ساعدوووونى فى تجهيز العروسه

[Mr_revenger]

١٠٠ مسا على الناس الحلوه الكويسه

متفهمونيش غلط من عنوان الموضوع،،،اكيد مش بلم عشان جوازى

القصه كلها فى انى عملاً بمبدأ جهز العروسه،،،قبل متجيب العروسه نفسها،،،

فبدأت من دلوقتى ادور وادعبس على النت على الاكسسوارات اللى ممكن اجبها واركبها للمحبوبه الانسيجنيا وده بعد مشوااااااااار طويل من العذاب والحيره والاستخاره اخيراً استقريت عليها،،،،ونظراً لان معظم الحاجات دى معرفش ان كانت بتتباع هنا ولا لاء فناوى اجبها من بره وطبعاً حتاخد وقت طوييل على ما تيجى،،عشان كده عاوز اجيبها من دلوقتى عشان يا دوووب تجيلى بعد مكون ركبت العربيه فتره

وبما انها عربيه مميزه لوحدها فمش حلعب فيها كتير،،انا بس حابب احط التاتش بتاعى عليها


أولاً،،،،،،انا سألت وعرفت ان الانسيجنيا بما انها تيربو فليها مخرجين شكمان بس للأسف مش ظاهرين،،،،فبفكر انى اركبلهم حليتين كروم زى اللى فى الصوره دى

Opel Insignia picture # 25 of 45, Rear, MY 2014, 1280x960

بس مش عارف بقى ايه النظام ححتاج اقص فى الحته الفبر اللى فى العربيه من تحت،،ولا بيركبو على طول،،،،وهل بيبقوا على طرف الشكمان بس ولا بيحتاج تركيبات وتعقيدات والكلام ده،،،ومكانهم فين وسعره عامل ايه تقريباً،،،!!

ثانياً،،،، طالع من عينى الاضاءه الليد الداخليه اللى فى صالون الاسترا اللى لونها احمر تحت الفتيس والابواب دى وعاوز اركبها فى صالون الانسيجنيا زى اللى فى الصوره دى بس معرفش بتتركب ازاى وبتاخد كهربتها منين

Opel Astra OPC interior - PerformanceDrive


ثالثاً،،،،،،،عاوز اغير اضاءه ال daylight بدل الاضاءه الصفرا المنيله دى،،،بفكر اجيبلها لمض ليدان زى دى

VAUXHALL INSIGNIA 09- P21W/5W DRL LIGHT BULBS 7443 T20 6000K 18 SMD XENON WHITE | eBay

هما كاتبين انها free error بس بردو موضحين انها ممكن تحتاج كتاوت،،فمش عارف فى الحاله دى حتأثر على كهربه العربيه والكونترول ولا ايه الكلام

وبالنسبه لفوانيس الفوج لايت حيتم استبدالها بلمض philips extream viosion بحيث الاضاءه تبقى بيضا برده واعتقد انها مش محتاجه برده كتاوت بس مش عارف نوع اللمض بتاعت الانسيجنيا h4 - h7-h11 ايه فيهم هو الصح


رابعاً،،،،،،بفكر اضيف اللمض الليد دى تحت فى الشبكه اللى فيها لمبات الفوج لايت ،،ايه رأيكم ولا حتبقى بهرجه على الفاضى !!؟

http://www.nilemotors.net/Nile/391686-do-yourself-drl.html

ده تقريباً كل اللى بفكر فيه،،،،،يا ريت تنصحونى وتقولولى أرائكم،،ايه مناسب وموجود هنا،،وايه بلاش منه ،،ايه ممكن اضيفه وايه ممكن الغيه،،،،،،مع العلم بان اهم حاجه عندى ميتلعبش فى كهربه العربيا ولا الكومبيوتر بتاعها عشان ميديش اى اعطال او errors والعربيه تخرج من الضمان

وربنا يقدركم كده على فعل الخير وخلى العروسه تدعيلكم

[start_wow]

متابع معاك وربنا يوفقك في اختيارك

[haisam ali]

ربنا يباركلك يارب ويرزقك كل خيرها ويبعد عنك شرها انت والسامعين يارب ...... اما بقى نيجى للعروسه يامعالى الباشا عروستك زى القمر وعينيها جميله جدا وزرقه .... انت بقى عايز تخلى عينيها خضره ليه ؟؟؟؟ ...... بمعنى أحلى حاجه انك تجيب العربيه وتخليها استوك كده بدون أى لعب او تزويد ( لان من رايى الضعيف جداً جداً والمحدود ان مصنعى العربيات بيعملوا كل حاجه بالظبط ) وانت أساسا باذن الله تقريبا هتشترى التوب لاين اللى هيا أساسا كل حاجه فيها .... فصدقنى بلاش أى تعديل مننا لانها مش محتاجه انت بس ربنا يقدرك وتقدر تحافظ عليها فى ظل المعاناه الشديده اللى احنا فيها من طرق واخلاقيات سواقين .... واى تعديل مش شرط انه يأثر سلبى على العربيه خالص .... لا طبعا بالعكس التعديل هوه اللى هيفضل يبوظ لانه مش اوريجينال فبالتالي كل شويه هيبوظ وفك وركب وفك وركب وفك وركب ..... وهنا بقى المشكله تبدأ تظهر ..... هذا وبالله التوفيق

[saddam]

صديقي المواطن
والله إحنه الشعب المصري مغلوبين على أمرنا بنرضى بأتفه التوافه ونرضى بحاجة بسيطة أوي ونظرا ﻷنك قصدتني برسالة عالخاص ومتعشم بيا خير ونظرا ﻷنك من بره القاهرة فقولا واحدا سيبك من كل القصص البسيطة اللي عايز تعملها هات العربية اﻷول وأنا أبصلك عليها عالطبيعة وأقلك نركب إيه ونعمل إيه ومجانا وحوقف معاك كذا يوم ومش حاخد منك حاجة وسندوتشاتك عليا قولا واحدا
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
مبدئيا كده بفكر أخليها كروس أوفر لو ناوي تصرف لو عايز إضافات من جماعة بلاش إبن عم رخيص فحفكرلك في شوية حاجات بسيطة وسيبك كل الحاجات اللي عايز تجيبها من بره موجودة هنا

[Abdo Taha]

اعتقد الشكمانات مش هتبوظ حاجة

[tananybasha]

الف مبرووووووووووك مقدماً
و سيبها فى حالها ابوس ايدك

[omar-saad]

اولا الف مبروك مقدما
العربية مش محتاجة لعب اصلا لان اى حاجة هاتبوظ شكلها
ممكن حلبة شكمان نضيفة مقابض نيكل
طقم زينون فليبس اصلى وشكرا على كدة
اى حاجة تانية هاتبقى افورة واهتبوخ منظر العربية

[Mr_revenger]

ربنا يباركلك يارب ويرزقك كل خيرها ويبعد عنك شرها انت والسامعين يارب ...... اما بقى نيجى للعروسه يامعالى الباشا عروستك زى القمر وعينيها جميله جدا وزرقه .... انت بقى عايز تخلى عينيها خضره ليه ؟؟؟؟ ...... بمعنى أحلى حاجه انك تجيب العربيه وتخليها استوك كده بدون أى لعب او تزويد ( لان من رايى الضعيف جداً جداً والمحدود ان مصنعى العربيات بيعملوا كل حاجه بالظبط ) وانت أساسا باذن الله تقريبا هتشترى التوب لاين اللى هيا أساسا كل حاجه فيها .... فصدقنى بلاش أى تعديل مننا لانها مش محتاجه انت بس ربنا يقدرك وتقدر تحافظ عليها فى ظل المعاناه الشديده اللى احنا فيها من طرق واخلاقيات سواقين .... واى تعديل مش شرط انه يأثر سلبى على العربيه خالص .... لا طبعا بالعكس التعديل هوه اللى هيفضل يبوظ لانه مش اوريجينال فبالتالي كل شويه هيبوظ وفك وركب وفك وركب وفك وركب ..... وهنا بقى المشكله تبدأ تظهر ..... هذا وبالله التوفيق

ربنا يخليك هشام باشا على الدعوه الحلوه دى،،انا وانت والناس كلنا ربنا يحفظلنا عربياتنا وينور طريقنا ان شاء الله
انا متفق جداً مع سيادتك ان الاصلى لا يعلى عليه،،،بس فيه حاجات لابد من تغييرها،،،وللاسف عروستى عنيها صفرا مش زرقا لانى ان شاء الله حجيب الهايلاين مش التوب ودى اضائتها صفرا ومضيقانى اوى،،اعتقد لو لمبات محترمه واصلى مش حتضر العروسه فى حاجه كتيير،،،واكيد عمرى محركب اى حاجه تبوظلى حاجه تانيه فى العربيه،،كلها حاجات اكسسوارات خارجيه يعنى،،،على العموم تيجى العروسه ونشوف ايه عليا وايه عليها بقى

[Mr_revenger]

صديقي المواطن
والله إحنه الشعب المصري مغلوبين على أمرنا بنرضى بأتفه التوافه ونرضى بحاجة بسيطة أوي ونظرا ﻷنك قصدتني برسالة عالخاص ومتعشم بيا خير ونظرا ﻷنك من بره القاهرة فقولا واحدا سيبك من كل القصص البسيطة اللي عايز تعملها هات العربية اﻷول وأنا أبصلك عليها عالطبيعة وأقلك نركب إيه ونعمل إيه ومجانا وحوقف معاك كذا يوم ومش حاخد منك حاجة وسندوتشاتك عليا قولا واحدا
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
مبدئيا كده بفكر أخليها كروس أوفر لو ناوي تصرف لو عايز إضافات من جماعة بلاش إبن عم رخيص فحفكرلك في شوية حاجات بسيطة وسيبك كل الحاجات اللي عايز تجيبها من بره موجودة هنا

صدام باشا رجل افعال لا اقوال،،،،يا باشا كفايه زوقك وجدعنتك مع الاعضاء كلها هنا،،،،،،يبقى اتفقنا،،،بس السندوتشات عليا انا عيب يا جدع ده حتى حلاوه العربيه يعنى ههههههه

عيب يا باشا كفايه وقفتك معايا،،،يبقى اتكلنا على الله استأذنك تبعتلى نمرتك يا كبيير عشان نبقى على اتصال اول ما الغندوره تشرف ان شاء الله ونشوف نقدر نعملها ايه

[haisam ali]

طاب انا هتدخل فى حاجه وآسف جداً لتدخلى فيها .....! لو حضرتك قدرت تصبر شويه او تضحى وتجيب التوب لاين صدقنى هتتبسط اوى اوى اوى ..... صدقنى الكماليات الاوريجينال دى حكايه كمان مش هتندم عليها والله ..... هذا وبالله التوفيق

[Mr_revenger]

الف مبرووووووووووك مقدماً
و سيبها فى حالها ابوس ايدك

يا باشا لازم اعلم عليها فى حاجه،،،اومال احط التاتش بتاعى فين بس هههههههههه

والله دى كلها حاجات خارجيه بسيطه اكيد عمرى محلعب ولا اغير فى اى حاجه تقيله ولا ليها علاقه بالكهربا او السوفتوير بتاعها،،،،عشان تركبها وتحس انها مختلفه يا طنانى باشا

[بيشوى_رمزى]

الف مبرووووووووووك مقدماً
و سيبها فى حالها ابوس ايدك

ههههههههههههههههههههههه

انا متفق مع طنانى باشا فى النقطة دى

[Mr_revenger]

اولا الف مبروك مقدما
العربية مش محتاجة لعب اصلا لان اى حاجة هاتبوظ شكلها
ممكن حلبة شكمان نضيفة مقابض نيكل
طقم زينون فليبس اصلى وشكرا على كدة
اى حاجة تانية هاتبقى افورة واهتبوخ منظر العربية

مهو ده اللى انا بفكر فيه يا كبير،،،مش حلعب فيها لعب كبير لان زى مقولت شكلها مش محتاج اضافات كتير،،،هو ممكن الحليات بتاعه الشكمان وزينون كويس بس متعرفش ان كان الفيليبس ده بيركب عادى فى العربيه ولا بيدى error ??

[Mr_revenger]

ههههههههههههههههههههههه

انا متفق مع طنانى باشا فى النقطة دى

برده انتوا متفقين كلكم عليا ولا اييييييه،،،،،،،!!!!!

خلاص حكتفى بتعديلين بس مش اكتر والله فى العربيه،،،،ينفع

[Abdo Taha]

برده انتوا متفقين كلكم عليا ولا اييييييه،،،،،،،!!!!!

خلاص حكتفى بتعديلين بس مش اكتر والله فى العربيه،،،،ينفع

ظبط الشكمانات و بلاش زينون عشان كهربة العربية متخرجش من الضمان