاير امامي و خلفي

والله ياباشا انا اول مره اعرف الموضوع ده،،،اللى اعرفه ان فيها اربعه ايرباج،،،،بس مش عارف ايه الفرق بينهم وبين الستاير دى بصراحه عشان مفتيش

[Mr_revenger]

صديقي المواطن
بناءا على رسالة جائتني على الخاص بطلب المشاركة في هذا الموضوع الوطني وبطبعي متأخرش عن حد فها هنا أدلي برأيي

قولا واحدا
اﻷوبشنز لا يساوي 25 ألف ولو كان الفرق 10 آلاف كنا حنفكر ونزود لكن كده ضحك على الذقون نيجي ﻷخ قال الحاجات اللي بتركب بره أقل من الأصلي وده موضوع مش صح جملة وتفصيلا يعني أنا لو جبت دي في دي من شركة متخصصة وشكل جميل وإمكاتيات أعلى وحيحلي طبلوه العربية فطبعا أحسن من الفبريكة ثم نيجي لموضوع فصلة الفيلم مع بداية تحرك السيارة فبسيطة وتتعدل في ربع ساعة
ولكن أحب ألفت نظرك لوجهة نظر ثانية
إفتكاسات البيز لاين والهايلاين والفول لودد وأول فئة وتاسع فئة كل الكلام الفاضي ده مش موجود غير في مصر وإخترعه الوكلاء ومستوردي الخليجي كمبرر عشان يركبلك أوبشنز ب 150 جنيه عشان يزود عليك 5000 جنيه من جيبك وأنا كنت بشوف توكيلات بتجيب العربية من بره الفاضية وتقعد تغير وتركب شاشات ودي في دي وسنسورات وجنوط عشان تعلي السعر والمكسب وأحب أطلعك من كل الزحمة دي وأرسيك على حاجة واضحة وضوح الشمس وبسيطة
الخزعبلات دي بيس لاين وهاي لاين وأول فئة وسابع فئة حتسمعها ساعة الشراء بس ساعة البيع صوتك حيتنبح وإنت بتعيد الأوبشنز اللي فيها مختلف عن العربيات التانية من نفس النوع وحتلاقي اللي بيشتري يسمع من اليمين ويطلع من الشمال وحيقلك إختصر بكاااااام ﻷنه هو مبرمج عربية زيرو إلانترا مثلا ثمنها 150 ألف وفيه ب 160 ألف وفيه ب 140 ألف وفيه ب 180 ألف لكن ساعة البيع كلها مثلا ب 135 ألف ممكن قصاد ال25 ألف اللي دفعتهم يجيلك واحد نص فاهم يروح مديلك ألفين جنيه زيادة عشان اﻷوبشنز الزيادة
وعليه في مصر المهم هو شكل السيارة الخارجي وأوتوماتيك وفتحة سقف وشكرا كل الباقي مقدور عليه وبيركب
وبعدين أنا عارف إنك نويت بس بما إنك أخ زميل فاضل ومواطن وطني حبيت بس قبل متدفع فلوس تروح تركب البيجو 508 وتديني رأيك ﻷني شايف لو حدفع فلوس حدور على عربية ترسمني في الشارع وترفع مقامي وتجيبلي العين زي 508 لكن إنسيجنا مش حتديني اﻹحساس ده ودلوأتي كل حبايبنا الحرامية وتجار المخدرات وتجار السلاح بيعتبروا ال 508 بديل المرسيدس زي موضة يعني وعليه لو عليا أنا لو إتحطيت وسط خيارين 508 وإنسيجنيا ومني ليك هدية باسات وجيتا وأوكتافيا في اﻵخر حفضل عليهم ال 508 ﻷنها الوحيدة من دول التي لا زالت وإنت بتعدي عربية تلاقي اللي جنبك رقبته تلوحت عايز يعرف العربية دي إيه ؟

وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

صدام باشا ابو النضال كله،،،،شرفتنى بردك وتحليلك واسمحلى اعلق على كام نقطه كده يا كبيير


معاك ان فرق السعر نوعاً ما كبير شويه،،،وان الاوبشنز دى ممكن تركب بره،،بس اسمحلى اسالك هل تضمن جودتها ١٠٠٪ ؟! ولو تضمنها،،،تضمن ان الصنايعى ده فاهم وعارف بتركب ازاى من غير ما يعك ولا يبوظ حاجه وخصوصا اننا عارفيين صنايعيه مصر عاملين ازاى !!!
ده غير ان فيه اوبشنز غير قابله للاضافه زى الفيميه مثلاً وطبعاً انت عارف ان فيه فرق كبير جداً بين انى ادخل كمين وانا رافع شبابيكى الاربعه فى وش اتخن ظابط وهما فيميه لانهم مثبتين،،،وبين انى انزل الازاز بسرعه عشان ميجيش حته امين معفن يتنطط عليا ويوقفنى ويقولى شيله

انا حسبت تركيب الاوبشنز دى على اعتبار انها حتبقى بريمو،،،دخل فى ١٥ تقريباً مع العلم انها حتاثر اكيد على كهربه العربيا والايرباج

تانى نقطه انا مش هواه تبديل العربيات كتير،،بالعكس انا عشرى اوى فمش منتظر انى افرط فيها بسهوله ولا بدرى،،بالاضافه انى الحمد لله بحافظ على حاجتى جداً فحتى لو فكرت ابيع بعد فتره طويله مش حتبهدل جامد فى بيعها واساسا فكره البيع مش فى دماغى اصلا

اما بالنسبه لل ٥٠٨ فانا فعلا مركبتهاش فعلياً عشان اقدر احكم عليها من جوه انما شكلها فعلا محترم،،،بس علامه البيجو مألوفه،،يعنى لو عدت ٥٠٨ جنبى ولمحت لوجو البيجو مش حتشد اوى،،،انما لو عدت الانسيجنيا قدامى وشوفت علامه الاوبل غصب عنى حفضل مبحلق لانها تصميم جديد مش مالوف على اوبل،،،،غير انى قارنت بين الاتنين الانسيجنيا هورس باور اعلى،،،واوبشنز نوعاً ما اعلى شويه

مره تانيه نورتنى صديقى المواطن

[Mr_revenger]

انا شايف الانسجنيا ملفتة اكثر منها بصراحة ان كنت بعمل كده زي ما الاستاذ صدام بيقول دايما كنت ابص على ال 508 و دماغي تلف وراها و كذلك الانسجنيا بقيت بعمل كده و هما مرتين بس هو اه شكلها مش هجومي و لكني شايفة جميل اكثر و دي اذواق لكل مشتري و محدش ينكر ان ال 508 عاملة شغل جامد بصراحة و موضوع الاوبشنز ده حيرة ما بعدها حيرة و المشكلة ان الواحد لو ركب اوبشن زيادة التوكيل يقلك كهربة العربية بره الضمان

تقريرك المتيين حيلغى من دماغى فكره مقارنه اى عربيه بالعنتيل ده يا كبيييير،،،الالمانى المانى برده

[Mr_revenger]

vauxhall ADAM intelli link او intellilink infotainment system vauxhall adam

هو النظام الزكى للشاشة و للتحكم فيها مع التليفون و المالتيمديا

The New IntelliLink System Overview - ADAM from Vauxhall - YouTube

تسلم على الفيديو يا كبييير،،،،بس الشاشه التاتش اللى فى الهايلاين وسيستم ال Intelink مجهزين بال Gps بس للاسف مش شغال فى مصر معرفش ازاى !!!

[Mr_revenger]

لا اول مرة اسمع بحوار الكاسيت دة في الانسجنيا بس و طبعا الخروج من الضمان دة شئ غلط تماما ومنصحش بية اعمل استخارة وشوف الي فية الخير هيقدمة ربنا

يارب يكون فيه اوبشن يلغى الموضوع ده عشان مش منطقى اتفرج على فيلم وانا واقف بس !!! وربنا يقدم اللى فيه الخير ان شاء الله

[Mr_revenger]

عايز لفه زى ما وعدتنى

وانا عند وعدى والله،،،اول نزله ليا فى القاهره لازم حكلمك واشوفك والعربيه تحت امرك يا معلم

[Mr_revenger]

طب قلنا ايه رأيك في الموضوع يا كبير برضه رأي كبير الاوبلاوية مهم

المشكله يا عبدو باشا انى عارف رأى طنانى باشا من الاول وخالص،،وخلينى اصدمك انه مكنش مؤيد للانسيجنيا وشجعنى على الاسترا،،،بس انا مقرتش اقاوم بصراحه،،،،،،،

بس يهمنا كلنا نعرف رأيك ووجهه نظرك الفنيه يا كبير الاوبلاويه

[بيشوى_رمزى]

تسلم على الفيديو يا كبييير،،،،بس الشاشه التاتش اللى فى الهايلاين وسيستم ال intelink مجهزين بال gps بس للاسف مش شغال فى مصر معرفش ازاى !!!

هنا شغل تعقيد يا معلم

[M I D O]

يارب يكون فيه اوبشن يلغى الموضوع ده عشان مش منطقى اتفرج على فيلم وانا واقف بس !!! وربنا يقدم اللى فيه الخير ان شاء الله

اكيد في تعديل في السوفت وير ممكن يلغي الموضوع دة وعموما هوة كدة افضل كأمان ..
ربنا يقدملك الي فية الخير و يتمملك الشراء و الاستلام علي خير ويحفظهالك

[haisam ali]

انا ليا رأى عادى بسيط بس انا مقتنع بيه جداً جداً ...... عيال عمى الاتنين معاهم باسات ٢٠٠٨ نفس الموديل ونفس اللون .... بس واحده كامله اوى خليجى ... والتانيه من وكيل مصر كامله مصرى ..... وانا بركب الاتنين وبقارن من بعيد .... بجد ده حماده والكامله حماده تانيه خالص .... الكماليات تعتبر عربيه تانيه خالص بجد هتندم لو مجبتهاش كامله

[Abdo Taha]

تقريرك المتيين حيلغى من دماغى فكره مقارنه اى عربيه بالعنتيل ده يا كبيييير،،،الالمانى المانى برده

ان شاء الله هظبطلك تقرير حلو بس يا رب الاقي العربية هناك لحد يوم الاثنين .

[Abdo Taha]

تسلم على الفيديو يا كبييير،،،،بس الشاشه التاتش اللى فى الهايلاين وسيستم ال Intelink مجهزين بال Gps بس للاسف مش شغال فى مصر معرفش ازاى !!!

على فكرة موضوع البرامج اللي هتنزل على ال intellink هتحللك مشكلة ال gps زي ما الفيديو موضح يدوب هتنزل البرنامج على الموبايل

[Abdo Taha]

صدام باشا ابو النضال كله،،،،شرفتنى بردك وتحليلك واسمحلى اعلق على كام نقطه كده يا كبيير


معاك ان فرق السعر نوعاً ما كبير شويه،،،وان الاوبشنز دى ممكن تركب بره،،بس اسمحلى اسالك هل تضمن جودتها ١٠٠٪ ؟! ولو تضمنها،،،تضمن ان الصنايعى ده فاهم وعارف بتركب ازاى من غير ما يعك ولا يبوظ حاجه وخصوصا اننا عارفيين صنايعيه مصر عاملين ازاى !!!
ده غير ان فيه اوبشنز غير قابله للاضافه زى الفيميه مثلاً وطبعاً انت عارف ان فيه فرق كبير جداً بين انى ادخل كمين وانا رافع شبابيكى الاربعه فى وش اتخن ظابط وهما فيميه لانهم مثبتين،،،وبين انى انزل الازاز بسرعه عشان ميجيش حته امين معفن يتنطط عليا ويوقفنى ويقولى شيله

انا حسبت تركيب الاوبشنز دى على اعتبار انها حتبقى بريمو،،،دخل فى ١٥ تقريباً مع العلم انها حتاثر اكيد على كهربه العربيا والايرباج

تانى نقطه انا مش هواه تبديل العربيات كتير،،بالعكس انا عشرى اوى فمش منتظر انى افرط فيها بسهوله ولا بدرى،،بالاضافه انى الحمد لله بحافظ على حاجتى جداً فحتى لو فكرت ابيع بعد فتره طويله مش حتبهدل جامد فى بيعها واساسا فكره البيع مش فى دماغى اصلا

اما بالنسبه لل ٥٠٨ فانا فعلا مركبتهاش فعلياً عشان اقدر احكم عليها من جوه انما شكلها فعلا محترم،،،بس علامه البيجو مألوفه،،يعنى لو عدت ٥٠٨ جنبى ولمحت لوجو البيجو مش حتشد اوى،،،انما لو عدت الانسيجنيا قدامى وشوفت علامه الاوبل غصب عنى حفضل مبحلق لانها تصميم جديد مش مالوف على اوبل،،،،غير انى قارنت بين الاتنين الانسيجنيا هورس باور اعلى،،،واوبشنز نوعاً ما اعلى شويه

مره تانيه نورتنى صديقى المواطن :f_eyeb1[1]:

هو ده اللي انا قصدي عليه اما بشوف 508 بقول الله جميلة اما الانسجنيا الحق اجري وراها كأني عايز امسك حرامي بالفعل ملفته اكثر .

[Mr_revenger]

ان شاء الله هظبطلك تقرير حلو بس يا رب الاقي العربية هناك لحد يوم الاثنين .

يا عم والله ولو ملقتها،،،اجى اجيبك تشوفها هنا فى الاسماعيليه وارجعك تانى،،،انت تنور يا باشا والله